91239

ས་སྐྱ་དཔོན་ཆེན་ (1)

Part of speech	མིང་ཚིག
Definition	ཏཱ་དབེན་རྒྱལ་རབས་སྐབས་སུ་ཆོས་རྒྱལ་འཕགས་པས་མིང་བྱང་བཏོན་པ་བཞིན་སེ་ཆེན་རྒྱལ་པོ་གོ་བེ་ལས་ས་སྐྱ་དཔོན་ཆེན་ལ་སོན་ཐིན་སིའི་འཇའ་ས་གནང་སྟེ་དབུས་གཙང་ཁྲི་སྐོར་བཅུ་གསུམ་ལ་ཁྲིམས་ཀྱི་བྱེད་པོར་བསྐོ་བའི་ལམ་དེ་གཏན་འཇགས་སུ་གྱུར། དེའི་དཔོན་རབས་དང་པོ་ཤཱཀྱ་བཟང་པོ། གཉིས་པ་ཀུན་དགའ་བཟང་པོ། གསུམ་པ་ཞང་བཙུན། བཞི་པ་ཕྱུག་པོ་བན་དཀར་བ། ལྔ་པ་བྱང་རིན། དྲུག་པ་ཀུན་གཞོན། བདུན་པ་གཞོན་དབང༌། བརྒྱད་པ་བྱང་རྡོར། དགུ་པ་ཨང་ལེན། བཅུ་པ་ལེགས་པ་དཔལ། བཅུ་གཅིག་པ་སེང་གེ་དཔལ། བཅུ་གཉིས་པ་འོད་ཟེར་སེང་གེ། བཅུ་གསུམ་པ་ཀུན་རིན། བཅུ་བཞི་པ་དོན་ཡོད་དཔལ། བཅོ་ལྔ་པ་ཡོན་བཙུན། བཅུ་དྲུག་པ་འོད་ཟེར་སེང་གེ། བཅུ་བདུན་པ་རྒྱལ་བ་བཟང་པོ། བཅོ་བརྒྱད་པ་དབང་ཕྱུག་དཔལ། བཅུ་དགུ་པ་བསོད་ནམས་དཔལ། ཉི་ཤུ་པ་ཡང་རྒྱལ་བ་བཟང་པོ། ཉེར་གཅིག་པ་དབང་བརྩོན། ཉེར་གཉིས་པ་ནམ་མཁའ་དམ་པ་བཅས་ཀྱིས་རབ་བྱུང་བཞི་པའི་ལྕགས་སྤྲེལ་ལོ་ནས་རབ་བྱུང་དྲུག་པའི་ས་གླང་བར་ལོ་དགུ་བཅུ་ཙམ་གྱི་རིང་དབང་སྒྱུར་བྱས་མཐར་སྲིད་དབང་ཕག་མོ་གྲུ་པ་ཏའི་སི་ཏུའི་ལག་ཏུ་ཤོར་བ་རེད།
Domain	ལོ་རྒྱུས།

{{#arraymap:ས་སྐྱ་དཔོན་ཆེན་

|; |@@@ | | }}