91181

ས་རྫི་ཀ་ (1)

Part of speech	མིང་ཚིག
Definition	ཕ་བོ་དགོ་དགོ་དང་དོན་གཅིག་སྟེ། ལོ་རེ་བཞིན་སྐྱེ་བའི་ཤ་མོའི་རིགས་ཀྱི་སྐྱེ་དངོས་ཤིག་སྟེ། སྤྱིའི་སྐྱེ་དབྱིབས་ཧ་ལམ་སྤོ་ལོ་འདྲ་ལ་ཆེ་ཆུང་སྣ་ཚོགས་ཡོད་པ་ཕྱི་པགས་དཀར་ལ་སྲབ་ཅིང་འཇམ་པར་སེར་ཐིག་ཆུང་ཆུང་མང་བ་དང༌། ནང་དཀར་པོ་ཕྱུར་བའི་མདོག་འདྲ་ལ་སོབ་སོབ་ཡིན་པ། བོད་ཟླ་བདུན་པའི་ནང་རིམ་བཞིན་སྨིན་ཏེ་ཕྱི་པགས་རྫ་མདོག་ཏུ་གྱུར་ནས་འབོལ་ལ་མནན་ན་ནེམ་ནེམ་བྱེད་ཅིང་དུད་པ་སེར་ནག་གི་གང་བ་དང༌། རྩ་བ་ཆུང་ཞིང་ཡལ་རྐང་སོགས་མེད། འདི་མེ་མེད་དུད་པ་རྣམ་གསུམ་གྱི་ཡ་གྱལ་ཞིག་སྟེ། བོད་ཀྱི་ས་གནས་ཕལ་ཆེ་བའི་རི་མཐོའི་སྤང་དང༌། ཀླུང་ཤོད་ཞིང་འགྲམ་གྱི་རྩྭ་གསེབ་སོགས་སུ་སྐྱེ་བ་མང༌། ཆ་ཚང་བོད་ཟླ་བདུན་པའི་ནང་བཏུས་ཏེ་བསྐམས་ནས་སྨན་དུ་སྤྱོད་རྒྱུ། རོ་ཁ་ལ་ཚ་བ། ཞུ་རྗེས་ཁ་བ། ནུས་པ་སྙོམས་པས་རྨ་བཟོས་པ་དང༌། ཁྲག་ཤོར་བ། ཤུ་བ་ནས་ཆུ་སེར་འཛག་པ་སོགས་ལ་ཕན། དེ་མིན་ཆུ་དང་སྦྱར་ཏེ་བྱུགས་པས་མེས་ཚིག་པའི་རྨ་དང༌། གླ་རྩི་དང་སྦྱར་ལ་བྱུགས་པས་སྦྲུལ་གྱི་སོ་དུག་ལ་ཕན་པ་ཡིན་ལ། མཁྲིས་སྣ་དང་སྦྱར་ནས་ལྟོར་བཏང་ན་ཁྲག་འབྱམས་རིགས་གཅོད་དོ། །
Foreign	རྒྱ་གར།
Domain	གསོ་རིག