82845

རྫོགས་བྱེད་ལས་ (1)

Part of speech	མིང་ཚིག
Definition	མདོ། མངོན་པ། རྫོགས་བྱེད་ལས་ནི་འཕེན་བྱེད་ལས་ཀྱིས་འཕངས་པའི་སྐྱེ་བ་དེའི་ཁྱད་པར་གྱི་ཆོས་ཡོངས་སུ་རྫོགས་པར་བྱེད་པའི་ལས་ཏེ། དཔེར་ན་ཕན་བྱེད་དགེ་བའི་ལས་ཀྱིས་འཕངས་པའི་མིའི་རྟེན་ལ་ལོངས་སྤྱོད་ཆེ་བ་དེའི་རྒྱུ་སྔར་གྱི་སྦྱིན་པའི་ལས་ལྟ་བུ་ཡིན་ཏེ། མཆིམས་མཛོད་ལས། ལས་གཅིག་གིས་འཕངས་པའི་རིས་མཐུན་པའི་སྐྱེ་བ་དེའི་ཁྱད་པར་གྱི་ཆོས་ཡོངས་སུ་རྫོགས་པར་བྱེད་པའི་ལས་ནི་དུ་མ་ཡིན་ཏེ། དཔེར་ན་རི་མོ་མཁན་དག་སྐྱ་རིས་རི་ལུ་གཅིག་གིས་བྱས་ནས་ཚོན་སྣ་ཚོགས་ཀྱིས་རྫོགས་པར་བྱེད་པ་ལྟར་མིར་མཚུངས་ཀྱང་ཁ་ཅིག་ནི་(རྫོགས་བྱེད་དགེ་བས་)གཟུགས་བཟང་བ་དང་དབང་པོ་ཚང་བ་དང་ལོངས་སྤྱོད་ཆེ་བ་དང་ནད་མེད་པ་དང་དབང་ཐང་ཕུན་སུམ་ཚོགས་པ་ལ་སོགས་པ་ཡིན་ལ། ཁ་ཅིག་ནི་(རྫོགས་བྱེད་མི་དགེ་བས་)གཟུགས་ངན་པ་ལ་སོགས་པ་ཡིན་ནོ། །གཟུགས་བཟང་བ་ལ་སོགས་པ་ནི་དགེ་བས་རྫོགས་པར་བྱེད་ལ། ངན་པ་ལ་སོགས་པ་ནི་མི་དགེ་བས་རྫོགས་པར་བྱེད་དོ། །འདི་ལ་འཕེན་བྱེད་དགེ་བས་བྱས་ལ་རྫོགས་བྱེད་མི་དགེ་བས་བྱས་པའང་ཡོད་དེ་ལྷ་དང་མི་དབུལ་པོ་དང་ནད་པ་ལ་སོགས་པ་ལྟ་བུའོ། །རྫོགས་བྱེད་དགེ་བས་བྱས་ལ་འཕེན་བྱེད་མི་དགེ་བས་བྱས་པའང་ཡོད་དེ་ཡི་དྭགས་ན་ཆོས་ཀྱི་རྒྱལ་པོ་གཤིན་རྗེ་དང༌། དུད་འགྲོ་ན་ཀླུའི་རྒྱལ་པོ་ནོར་རྒྱས་ལ་སོགས་པ་ལྟ་བུའོ། །གཉིས་ཀ་དགེ་བས་བྱས་པ་ནི་ལྷའི་དབང་པོ་བརྒྱ་བྱིན་ལ་སོགས་པ་ལྟ་བུའོ། །གཉིས་ཀ་མི་དགེ་བས་བྱས་པ་ནི་དམྱལ་བ་མནར་མེད་ལྟ་བུའོ། །(གལ་ཏེ་ཁ་དོག་ལ་སོགས་པ་རྫོགས་བྱེད་ཀྱི་འབྲས་བུ་རིགས་མོད། དབང་པོ་དྲུག་འཕེན་བྱེད་ཀྱི་འབྲས་བུ་མ་ཡིན་ནམ་ཞེ་ན། དེ་དག་ལ་ཡང་རྫོགས་བྱེད་ཀྱི་ལས་ཀྱི་ནུས་པ་འཇུག་སྟེ། དེ་ལྟར་མིན་ན་སྐྱེ་བ་འཕངས་ཕན་ཆད་འགའ་ཡང་དབང་པོ་མ་ཚང་བར་མི་འགྱུར་རོ། །) ཞེས་གསུངས།
Domain	ཆོས་ལུགས།