85483

ལོ་མགོ་འཛིན་པའི་དུས་ (1)

Part of speech	མིང་ཚིག
Definition	མདོ། འདུལ་བ། སངས་རྒྱས་པ་ཐམས་ཅད་ཀྱི་དུས་ཀྱི་དང་པོ་ནི་དགུན་ནོ། །ཞེས་གསུངས་པ་ལྟར་དགུན་ནས་འཛིན་ལ། དགུན་གྱི་ཐོག་མ་འཛིན་པའི་ལུགས་ལའང་མི་མཐུན་པ་གཉིས་ཏེ། འཇིག་རྟེན་པ་རྣམས་དགུན་ཟླ་ར་བའི་ཡར་ངོའི་ཚེས་གཅིག་ནས་འཛིན་པ་དང། འདུལ་བའི་སྟོན་ཟླ་ཐ་ཆུང་གི་ཚེས་བཅུ་དྲུག་ནས་འཛིན་པའོ། །ཡར་ངོ་སྔོན་དུ་འགྲོ་བའི་ཟླ་བ་གང་ལ་སྟོན་གྱི་ཉིན་མཚན་མཉམ་པ་འབྱུང་བའི་ཟླ་བ་དེ་སྟོན་ཟླ་ཐ་ཆུང་ཡིན་ལ། དེའི་ཚེས་བཅུ་དྲུག་ནས་ལོ་མགོ་འཛིན་དགོས་པ་ཡིན་ནོ། །དང་པོ་གྲུབ་ཏེ། དེ་ལ་དེ་བྱེད་དགོས་པ་ནི། དབྱར་གྱི་ཟླ་བ་གཉིས་པ་ཡི། །ཞེས་སོགས་མངོན་པའི་ཆོས་སྐོར་ལས་ཤིན་ཏུ་གསལ་བའི་ཕྱིར་རོ། །གཉིས་པའང་གྲུབ་ཏེ། དེ་ནས་དེ་འཛིན་དགོས་པར་འདུལ་བ་ཉིད་ཀྱི་ཆོས་སྐོར་ནས་ཤིན་ཏུ་གསལ་བའི་ཕྱིར་རོ། །ཕལ་ཆེར་ནི་ཧོར་ཟླ་དགུ་པ་ལ་སྟོན་ཟླ་ཐ་ཆུང་དུ་བྱེད་ལ། ལོ་གཅིག་ལ་ཟླ་བ་བཅུ་གསུམ་བྱུང་བ་དེའི་ཚེ་ཧོར་ཟླ་བཅུ་པ་ལ་བྱེད་པ་ཡང་སྲིད་དོ། །ཞེས་བྱ་བ་ནི་ངེས་པའོ། །འདུལ་བ་ལས་དུས་ཀྱི་རྣམ་པར་བཞག་པ་ལ་གཉིས་གསུངས་ཏེ། བཞིར་བཤད་པ་དང། གསུམ་དུ་བཤད་པའོ། །དང་པོ་ནི། དགུན་དཔྱིད་དབྱར་སྟོན་བཞི་ལ་རབ་འབྲིང་ཐ་གསུམ་གསུམ་དུ་ཕྱེ་ནས། འཇིག་རྟེན་ན་གྲགས་པ་དེ་ཉིད་ཐད་སོར་བཞག་པའོ། །གཉིས་པ་ནི། བསྟན་བཅོས་པ་རང་གི་ལུགས་སྟེ། དགུན་དང། དཔྱིད་དང། དབྱར་གསུམ་དུ་ཕྱེ་བའོ། །འདི་ལའང་དབྱར་ལ་གསུམ་དུ་ཕྱེ་ནས་དུས་ཚིགས་ལྔར་བཤད་པའི་ལུགས་དང། གསུམ་པོ་རེ་རེ་ལ་གཉིས་གཉིས་སུ་ཕྱེ་ནས་དྲུག་ཏུ་བཤད་པའི་ལུགས་སོ། །ལྔར་བཤད་པའི་དགོས་པ་ནི། དབྱར་ཐུང་ངུའི་དུས་ངོས་བཟུང་བའི་ཕྱིར་ཡིན་ལ། དེའི་ཡང་དགོས་པ་ནི་དབྱར་ཕྱི་མའི་ཁས་ལེན་གྱི་དུས་རྟོགས་པའི་ཕྱིར་ཡིན་ནོ། །དྲུག་ཏུ་ཕྱེ་བའི་དགོས་པ་ནི། གསོ་སྦྱོང་མི་ཐུབ་པའི་དུས་ངོ་ཤེས་པའི་ཆེད་ཡིན་ནོ། །ཞེས་པཎ་ཆེན་ཤཱཀྱ་མཆོག་ལྡན་གྱི་འདུལ་མདོའི་སྣང་བྱེད་ཉི་མའི་ཤིང་རྟ་ལས་སོ། །
Domain	ཆོས་ལུགས།