91499

སངས་རྒྱས་ཀྱི་ཡུལ་དཔེ་མེད་ཅིང་བསམ་གྱིས་མི་ཁྱབ་པ་བཅུ་ (1)

Part of speech	མིང་ཚིག
Definition	འཇིག་རྟེན་གྱི་ཁམས་ཐམས་ཅད་མ་ལུས་པར་སྐྱིལ་མོ་ཀྲུང་གཅིག་གིས་རྒྱས་པར་དགང་བ། དུས་གཅིག་ཏུ་སངས་རྒྱས་ཐམས་ཅད་ཡོངས་སུ་བསྟན་པ། འོད་ཟེར་གཅིག་གིས་འཇིག་རྟེན་གྱི་ཁམས་མ་ལུས་པ་ཐམས་ཅད་སྣང་བར་བྱ་བ། སྐུ་གཟུགས་གཅིག་གིས་ལུས་དང་། གཟུགས་ཐམས་ཅད་ཡོངས་སུ་བསྟན་པ། གནས་གཅིག་ན་བཞུགས་ཀྱང་འཇིག་རྟེན་ཀྱི་ཁམས་ཐམས་ཅད་མ་ལུས་པར་བྱོན་པའི་སྐུར་འགྱུར་བ། ཡེ་ཤེས་གཅིག་རྟོགས་པས་ཆོས་ཐམས་ཅད་ལ་བསྒྲིབས་པ་མེད་པར་འགྱུར་བ། ཐུགས་གཅིག་བསྐྱེད་པས་ཆོས་ཀྱི་དབྱིངས་ཐམས་ཅད་མ་ལུས་པར་རྒྱས་པར་འགེངས་པ། སངས་རྒྱས་ཀྱི་ཆེ་བ་ཉིད་ཚད་མེད་པ་དང་ལྡན་པའི་གཤེགས་སྟབས་གཅིག་གིས་དེ་ཁོ་ན་ཉིད་ཡང་དག་པར་བསྟན་པ། དུས་གསུམ་ཐམས་ཅད་སངས་རྒྱས་ཀྱི་གོ་འཕང་གིས་རྒྱས་པར་འགེངས་པ། འགྲོ་བ་ཐམས་ཅད་དང་མ་འདྲེས་པར་བཞུགས་ཤིང་། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང་མི་དམིགས་པའི་ཚུལ་གྱིས་རྒྱུད་ཀྱི་ཚུལ་གཅིག་པའོ། །
Domain	ཆོས་ལུགས།