81409

རྨད་དུ་བྱུང་བའི་ཡོན་ཏན་བཞི་ (1)

Part of speech	མིང་ཚིག
Definition	སངས་རྒྱས་གཙུག་ཏོར་དཔའ་བར་འགྲོ་བ་ཞེས་བྱ་བའི་མདོ་ལས་བདེ་བླག་ཏུ་གྲུབ་པ་སྟེ། ༡ རྨད་དུ་བྱུང་བའི་ཐོས་པའི་སེམས་ཐོབ་པ་ནི། བདག་ཐོག་མར་རྨད་དུ་བྱུང་བའི་ཡང་རྨད་དུ་བྱུང་བ་ཐོས་པའི་སེམས་ཐོབ་ནས་སེམས་ཀྱི་རང་བཞིན་ཐོས་པ་དང་བྲལ་ཞིང་མཐོང་བ་དང་ཐོས་པ་དང་ཚོར་བ་དང་ཤེས་པའི་བྱ་བ་སོ་སོར་མ་ཕྱེ་བར་ཡུལ་ལ་འཇུག་པའི་རིན་པོ་ཆེ་གསལ་རིག་རང་བྱུང་གི་ཡེ་ཤེས་གྲུབ་ཅིང༌། དེ་བཞིན་དུ་བདག་རྨད་དུ་བྱུང་བའི་གཟུགས་སུ་སྤྲུལ་ནས་མཐའ་མེད་པའི་གསང་སྔགས་འཆད་པར་ནུས་སོ། ། ༢ མཉན་པ་སེམས་པ་དབང་པོ་དྲུག་དང་བྲལ་བ་ནི། བདག་གི་མཉན་པ་དང་སེམས་པ་དབང་པོ་དྲུག་དང་བྲལ་བས་ཇི་ལྟར་སྐད་ཀྱི་དབྱངས་ར་བས་མི་འགོག་པར་ཐོས་པ་བཞིན་དུ་སྣ་ཚོགས་པའི་གཟུགས་སུ་སྤྲུལ་ནས་གསང་སྔགས་ཀྱི་སྒྲ་སྣ་ཚོགས་པ་སྒྲོག་པར་བྱེད་དོ། །གཟུགས་དེ་དང་གསང་སྔགས་དེས་སེམས་ཅན་ཐམས་ཅད་ལ་འཇིགས་པ་མེད་པར་བྱེད་ནུས་པས་དེ་དང་མཐུན་པར་ཕྱོགས་བཅུའི་རྡུལ་སྙེད་ཀྱི་འཇིག་རྟེན་གྱི་ཁམས་ཐམས་ཅད་དུ་བདག་ལ་མི་འཇིགས་པ་ཐམས་ཅད་སྦྱིན་པ་ཞེས་གྲགས་པར་གྱུར་ཏོ། ། ༣ མངོན་པར་བྱང་ཆུབ་པའི་གསལ་རིག་རྨད་དུ་བྱུང་བའི་རྩ་བའི་རྒྱུ་ལ་བསླབ་པ་ནི། བདག་ཐོག་མ་ནས་མངོན་པར་བྱང་ཆུབ་པའི་གསལ་རིག་རྨད་དུ་བྱུང་བའི་རྩ་བའི་རྒྱུ་ལ་བསླབ་ཅིང་སྦྱངས་པས་གང་དུ་ཕྱིན་པའི་འཇིག་རྟེན་གྱི་ཁམས་དེའི་སེམས་ཅན་ཐམས་ཅད་སོ་སོ་ནས་རང་རང་གི་རིན་པོ་ཆེ་སོགས་ཡོ་བྱད་བཏང་ནས་བདག་གི་སྙིང་རྗེ་བསྐུལ་ཞིང་གསོལ་བ་འདེབས་པར་བྱེད་དོ། ། ༤ དེ་བཞིན་གཤེགས་པའི་དགོངས་པ་རྙེད་པ་ནི། བདག་གིས་དེ་བཞིན་གཤེགས་པའི་དགོངས་པ་རྙེད་ཅིང་མཐར་ཐུག་པའི་དོན་གསལ་བར་བྱེད་པས་རིན་པོ་ཆེའི་ཡོ་བྱད་ཀྱིས་ཕྱོགས་བཅུའི་དེ་བཞིན་གཤེགས་པ་རྣམས་ལ་མཆོད་པ་སྣ་ཚོགས་པས་མཆོད་པར་བྱེད་ཅིང་འཇིག་རྟེན་གྱི་ཁམས་ཀྱི་རིགས་དྲུག་གི་སེམས་ཅན་ཐམས་ཅད་ལ་སྙོམས་པར་གང་དག་བུད་མེད་འདོད་པ་ལ་བུད་མེད་ཐོབ་པར་བྱེད། བུ་འདོད་པ་ལ་བུ་ཐོབ་པར་བྱེད། ཏིང་ངེ་འཛིན་འདོད་པ་ལ་ཏིང་ངེ་འཛིན་ཐོབ་པར་བྱེད། ཚེ་རིང་བར་འདོད་པ་ལ་ཚེ་རིང་བ་ཐོབ་པར་བྱེད། དེ་བཞིན་དུ་མྱ་ངན་ལས་འདས་པ་ཆེན་པོ་འདོད་པ་ལ་མྱ་ངན་ལས་འདས་པ་ཐོབ་པར་བྱེད་དོ། །
Domain	ཆོས་ལུགས།

{{#arraymap:རྨད་དུ་བྱུང་བའི་ཡོན་ཏན་བཞི་

|; |@@@ | | }}