92701

སེངྒེའི་ཁྲི་སྟན་བཅུ་ (1)

Part of speech	མིང་ཚིག
Definition	འཕགས་པ་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་གྱི་མདོ་ལས་བྱུང་བ་སྟེ། ༡ འཁོར་ལོས་བསྒྱུར་བའི་སྟན་འཐོབ་པ། ༢ བརྒྱ་བྱིན་གྱི་སྟན་འཐོབ་པ། ༣ ཚངས་པའི་སྟན་འཐོབ་པ། ༤ སྐྱེ་རྒུའི་བདག་མོའི་སྟན་འཐོབ་པ། ༥ ཚེ་རབས་དེ་དང་དེ་དག་ཏུ་དེ་བཞིན་གཤེགས་པའི་བསྟན་པ་ལ་སྟན་འཐོབ་པ། ༦ དབང་བསྐུར་བ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་སྙིང་པོར་བྱང་ཆུབ་ཀྱི་ཤིང་དྲུང་དུ་སོང་བའི་སེངྒེའི་ཁྲི་སྟན་འཐོབ་པ། ༧ ཐམས་ཅད་མཁྱེན་པའི་ཡེ་ཤེས་རྟོགས་པའི་སངས་རྒྱས་ཀྱི་ཁྲི་སྟན་བླ་ན་མེད་པ་འཐོབ་པ། ༨ ཆོས་ཀྱི་འཁོར་ལོ་བསྐོར་བ་ན་ཆོས་ཀྱི་འཁོར་ལོ་བླ་ན་མེད་པ་བསྐོར་བའི་ཁྲི་སྟན་འཐོབ་པ། ༩ དེ་བཞིན་གཤེགས་པའི་ཆོ་འཕྲུལ་ཆེན་པོ་ཀུན་ཏུ་སྟོན་པ་ན་ལྷ་བྱེ་བ་ཕྲག་སྟོང་གིས་འདུས་བྱས་པ་འཇིག་རྟེན་ཐམས་ཅད་ལས་མངོན་པར་འཕགས་ཤིང་ཟིལ་གྱིས་མི་ནོན་ལ། བླ་ན་མེད་པའི་རྫུ་འཕྲུལ་དང་ལྡན་པའི་སེངྒེའི་ཁྲི་སྟན་འཐོབ་པ། ༡༠ དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་འདུ་བྱེད་ཐམས་ཅད་རབ་ཏུ་ཞི་བར་བྱེད་པ་རྡོ་རྗེ་ལྟ་བུའི་ཏིང་ངེ་འཛིན་ལ་ཞུགས་པ་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང། མིའམ་ཅི་དང་། ལྟོ་འཕྱེ་ཆེན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་དང་། མི་མ་ཡིན་པ་རྣམས་ཀྱི་ཡིད་རབ་ཏུ་དང་བ་སྐྱེད་པར་བྱེད་པ་དེ་བཞིན་གཤེགས་པའི་ཐ་མའི་ཁྲི་སྟན་འདི་འཐོབ་པར་འགྱུར་བའོ། །
Domain	ཆོས་ལུགས།