85959

ལྔ་ཕྲུགས་ཉེར་གཅིག་ (1)

Part of speech	མིང་ཚིག
Definition	མདོ། འདུལ་བ། དེ་ལ་དང་པོ་ལོ་བཅུ་ནི། ནད་གཡོག་བྱེད་པ་དང་། འགྱོད་པ་སེལ་བ་དང་། སྡིག་པ་ཅན་གྱི་ལྟ་བའི་རྣམ་པ་སྤོང་བ་དང་། གནས་མངོན་པར་མི་དགའ་བ་འདོར་བ་སྟེ་བཞི་པོ་རང་གིས་བྱེད་པའམ་གཞན་བྱེད་དུ་འཇུག་ནུས་པ་ཏེ་བཞི་དང་། རྫོགས་ནས་ལོ་བཅུ་ལོན་པ་ཉིད་བསྣན་པས་ལྔ་ཚན་དང་པོའོ། །ལྔ་ཚན་གཉིས་པ་འཛིན་པ་ནི། སྡེ་སྣོད་གསུམ་འཛིན་པ་གསུམ་དང་། དེ་དག་གི་སྟེང་དུ་མང་དུ་ཐོས་པ་དང་། ཚུལ་ཁྲིམས་དང་ལྡན་པ་བསྣན་པས་ལྔ་ཚན་གཉིས་པའོ། །སྡེ་ཚན་གསུམ་པ་མཁས་པ་ནི། སྡེ་སྣོད་གསུམ་ལ་མཁས་པ་གསུམ་ལ་མང་ཐོས་དང་ཚུལ་ལྡན་བསྣན་པས་ལྔ་ཚན་གསུམ་པའོ། །ལྔ་ཚན་བཞི་པ་རིག་པ་ནི། སྡེ་སྣོད་གསུམ་རང་གི་རིག་པ་གསུམ་ལ་མང་ཐོས་ཚུལ་ལྡན་བསྣན་པས་ལྔ་ཚན་བཞི་པའོ། །སྡེ་ཚན་ལྔ་པ་གསལ་བ་ནི། སྡེ་སྣོད་གསུམ་པོ་གཞན་ལ་སྟོན་ནུས་པས་གསལ་བ་ལ་མང་ཐོས་ཚུལ་ལྡན་བསྣན་པས་ལྔ་པའོ། །ལྔ་ཚན་དྲུག་པ་འཛིན་པ་ནི། སྡེ་སྣོད་གསུམ་པོ་རང་གིས་ཤེས་ནས་གཞན་ཡང་འཛིན་འཇུག་པ་གསུམ་ལ་མང་ཐོས་ཚུལ་ལྡན་བསྣན་པས་ལྔ་ཚན་དྲུག་པའོ། །སློབ་དང་སློབ་འཇུག་ནི་རྣམ་པ་གཉིས་གཉིས་ཏེ་བཞི་ལས། དང་པོ་གཉིས་ཀྱི་སློབ་པ་ནི། བསླབ་པ་གསུམ་ལ་སློབ་པ་མང་ཐོས་ཚུལ་ལྡན་བསྣན་པ་ནི་ལྔ་ཚན་བདུན་པའོ། །དེ་གསུམ་ལ་སློབ་ཏུ་འཇུག་པ་ལ་མང་ཐོས་ཚུལ་ལྡན་བསྣན་པ་ནི་ལྔ་ཚན་བརྒྱད་པའོ། ཕྱི་མ་གཉིས་ཀྱི་སློབ་པ་ནི། ལྷག་པའི་སྤྱོད་པ་དང་འདུལ་བ་དང་སོ་སོར་ཐར་ལ་སློབ་པ་ལ་མང་ཐོས་ཚུལ་ལྡན་བསྣན་པ་ནི་ལྔ་ཚན་དགུ་པའོ། །དེ་གསུམ་ལ་སློབ་ཏུ་འཇུག་པ་ལ་མང་ཐོས་ཚུལ་ལྡན་བསྣན་པ་ནི་ལྔ་ཚན་བཅུ་པའོ། །ཕུན་སུམ་ཚོགས་པའི་ལྔ་ཚན་གཉིས་ལས། དད་པ་དང་། ཚུལ་ཁྲིམས་དང་། ཐོས་པ་དང། གཏོང་བ་དང་། ཤེས་རབ་ནི་ཕུན་སུམ་ཚོགས་པའི་ལྔ་ཚན་དང་པའོ། །ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