94339

སྐུ་གསུམ་གྱི་གཟེར་ལྔ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། སྐུ་གསུམ་གྱི་གཟེར་ལྔ་ནི། བཀའ་བརྒྱད་བདེ་གཤེགས་འདུས་པའི་ཆོས་སྐོར་ལ་རྒྱུད་ལུང་མན་ངག་གསུམ་གྱི་ཆོས་སྡེ་བརྒྱ་དང་སུམ་ཅུར་གྲགས་པའི་ཡ་གྱལ། མན་ངག་གི་སྐོར་ལ། ཕྱི་བཤད་ཐབས་གསལ་བྱེད་ཀྱི་མན་ངག ནང་སྒྲུབ་ཐབས་གསལ་བྱེད་ཀྱི་མན་ངག གསང་བ་ཉམས་ལེན་གསལ་བྱེད་ཀྱི་མན་ངག་གསུམ་དུ་ཕྱེ་བའི་གསུམ་པ་ལ་ཆོས་ཚན་ཉེར་ལྔར་བཞུགས་པའི་ཡ་གྱལ་ཞིག་སྟེ། བཀའ་བརྒྱད་རྣམ་བཤད་ལས། གསང་བ་ཉམས་ལེན་གསལ་བར་བྱེད་པའི་མན་ངག་ལ། ཆོས་ཚན་ཉེར་ལྔ་སྟེ། བསྐྱེད་རྫོགས་གསུམ་གྱི་སྒྲུབ་ལུགས་ལྔ། སྔགས་ཀྱི་ཡན་ལག་ལྔ། ཐུན་མོང་གི་རྣལ་འབྱོར་ལྔ། ཁྱད་པར་གྱི་རྫོགས་རིམ་ལྔ། སྐུ་གསུམ་གྱི་གཟེར་ལྔའོ། །ཞེས་དང་། སྒྲུབ་པ་བཀའ་བརྒྱད་ཀྱི་བཀའ་བབས་ལས། སྐུ་གསུམ་གྱི་གཟེར་ལྔ་ནི༔ ཡི་དམ་གྱི་ལྷ་ལ་སྐུ་གསུམ་གྱི་གཟེར་གདབ་པ༔ བར་གཅོད་ཀྱི་བདུད་ལ་སྐུ་གསུམ་གྱི་གཟེར་གདབ་པ༔ སྡང་བའི་དགྲ་ལ་སྐུ་གསུམ་གྱི་གཟེར་གདབ་པ༔ འགྲོ་དྲུག་གི་གཡང་ས་ལ་སྐུ་གསུམ་གྱི་གཟེར་གདབ་པ༔ འབྱུང་བའི་ནད་ལ་སྐུ་གསུམ་གྱི་གཟེར་གདབ་པའོ༔ ཞེས་གསུངས།
Domain	ཆོས་ལུགས།