91434
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་འཇིག་རྟེན་གྱི་ཁམས་ཐམས་ཅད་དུ་འདས་པའི་དུས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་དང་པོའོ། ། ༢ འཇིག་རྟེན་གྱི་ཁམས་འགྲངས་པ་དེ་དང་དེ་དག་གི་འཇིག་རྟེན་གྱི་ཁམས་ཐམས་ཅད་དུ་མ་འོངས་པའི་དུས་ལ་འཇུག་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་གཉིས་པའོ། ། ༣ འཇིག་རྟེན་གྱི་ཁམས་འགྲངས་པ་དང༌། འཇིག་རྟེན་གྱི་ཁམས་ཡོད་པ་དང༌། འཇིག་རྟེན་གྱི་ཁམས་སུ་བསྟན་པ་དང༌། འཇིག་རྟེན་གྱི་ཁམས་ཡོངས་སུ་དག་པ་དང༌། འཇིག་རྟེན་གྱི་ཁམས་སུ་ཤེས་པ་གང་ཇི་སྙེད་པའི་འཇིག་རྟེན་གྱི་ཁམས་ཐམས་ཅད་དུ་ད་ལྟར་བྱུང་བའི་དུས་ལ་འཇུག་པ་འདི་ནི། སངས་རྒྱས་ཀྱི་ཆོས་ཟབ་མོ་ལ་འཇུག་པ་གསུམ་པའོ། ། ༣ འཇིག་རྟེན་གྱི་ཁམས་ཐམས་ཅད་དུ་སྣ་ཚོགས་སུ་འཇུག་པ་འདི་ནི་། སངས་རྒྱས་ཀྱི་ཆོས་ཟབ་མོ་ལ་འཇུག་པ་བཞི་པའོ། ། ༥ སེམས་ཅན་གྱི་ལས་དང་རྣམ་པར་སྨིན་པ་སྣ་ཚོགས་ཐམས་ཅད་ལ་འཇུག་པ་འདི་ནི། སངས་རྒྱས་ཀྱི་ཆོས་ཟབ་མོ་ལ་འཇུག་པ་ལྔ་པའོ། ། ༦ བྱང་ཆུབ་སེམས་དཔའི་སྤྱོད་པ་སྣ་ཚོགས་ལ་འཇུག་པ་འདི་ནི། སངས་རྒྱས་ཀྱི་ཆོས་ཟབ་མོ་ལ་འཇུག་པ་དྲུག་པའོ། ། ༧ གཞན་ཡང་བྱང་ཆུབ་སེམས་དཔའ་དེ་བཞིན་གཤེགས་པ་འདས་པ་རྣམས་ཀྱི་མཚམས་སྦྱོར་བ་ཤེས་པ་འདི་ནི། སངས་རྒྱས་ཀྱི་ཆོས་ཟབ་མོ་ལ་འཇུག་པ་བདུན་པའོ། ། ༨ གཞན་ཡང་བྱང་ཆུབ་སེམས་དཔའ་སངས་རྒྱས་བཅོམ་ལྡན་འདས་མ་བྱོན་པ་རྣམས་ཀྱི་སངས་རྒྱས་གཅིག་ནས་གཅིག་ཏུ་བརྒྱུད་པ་ཤེས་པ་འདི་ནི། སངས་རྒྱས་ཀྱི་ཆོས་ཟབ་མོ་ལ་འཇུག་པ་བརྒྱད་པའོ། ། ༩ གཞན་ཡང་བྱང་ཆུབ་སེམས་དཔའ་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་དབྱིངས་ཀྱིས་ཀླས་ཤིང་ནམ་མཁའི་མཐས་གཏུགས་པའི་སངས་རྒྱས་ཀྱི་ཞིང་རབ་ཏུ་ཤེས་སོ། །འཁོར་གྱི་དཀྱིལ་འཁོར་རབ་ཏུ་ཤེས་སོ། །ཆོས་བསྟན་པ་རབ་ཏུ་ཤེས་སོ། །སེམས་ཅན་འདུལ་བ་རབ་ཏུ་ཤེས་སོ། །དེ་བཞིན་དུ་ཕྱོགས་བཅུ་ཀུན་གྱི་ཡང་རབ་ཏུ་ཤེས་ཏེ། འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་དགུ་པའོ། ། ༡༠ གཞན་ཡང་བྱང་ཆུབ་སེམས་དཔའ་འཇིག་རྟེན་གྱི་ཆོས་རབ་ཏུ་ཤེས་སོ། །ཉན་ཐོས་ཀྱི་ཆོས་རབ་ཏུ་ཤེས་སོ། །རང་སངས་རྒྱས་ཀྱི་ཆོས་རབ་ཏུ་ཤེས་སོ། །བྱང་ཆུབ་སེམས་དཔའི་ཆོས་རབ་ཏུ་ཤེས་སོ། །དེ་བཞིན་གཤེགས་པའི་ཆོས་རབ་ཏུ་ཤེས་སོ། །ཆོས་དེ་དག་ལའང་རྣམ་པར་མི་རྟོག་པས་རབ་ཏུ་ཞུགས་ནས་རྣམ་པ་ཐ་དད་པར་སྟོན་ཏེ། ཆོས་དེ་དག་ཀྱང་གཟུད་པ་མེད་པའི་ཚུལ་གྱིས་ཆོས་ཀྱི་དབྱིངས་སུ་འཛུད་དོ། །ཆོས་རྣམས་རྣམ་པར་རྟག་ཏུ་མེད་པར་ཡང་ཤེས་ལ། ཆོས་དེ་དག་ཇི་ལྟ་བ་དེ་བཞིན་དུའང་རབ་ཏུ་སྟོན་ཏེ། འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བཅུ་པའོ། ། |
| Domain | ཆོས་ལུགས། |