79737

རྡོ་རྗེ་ཐལ་མོ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རྡོ་རྗེ་ཐལ་མོ་ནི། ལག་པ་གཡས་པའི་སོར་ལྔའི་རྩེ་མོར་རིགས་ལྔའི་ས་བོན་ཐབས་ཀྱི་ཡི་གེ་ལྔ་དང་། གཡོན་པའི་སོར་མོར་ཤེས་རབ་ཡུམ་ལྔའི་ས་བོན་བཀོད་དེ་ཐལ་མོ་སྦྱོར་བའི་ཕྱག་རྒྱ་ཞིག་སྟེ། དཀོན་ཅོག་འགྲེལ་ལས། མི་བསྐྱོད་པའི་བྱིན་རླབས་ལག་པ་གཡས་པའི་མཐིལ་དུ་ཐབས་ཀྱི་བདག་ཉིད་ཉི་མའི་དཀྱིལ་འཁོར་ལ་ཐབས་ཀྱི་ཡི་གེ་ཧཱུྃ་ཨཱོྃ་སྭཱ་ཨཱཾ་ཧཱ་རྣམས་གསལ་བ་ནི་ཐབས་ཀྱི་ཆ་རིགས་ལྔའི་རང་བཞིན་ནོ། །རིན་ཆེན་འབྱུང་ལྡན་གྱི་བྱིན་རླབས་ལག་པ་གཡོན་པ་ཤེས་རབ་ཀྱི་རང་བཞིན་ཟླ་བའི་དཀྱིལ་འཁོར་ལ་ཤེས་རབ་ཀྱི་ཡི་གེ་མཱུཾལཱཾམཱཾཔྱཾཏཱཾ་རྣམས་གསལ་བ་ནི་ཤེས་རབ་ཀྱི་ཆ་ཡུམ་ལྔའི་རང་བཞིན་ནོ། །དེ་ཉིད་རྡོ་རྗེ་ཐལ་མོ་ཅུང་ཟད་སྦྱར་བ་ནི་ཐབས་དང་ཤེས་རབ་ལ་འཇུག་པར་ཕྱོགས་པས་དགྱེས་པ་བསྐྱེད་པ་དང་། ཐབས་དང་ཤེས་རབ་ཟུང་དུ་འབྲེལ་བའི་སྒོ་ནས་འགྲོ་བའི་དོན་མཛད་པ་ལ་ཕྱོགས་པས་དགྱེས་པ་བསྐྱེད་པའི་བདག་ཉིད་དོ། །དེ་ནས་ཐལ་མོ་དེ་ལེགས་པར་སྦྱར་ནས་ཐབས་དང་ཤེས་རབ་གཉིས་སུ་མེད་པར་གྱུར་པས། དོན་དམ་པའི་བདེ་བ་ཆེན་པོ་བསྙེམས་པ་དང་། དེའི་དབང་གིས་འགྲོ་བའི་དོན་མཛད་པ་ལ་ཞུགས་པའི་དགྱེས་པ་བསྐྱེད་པ་སྟེ། དེའི་ཕྱིར་རྡོ་རྗེ་ཐལ་མོ་ནི་དོན་དང་རྟགས་གཉིས་ཀའི་སྒོ་ནས་ཕྱག་རྒྱ་འབྱུང་བའི་རྒྱུར་གྱུར་ཏོ། །ཞེས་དང་། ཕྱོགས་བཅུའི་མུན་སེལ་ལས། ལག་པ་གཡས་མི་བསྐྱོད་པའི་སོར་མོ་ལྔའི་རྩེ་ལ་ཉི་མའི་དཀྱིལ་འཁོར་སྲན་ཟླུམ་ཙམ་ལྔའི་སྟེང་དུ་ཡི་གེ་ཧཱུྃ་ཨཱོཾ་སྭཱ་ཨཱཾ་ཧཱ་སྟེ་ཐབས་ཡབ་ཀྱི་ཡི་གེ་ལྔ་དང་། ལག་པ་གཡོན་རིན་ཅེན་འབྱུང་ལྡན་གྱི་སོར་མོ་ལྔ་ལ་ཟླ་བའི་དཀྱིལ་འཁོར་སྲན་མའི་གའུ་ཙམ་ལྔའི་སྟེང་དུ་ཤེས་རབ་ཡུམ་གྱི་ཡི་གེ་མཱུྃ་ལཱྃ་མཱྃ་པྱཱྃ་ཏཱྃ་ལྔ་བཀོད་དེ། ལག་པ་གཡས་ཀྱི་སོར་མོ་ལྔ་དང་གཡོན་གྱི་སོར་མོ་ལྔ་པོ་གཉིས་ཟུང་དུ་སྦྱར་ཏེ་སོ་སོར་སྤྲད་པ་ལས་རྡོ་རྗེ་ཐལ་མོ་སྦྱར་བ་བསྒྱུར་བ་ནི་ལྷ་སོ་སོའི་ཕྱག་རྒྱ་འབྱུང་བའི་རྒྱུ་ཡིན་ནོ། །ཞེས་གསུངས་སོ། །
Domain	ཆོས་ལུགས།