། དེ་ཤེས་པ་དང་མཐོང་བ་ནི་ཕུན་སུམ་ཚོགས་ལྔ་ཚན་གཉིས་པའོ། །འདི་གཉིས་ནི་རིམ་པ་ལྟར་ལྔ་ཚན་བཅུ་གཅིག་པ་དང་། བཅུ་གཉིས་པའོ། །རྣམ་པ་གསུམ་ཞེས་པ་ནི། དྲན་པ་དང་ལྡན་པ་ལ་མང་ཐོས་ཚུལ་ལྡན་གཉིས་དང་། བརྩོན་འགྲུས་རྩོམ་པ་དང་ཤེས་རབ་དང་ལྡན་པ་གཉིས་ཏེ་བཞི་བསྣན་པ་ནི་རྣམ་པ་གསུམ་གྱི་དང་པོའོ། །ནང་དུ་ཡང་དག་བཞག་པ་དང་ལྡན་པ་ལ་མང་ཐོས་ཚུལ་ལྡན་གཉིས་དང་། བརྩོན་འགྲུས་དང་ཤེས་རབ་དང་ལྡན་པ་གཉིས་བསྣན་པ་ནི་རྣམ་པ་གསུམ་གྱི་གཉིས་པའོ། །མཉམ་པར་བཞག་པ་དང་ལྡན་པ་ལ་ཇི་སྐད་བརྗོད་པ་བཞི་བསྣན་པ་ནི་རྣམ་པ་གསུམ་དུ་བཤད་པའི་གསུམ་པ་སྟེ། འདི་གསུམ་རིམ་པ་ལྟར་ལྔ་ཚན་བཅུ་གསུམ་པ་དང་། བཅུ་བཞི་པ་དང་། བཅོ་ལྔ་པའོ། །སློབ་པའི་ཟག་མེད་ཀྱི་ཕུང་པོ་ལྔ་ནི་ལྔ་ཚན་བཅུ་དྲུག་པ་དང་། མི་སློབ་པའི་ཟག་མེད་ཀྱི་ཕུང་པོ་ལྔ་ནི་ལྔ་ཚན་བཅུ་བདུན་པའོ། །བྱུང་བ་ཤེས་པ་ནི། བྱུང་བ་ཤེས་པ་དང་། བཅས་པ་དང་། རྗེས་སུ་བཅས་པ་དང་། གནང་བ་དང་། བཀག་པ་ཤེས་པ་སྟེ་ལྔ་ཚན་བཅོ་བརྒྱད་པའོ། །གནས་འཆར་འཇུག་པ་ནི། བར་དུ་གཅོད་པའི་ཆོས་དང་། མི་གཅོད་པའི་ཆོས་ཤེས་པ་དང་། གཉིས་པོ་དེ་གཞན་ལ་སྨྲ་བ་ལ་མཁས་པ་དང་། དེ་གཉིས་གཞན་ལ་རྗེས་སུ་སྟོན་པ་བྱེད་པ་དང་། མཁན་པོ་ཡུལ་གཞན་དུ་འགྲོ་བ་ན་གནས་འཆར་འཇུག་ནུས་པ་སྟེ་ལྔ་ཚན་བཅུ་དགུ་པའོ། །རེ་ཞིག་གནས་འཆར་འཇུག་ནུས་པ་ནི་གོང་མ་བཞི་པོའི་སྟེང་དུ་མཁན་པོ་ཡུལ་གཞན་དུ་འགྲོ་བ་ན་རེ་ཞིག་གནས་འཆར་འཇུག་ནུས་པ་སྟེ་ལྔ་ཚན་ཉི་ཤུ་པའོ། །ལྟུང་དང་ལྟུང་བ་མ་ཡིན་པ་ཤེས་པ་དང་། ཡང་བ་དང་ལྕི་བ་མངོན་པར་ཤེས་པ་དང་། སོ་སོར་ཐར་པ་རྒྱས་པ་ཐོན་པ་ཉིད་དོ། །འདི་ནི་འདུལ་བ་མཐའ་དག་གི་ཚིག་དོན་ཁ་དོན་དུ་ཐོན་པ་སྟེ་ལྔ་ཚན་ཉེར་གཅིག་པའོ། །ཞེས་ཀུན་མཁྱེན་རོང་སྟོན་གྱི་འདུལ་ཕྲེང་རྣམ་འགྲེལ་ལས་སོ། །
Domain	ཆོས་ལུགས།

{{#arraymap:ལྔ་ཕྲུགས་ཉེར་གཅིག་

|; |@@@ | | }}