84835

ལུད་པའི་ནད་ཀྱི་མཚན་མ་ལྔ་ (1)

Part of speech	མིང་ཚིག
Definition	སྨན་དཔྱད་གཅེས་པ་གྲུབ་པ་ཞེས་བྱ་བ་ལེའུ་སོ་གཅིག་པ་ལས་བྱུང་བ་སྟེ། རླུང་ལས་གྱུར་པའི་མཚན་མ་ནི། སྙིང་ན་བ་དང་། ཀླད་པ་ན་བ་དང་། རྩིབ་ལོགས་སུ་ཟུག་པ་དང་། ལུད་པ་སྐམ་ཞིང་འགོགས་སུ་མི་བཏུབ་པ་དང་། སྐད་འགགས་པ་རྣམས་ཡིན་པར་བཤད་དོ། །མཁྲིས་པ་ལས་གྱུར་པའི་མཚན་མ་ནི། སྐོམ་དད་ཆེ་བ་དང་། ལུས་ཚ་བ་དང་། ཁར་ཚྭ་བྲོ་བ་དང་། སྐྱུགས་པའི་རོ་ཚ་ཞིང་མདོག་སེར་ལ་ཚ་བ་རྣམས་ཡིན་ནོ། །བད་ཀན་ལས་གྱུར་པའི་མཚན་མ་ནི། ལུས་ལྕི་ཞིང་མཆིལ་མ་མང་དུ་འོང་བ་དང་། ཆམ་པས་འདེབས་ཤིང་ཡི་ག་ཆུས་པ་རྣམས་ཡིན་ནོ། །གློ་འགྲམས་པ་ལས་གྱུར་པའི་མཚན་མ་ནི། ལུད་པ་ཁྲག་ཏུ་འོང་བ། རུ་ཤིང་ན་བ་དང་། དབུགས་མི་བདེ་བ་དང་། གློ་ལས་རྣག་འབྱུང་བ་རྣམས་ཡིན་ནོ། །ནད་ཁོང་སྐེམས་ལས་གྱུར་པའི་མཚན་མ་ནི། ལུད་པ་ཁྲག་དང་རྣག་ཏུ་འབྱུང་ཞིང་། ནད་གཞི་གསུམ་འདུས་པ་ལས་བྱུང་བ་ཡིན་ནོ། །དེ་རྣམས་ཀྱི་ནང་ན་གློ་འགྲམས་པ་ལས་གྱུར་པའི་ལུད་པ་ནི་ཁ་ཟས་དང་སྨན་ལ་སོགས་པས་སོས་ཙམ་དུ་འཇོག་ནུས་སོ། །ནད་ཁོང་སྐེམས་ལས་སྒྱུར་པའི་ལུད་པ་ནི་མི་འཚོའོ། །ལྷག་མ་གསུམ་པོ་རྣམས་ནི་གསོར་རུང་ངོ་། །
Domain	གསོ་རིག