81736

རྩ་བཞི་ (1)

Part of speech	མིང་ཚིག
Definition	སྔགས། རྩ་ཡི་ངོ་བོ་ངོས་བཟུང་བ་དང་། རྩ་ཡི་དབྱེ་བསྡུ་དང་། རྩ་ཡི་ལམ་དང་འབྲས་བུའོ། །རྩའི་ངོ་བོ་ལ་གསུམ། ཕོ་རྩ། མོ་རྩ། མ་ནིང་གི་རྩའོ། །ཕོ་རྩ་ནི་མི་གཞོན་པའོ། །མོ་རྩ་ནི་གཞོན་པའོ། །མ་ནིང་གི་རྩ་ནི་དེ་གཉིས་ཀྱི་བར་མའོ། །ཡང་ན་རྩ་ནི་མི་འདུག་སའི་ཁང་པ་དང་འདྲ་སྟེ། ཡི་གེ་དང་རླུང་དང་ཐིག་ལེ་བཞིའི་གནས་པ་ཡིན་པའི་ཕྱིར་རོ། །རྩའི་དབྱེ་བསྡུ་ལ་གཉིས། ཕྱེ་ན་སྟོང་ཕྲག་བདུན་བཅུ་རྩ་གཉིས། བསྡུ་ན་དགུ རྩ་གཉིས་བཞི་འམ་དྲུག རོ་མ་རྐྱང་མ་ཨ་བ་དྷུ་ཏིའོ། །རྩ་ཡི་ལམ་ལ་བཞི། ལམ་དང་གེགས་དང་། གེགས་སེལ་དང་། ལམ་གྱི་ཡོན་ཏན་རྫོགས་པའོ། །ལམ་ནི་ལུས་ལྷའི་དལ་མར་བསྒོམས་ནས། དུས་ཀྱི་གནད། ལུས་ཀྱི་གནད། ཡུལ་གྱི་གནད། ཤེས་པའི་གནད་བཞི་རྟེན་འབྲེལ་བསྒྲིགས་ནས། སྦྱོར་བ་བཞི་ལྡན་ཞི་དྲག་གཉིས་ཀྱི་རླུང་བཟུང་ནས། གསང་གནས་ཨ་ཐུང་གཏུམ་མོའི་མེ་སྦར་ནས་རྩ་ཁ་ཕྱེ་བས་རྩ་མདུད་གྲོལ་ལོ། །རྩ་མཁའ་འགྲོ་མའི་གནས་སུ་རླུང་དཔའ་བོ་ཡབ་ཡུམ་འདུས། རྩ་མདུད་ཡི་གེ་འབུར་དུ་དོད། ཁམས་དྭངས་མ་བྱང་སེམས་ཀྱི་ཐིག་ལེ་རྒྱས། དེས་རྩ་ལམ་དུ་སློང་བའོ། །གལ་ཏེ་གེགས་བྱུང་ན། ཕྱི་ཡི་གེགས་མི་དང་མི་མ་ཡིན་གྱི་གེགས། ནང་འབྱུང་བ་བཞི་དང་ཉོན་མོངས་པ་རྒྱས་པའི་གེགས། རྩ་ཟུག་ལྷག་པར་ན་ཞིང་ཟུག་གཟེར་ཤིན་ཏུ་ཆེ་བ་རྩ་ཡི་གེགས། གསུམ་པ་གེགས་སེལ་བ་ནི། བདུད་དང་མི་མ་ཡིན་གྱི་གེགས་ནི། སེམས་ཅན་ཐམས་ཅད་ཕ་དང་མར་ཤེས་ནས། བྱམས་པ་སྙིང་རྗེ་བྱང་ཆུབ་ཀྱི་སེམས་བསྒོམ་པས་སེལ། གཞན་ཡང་དེ་དང་དེའི་གནས་ཀྱི་ཡི་གེར་རླུང་སེམས་འདུས་པའི་གེགས་དེ་དང་དེའི་གནད་ཤེས་པས་སེལ། འབྱུང་བཞི་འཁྲུགས་ན་བདུད་རྩི་ལྔ་ཡི་རོ་སྙོམས་བྱས་པས་འཆོས། རྩ་ཡི་འབྲས་བུ་ནི་འཛམ་བུའི་གླིང་བྱེ་བ་ཕྲག་བརྒྱ་ལ་སོགས་པ་མཚན་དང་དཔེ་བྱེད་ཀྱི་སྤྲས་པས་སེམས་ཅན་གྱི་དོན་མངོན་དུ་བྱེད་པའོ། །གཞན་ཡང་རིགས་དྲུག་སོ་སོའི་སྣང་བ་དང་མཐུན་པར་སྤྲུལ་པའི་སྐུ་མངོན་དུ་བྱེད་པའོ། །
Domain	ཆོས་ལུགས།

{{#arraymap:རྩ་བཞི་

|; |@@@ | | }}