86175

ལྕང་ཤིང་ (1)

Part of speech

མིང་ཚིག

Definition

འཁྲུངས་དཔེར། ལྕང་མ་དབྱར་པ་ཞེས་བྱ་བ། །སྡོང་པོ་ལོ་མ་ཆེ་བ་ལ། །མེ་ཏོག་བ་འདྲ་དཀར་པོ་འབྱུང༌། །འབྲས་བུ་ཤིང་རྒན་འབྲས་བུ་ཅན། །ནུས་པས་རྩ་སྐྱོན་སྐྲངས་རྣམས་འཇོམས། །འདི་ཡི་བར་ཤུན་ཁྲག་གཅོད་སྨན། །ཞོ་དང་སྦྱར་བྱུགས་རྩ་སྐྲངས་འཇོམས། །མཁྲིས་རྩ་སྐྲངས་ན་ཞོ་དང་སྦྱར། །རླུང་རྩ་སྐྲངས་ན་བུ་རམ་སྦྱར། །རྩ་སྐྱོན་སྐྲངས་ལ་བདུད་རྩི་འདྲ། །ཞེས་པ་ལ་རིགས་གསུམ། ལྕང་དབྱར་པ་དང༌། རྒྱ་ལྕང་ཕྲ་མོ་དང༌། ཀླུང་ལྕང་སྐྱེད་མའོ། །རི་ལྕང་དབྱར་པ་ནི་བཤད་མ་ཐག་པའི་ལྕང་ཆེན་དང༌། རྒྱ་ལྕང་ནི། འཁྲུངས་དཔེ་ལས། རྒྱ་ལྕང་ལྕང་ཕྲན་ལེགས་པ་ཡིན། །རྩ་ཡི་རྣག་ཆུ་བུ་གར་འདྲེན། །ཞེས་པ་ལྕང་མ་ཕྲ་ལ་དྲང་བར་སྐྱེས་པ་ལོ་མ་ཕྲ་མཉེན་སྲབ་ལ་རིང་བ་ཅན་དང༌། ཀླུང་ལྕང་ལ་དཀར་ནག་གཉིས་འབྱུང་བའི་ལྕང་དཀར་གཞན་དུ་བཙུགས་ན་སྐྱེ་བ་ཤུན་པ་སྐྱ་བ་དང༌། ལྕང་ནག་བཙུགས་ན་མི་སྐྱེ་བ་ལྤགས་མདོག་ནག་པའོ། །ནུས་པ་ལྕང་ནག་དམན་གཞན་གསུམ་འདྲ་བའོ། །