81902

རྩ་སྔོན་སྟེང་དུ་བཤང་བ་འདོར་བའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྦོམ་དགའ་མོ་བསོད་སྙོམས་ལ་འགྲོ་བ་ན་བྲམ་ཟེའི་ཁྱེའུ་རྣམས་ཀྱིས་མཐོ་འཚམ་མོ། །དེ་ནས་བྲམ་ཟེའི་ཁྱེའུ་ལྔ་བརྒྱ་བྲམ་ཟེའི་གསང་ཚིག་ཀློག་པའི་གནས་ནེའུ་གསིང་སྔོན་པོ་ཡོད་པ་དེར། སྦོམ་དགའ་མོས་འཁྲུ་སྨན་ཟོས་པ་སྟེ། མང་དུ་འཁྲུས་པ་དེས་ནེའུ་གསིང་སྔོན་པོ་སྦགས་པ་ལས་སོ། །དགག་བྱ་ནི་གཞན་དག་མ་དད་པར་འགྱུར་བའོ། །དགེ་སློང་མས་རྩྭ་སྔོན་པོའི་(འམ་ལོ་འདབ་སྔོན་པོ་ཡང་རུང་སྟེ་འགྲེལ་ཆུང་ལས་རྩྭ་ལ་སོགས་པ་སྔོན་པོ་སྐྱེ་བ། ) སྟེང་དུ་བཤང་བ་བྱེད་པའམ་བྱས་ཟིན་པ་འདོར་བ་(ཊཱི་ཀ་ལས་ཕོག་ན། ) ལ་ལྟུང་བྱེད་དུ་འགྱུར་རོ། །(བཤང་བ་ཁོ་ནར་མ་ཟད་གཅི་བ་འདོར་ན་ཡང་། ) མའི་སོ་སོ་ཐར་པ་ལས་རྩྭ་སྔོན་པོའི་སྟེང་དུ་བཤང་གཅི་འདོར་ན་ལྟུང་བྱེད་དོ་ཞེས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། རྩ་སྔོན་པོའི་སྟེང་དུ་བཤང་བ་འདོར་བ་ནི། བཤང་བ་ལས་གྱུར་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།

{{#arraymap:རྩ་སྔོན་སྟེང་དུ་བཤང་བ་འདོར་བའི་ལྟུང་བྱེད་

|; |@@@ | | }}