82755

རྫུན་སྨྲ་བ་ཕམ་པ་སོགས་སུ་འགྱུར་བ་ལྔ་ (1)

Part of speech	མིང་ཚིག
Definition	འདུལ་བ་རྣམ་འབྱེད་ལས་བྱུང་བ་སྟེ། ༡ བརྫུན་དུ་སྨྲ་བ་ན། ཕམ་པར་འགྱུར་བ་ཡང་ཡོད་པ་ནི། དགེ་སློང་མེད་ལ་མེད་བཞིན་དུ་མིའི་ཆོས་བླ་མ་སྨྲ་བའོ། ། ༢ བརྫུན་དུ་སྨྲ་བ་ན། དགེ་འདུན་ལྷག་མར་འགྱུར་བ་ཡང་ཡོད་པ་ནི། དགེ་སློང་ཁྲོས་ཤིང་ཞེ་སྡང་བར་གྱུར་ནས་ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ། །སྙམ་ནས་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་པ་འདེབས་པའོ། ། ༣ བརྫུན་དུ་སྨྲ་བ་ན། ཉེས་པ་སྦོམ་པོར་འགྱུར་བ་ཡང་ཡོད་པ་ནི། དགེ་སློང་དགེ་འདུན་གྱི་ནང་དུ་ཆེད་དུ་བསམ་སྟེ་ཆོས་མ་ཡིན་པ་ཆོས་སུ་སྟོན་པ་དང་། ཆོས་ཆོས་མ་ཡིན་པར་སྟོན་པ་དང་། འདུལ་བ་མ་ཡིན་པ་འདུལ་བར་སྟོན་པ་དང་། འདུལ་བ་འདུལ་བ་མ་ཡིན་པར་སྟོན་པའོ། ། ༤ བརྫུན་དུ་སྨྲ་བ་ན། ལྟུང་བྱེད་དུ་འགྱུར་བ་ཡང་ཡོད་པ་ནི། བརྫུན་དུ་སྨྲ་བ་རྣམ་པ་བཞི་སྨོས་པ་དེ་དག་མ་གཏོགས་པ་བརྫུན་དུ་སྨྲ་བ་གང་ཡིན་པ་དེ་དག་ཐམས་ཅད་ནི། ལྟུང་བྱེད་དུ་འགྱུར་རོ། ། ༥ བརྫུན་དུ་སྨྲ་བ་ན། ཉེས་བྱས་སུ་འགྱུར་བ་ཡང་ཡོད་པ་ནི། དགེ་སློང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ན། ཅི། འདི་ལ་ཁྱེད་ཡོངས་སུ་དག་གམ་ཞེས་དྲིས་པ་ན། ཡོངས་སུ་མ་དག་བཞིན་དུ་ཅང་མི་སྨྲ་བར་སྡོད་པའོ། །
Domain	ཆོས་ལུགས།