93069

སེམས་བྱུང་རྫས་ཡོད་བཏགས་ཡོད་ (1)

Part of speech	མིང་ཚིག
Definition	མདོ། མངོན་པ། རྫས་ཡོད་བཞི་བཅུ་རྩ་དྲུག་སྟེ། སེམས་ཀྱི་ས་མང་པོ་པ་བཅུ་དང། དགེ་བའི་ས་མང་པོ་པ་བཅུ་དང། ཉོན་མོངས་པའི་ས་མང་པོ་པ་དྲུག་དང། མི་དགེ་བའི་མང་པོ་པ་གཉིས་དང། ཉོན་མོངས་ཆུང་ངུའི་ས་མང་པོ་པ་བཅུ་དང། མ་ངེས་པ་བརྒྱད་དེ་རྫས་ཡོད་དོ། །བཏགས་ཡོད་ནི་དགེ་བ་བཅུ་གཅིག་གི་ནང་ནས་གཏི་མུག་མེད་པ་དང། རྩ་ཉོན་གྱི་ནང་ནས་ལྟ་བ་དང་། ཉེ་ཉོན་བཅུ་ཚན་འོག་མའི་ནང་ནས་ཤེས་བཞིན་མ་ཡིན་པ་གསུམ་ནི། ཤེས་རབ་ཉོན་མོངས་ཅན་ཡིན་པས་ཤེས་རབ་ལ་བཏགས། བརྗེད་ངས་ནི་དྲན་པ་ཉོན་མོངས་ཅན་དང། རྣམ་གཡེང་ནི་ཏིང་ངེ་འཛིན་ཉོན་མོངས་ཅན་ཡིན་པས་དེ་དག་ལ་བཏགས་པའོ། །གཞི་ཕྲན་ཚེགས་ཀྱི་ཉི་ཤུ་རྩ་བཞི་ནི། མི་དགའ་བ་ནས་འཁྲུག་པའི་བར་རྣམས་ཏེ། མཆིམས་ཀྱིས་འདི་དག་རྫས་ཡོད་ཡིན་པས་རྫས་ཡོད་བདུན་ཅུ་ཐམ་པའོ། །ཞེས་བཞེད་ཀྱང་རིགས་ལ་བརྟག་ན་བཏགས་ཡོད་དུ་འཐད་དོ། །སྤྱིར་རྫས་ཡོད་ལ་རིགས་པས་དཔྱད་བཟོད་དང། རྟག་ཅིང་བརྟན་པ་དང། དོན་བྱེད་ནུས་པ་དང། རང་རྐྱ་ཐུབ་པ་དང་བཞི་ལས། འདིར་ནི་རང་དབང་དུ་བློ་ཡི་ཡུལ་དུ་འགྱུར་བ་ཡིན་ནོ། །བཏགས་ཡོད་ལའང་སྒྲོ་བཏགས་པ་དང། གནས་སྐབས་ལ་བཏགས་པ་དང། ཆ་ལ་བཏགས་པ་དང། དེ་ལས་གཞན་པ་ལ་བཏགས་པ་བཞི་ལས། འདིར་ནི་གསུམ་པ་སྟེ། གཞན་ལ་ལྟོས་ནས་བློའི་ཡུལ་དུ་འགྱུར་བའོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །
Domain	ཆོས་ལུགས།

{{#arraymap:སེམས་བྱུང་རྫས་ཡོད་བཏགས་ཡོད་

|; |@@@ | | }}

སེམས་བྱུང་རྫས་ཡོད་བཏགས་ཡོད་ (2)

Part of speech

མིང་ཚིག

Definition

ཀུན་བཏུས་ལས། སྤྱིར་རྫས་ཡོད་ལ་དོན་བྱེད་ནུས་པ་དང། བརྟན་པ་དང། རིགས་པས་གྲུབ་པ་དང། རང་རྐྱ་ཐུབ་པ་ལ་རྫས་ཡོད་དུ་བྱས་པ་བཞི་ལས། འདིར་ནི་དང་པོ་མ་ཡིན་ཏེ། སེམས་བྱུང་ཀུན་གྱིས་དོན་བྱེད་ནུས་པའི་ཕྱིར། གཉིས་པའང་མ་ཡིན་ཏེ། ཉོན་ཡིད་ཀྱི་འཁོར་གྱི་འཇིག་ཚོགས་སུ་ལྟ་བ་ཡང་བརྟན་པས་རྫས་ཡོད་དུ་ཐལ་བའི་ཕྱིར་རོ། །གསུམ་པའང་མ་ཡིན་ཏེ། སེམས་བྱུང་ཐམས་ཅད་ཀྱང་རིགས་པས་གྲུབ་པའི་ཕྱིར། དེས་ན་བཞི་པའོ། །དེ་བཞིན་དུ་བཏགས་ཡོད་ཀྱང་ལྡན་མིན་འདུ་བྱེད་ལྟ་བུ་གནས་སྐབས་ལ་བཏགས་པ་དང། བདག་མེད་ལྟ་བུ་བློས་བཏགས་པ་ལྟ་བུ་སྒྲོ་བཏགས་པ་དང། བུམ་པ་ལྟ་བུ་དེ་ལས་གཞན་པ་ལ་བཏགས་པ་དང། གདགས་གཞིའི་ཆོས་ཀྱི་ཆ་ཤས་མ་དོར་བའི་ཆ་ལ་བཏགས་པའི་བཏགས་ཡོད་བཞི་ལས། འདིར་ནི་ཕྱི་མ་སྟེ། སློབ་དཔོན་བློ་བརྟན་གྱིས། གང་ཟག་གི་རང་གི་རྒྱུད་ལོགས་སུ་གྲུབ་པ་སོགས་དང། རང་གི་རྒྱུད་ལོགས་སུ་མ་གྲུབ་པ་བཏགས་ཡོད་དུ་བཤད་པའི་དོན་ནོ། །དེ་ལ་རྫས་ཡོད་ནི་ཉེར་གཉིས་ཏེ་དང་པོ་བཅུ་དང། །དགེ་བ་ལས་གཏི་མུག་མེད་པ་དང། ཕྱི་མ་གསུམ་མ་གཏོགས་པ་གཞན་བདུན་དང། ལྟ་བ་མ་གཏོགས་པ་རྩ་བའི་ཉོན་མོངས་པ་ལྔ་པོ་རྣམས་སོ། །ལྷག་མ་ཉི་ཤུ་རྩ་དགུ་ནི་བཏགས་ཡོད་དོ། །བསྡུ་བར་ངོ་ཚ་མེད་པ་དང། ཁྲེལ་མེད་པ་དང། མ་དད་པ་དང། ལེ་ལོ་རྫས་ཡོད་དུ་གསུངས་པ་ནི་རང་དབང་དུ་འབྱུང་བ་ལ་དགོངས་ཞེས་དཔང་ལོ་ཆེན་པོས་གསུངས་སོ་ཞེས་ཀུན་མཁྱེན་གོ་རམས་པས་སོ། །

{{#arraymap:སེམས་བྱུང་རྫས་ཡོད་བཏགས་ཡོད་

|; |@@@ | | }}