79139

རྟེན་ཅན་གྱི་དོན་བྱེད་པ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། དེེ་བཞིན་གཤེགས་པས་འགྲོ་བའི་དོན་མཛད་ཚུལ་ལ། རྟེན་ཅན་གྱི་དོན་བྱེད་པ་དང་། རྟེན་མེད་ཀྱི་དོན་བསྒྲུབ་པ་དང་། གནས་ལུགས་ངོ་བོ་ཉིད་ཀྱི་དོན་བྱེད་པ་བཅས་བཞེད་ལུགས་མི་འདྲ་བ་གསུམ་དུ་བྱུང་བའི་ཡ་གྱལ་ལས་དང་པོ་རྒྱ་གར་གྱི་སློབ་དཔོན་སེངྒེ་བཟང་པོ་དང་། བོད་ན་ཞང་ཤེས་རབ་བླ་མ་སོགས་ཀྱི་བཞེད་པར་གསུངས་ཏེ། རྒྱུད་ཀྱི་ཁོག་དབུབ་རིན་པོ་ཆེ་འབར་བའི་གུར་ལས། སྤྱིར་སྐུ་གསུང་ཐུགས་ཡོན་ཏན་ཕྲིན་ལས་བསམ་གྱིས་མི་ཁྱབ་པས་དོན་མཛད་པ་དང་། ཁྱད་པར་དུ་གསང་བའི་བསྟན་པ་རྒྱུད་འདི་ཉིད་ཀྱིས་དོན་མཛད་པ་གཉིས་ཀའི་ཚུལ་ནི་གསུམ་དུ་བྱུང་སྟེ། རྟེན་ཅན་གྱི་དོན་བྱེད་པར་འདོད་པ་བྲམ་ཟེ་མཆོད་སྡོང་སྒྲུབ་པ་ལྟ་བུ། རྟེན་མེད་ཀྱི་དོན་བསྒྲུབ་པར་འདོད་པ་དྲང་སྲོང་དམོད་པ་སྒྲུབ་པ་ལྟ་བུ། གནས་ལུགས་ངོ་བོ་ཉིད་ཀྱི་དོན་བྱེད་པར་འདོད་པ་ཡིད་བཞིན་གྱི་ནོར་བུ་རིན་པོ་ཆེ་ལྟ་བུ་དང་གསུམ་ལས། ལུགས་དང་པོ་ནི། དཔེར་ན་རིག་སྔགས་གྲུབ་པའི་བྲམ་ཟེ་ཞིག་གིས་རིན་པོ་ཆེའི་མཆོད་སྡོང་བསྒྲུབས་ནས་བཞག་པས། བྲམ་ཟེ་ཁོ་རང་ཚེའི་དུས་བྱས་ཀྱང་ཁོའི་རྗེས་འཇུག་རྣམས་ཀྱི་འདོད་པ་རྣམས་རིན་པོ་ཆེའི་མཆོད་སྡོང་གིས་སྐོང་བར་བྱེད་པ་བཞིན་དུ། བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ཚོགས་གཉིས་ཡོངས་སུ་རྫོགས་པར་བྱས་ནས་མི་དམིགས་པའི་དབྱིངས་སུ་ཡོངས་སུ་མྱ་ངན་ལས་འདས་ཀྱང་། ཚོགས་གཉིས་རྫོགས་པའི་འབྲས་བུ་སྐུ་དང་ཡེ་ཤེས་ཀྱིས་གདུལ་བྱ་རྣམས་ཀྱི་དོན་བྱེད་པར་འདོད་པ་ནི། རྒྱ་གར་དུ་སློབ་དཔོན་སེངྒེ་བཟང་པོ་དང་། བོད་ན་ཞང་ཤེས་རབ་བླ་མ་ལ་སོགས་པའི་བཞེད་པ་ཡིན་ནོ། །ཞེས་གསུངས་སོ། །
Domain	ཆོས་ལུགས།

{{#arraymap:རྟེན་ཅན་གྱི་དོན་བྱེད་པ་

|; |@@@ | | }}