79233

རྟེན་འབྲེལ་ཡན་ལག་བཅུ་གཉིས་འཕེན་འགྲུབ་ཀྱི་ཡན་ལག་བཞིར་བསྡུ་བ་ (1)

Part of speech	མིང་ཚིག
Definition	ཡན་ལག་བཅུ་གཉིས་པོ་ཐམས་ཅད་འཕེན་འགྲུབ་ཀྱི་ཡན་ལག་བཞིར་འདུས་ཏེ། མ་རིག་པ། འདུ་བྱེད། རྣམ་ཤེས་རྒྱུའི་ཆ་ལ་བཞག་པ་ལྟར་ན། རྣམ་ཤེས་གསུམ་ནི་འཕེན་བྱེད་ཀྱི་ཡན་ལག མིང་དང་གཟུགས་སྐྱེ་མཆེད་དྲུག རེག་པ་ཚོར་བ་བཞི་ནི་འཕངས་པའི་ཡན་ལག སྲེད་ལེན་སྲིད་པ་གསུམ་ནི་འགྲུབ་བྱེད་ཀྱི་ཡན་ལག སྐྱེ་རྒ་གཉིས་ནི་གྲུབ་པའི་ཡན་ལག་ཡིན་པའི་ཕྱིར་རོ། །འཕེན་བྱེད་རྒྱུ་འབྲས་ལ་ཡང་གང་གིས་འཕེན་པ། ཇི་ལྟར་འཕེན་པ། གང་འཕངས་པ་དང་གསུམ་ལས། དང་པོ་ནི། མ་རིག་པ་དང་འདུ་བྱེད་གཉིས་ཏེ། མ་རིག་པའི་དབང་གིས་འདུ་བྱེད་ཀྱིས་ལས་སོག་པར་བྱེད་པའི་ཕྱིར་རོ། །གཉིས་པ་ནི། རྣམ་ཤེས་ལ་བག་ཆགས་བསྒོས་པའི་ཚུལ་གྱིས་ཏེ། རྒྱུའི་ཆ་ལ་དགོངས་སོ། །གསུམ་པ་ལ། ལུས་དང་ལོངས་སྤྱོད་གཉིས་ལས། ལུས་ཀྱི་ངོ་བོའི་དབང་དུ་བྱས་ནས་མིང་དང་གཟུགས། ཁྱད་པར་གྱི་དབང་དུ་བྱས་ནས་སྐྱེ་མཆེད་དྲུག ལོངས་སྤྱོད་ལ་ཡུལ་གྱི་ལོངས་སྤྱོད་ཀྱི་དབང་དུ་བྱས་ནས་རེག་པ། རྣམ་སྨིན་གྱི་ལོངས་སྤྱོད་ཀྱི་དབང་དུ་བྱས་ནས་ཚོར་བ་འཕངས་སོ། །འགྲུབ་བྱེད་རྒྱུ་འབྲས་ལ་ཡང་། གང་གིས་འགྲུབ། ཇི་ལྟར་འགྲུབ། གང་འགྲུབ། དེའི་ཉེས་དམིགས་དང་བཞི་ལས། དང་པོ་ནི། སྲེད་ལེན་གཉིས་ཏེ། སྲེད་པའི་དབང་གིས་ཉེ་བར་ལེན་པས་འགྲུབ་པར་བྱེད་པའི་ཕྱིར་རོ། །གཉིས་པ་ནི་སྲིད་པ་སྟེ། སྲེད་ལན་གཉིས་ཀྱི་དབང་གིས་རྣམ་སྨིན་འགྲུབ་པའི་ནུས་པ་མཐུ་ཅན་དུ་བྱས་པའི་ཚུལ་གྱིས་སོ། །གསུམ་པ་ནི། སྐྱེ་བ་སྟེ། རྣམ་སྨིན་གྱི་ངོ་བོ་ཡིན་པའི་ཕྱིར་རོ། །བཞི་པ་ནི། རྒ་ཤི་སྟེ། དེའི་གནས་སྐབས་ཀྱི་ཉེས་དམིགས་ཡིན་པའི་ཕྱིར་རོ། །འདི་དག་ཀྱང་མདོ་ལས་འབྱུང་བའི་ཡན་ལག་ཆ་གཅིག་ལ་སྦྱར་བ་དང་། འཁོར་བའི་རྒྱུ་འབྲས་ཀྱིས་བསྡུས་པའི་ཆ་གཅིག་ལ་སྦྱར་བ་གཉིས་ལས། དང་པོ་ལྟར་ན་ཐམས་ཅད་ཀྱང་མངོན་གྱུར་ལ་སྦྱར་ཏེ་དོན་ལ་རྒྱུ་འབྲས་ཆ་གཉིས་ཡོད་པས་ཚོར་བ་མངོན་གྱུར་བའི་དབང་གིས་སྲེད་པ་བསྐྱེད་པའི་ཕྱིར་རོ། །ཕྱི་མ་ལྟར་ན་མིང་གཟུགས་ནས་ཚོར་བའི་བར་བཞི་ནི་ས་བོན་ལ་བཞག་དགོས་ཏེ། འཕེན་བྱེད་རྒྱུ་འབྲས་ཀྱི་རྗེས་སུ་འགྲུབ་བྱེད་རྒྱུ་འབྲས་འབྱུང་བའི་ཕྱིར་རོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །
Domain	ཆོས་ལུགས།

{{#arraymap:རྟེན་འབྲེལ་ཡན་ལག་བཅུ་གཉིས་འཕེན་འགྲུབ་ཀྱི་ཡན་ལག་བཞིར་བསྡུ་བ་

|; |@@@ | | }}