96123

སྒོམ་ལམ་པ་ཕྱིར་མི་ལྡོག་པའི་རྟགས་ (1)

Part of speech	མིང་ཚིག
Definition	མདོ། ཕར་ཕྱིན། སྟོང་ཉིད་ལ་སྒོམ་བྱུང་གཙོ་བོར་གྱུར་པའི་སྟོབས་ཀྱིས་ཐོབ་པའི་ཡོན་ཏན་གང་ཞིག། རང་གང་ལ་ལྡན་པའི་སྒོམ་ལམ་ལ་གནས་པའི་བྱང་སེམས་གནས་སྐབས་རྫོགས་བྱང་ལས་ཕྱིར་མི་ལྡོག་པར་སྒྲུབ་ནུས་པའོ། །རྟགས་ཀྱི་དོན་དངོས་ལ་བརྒྱད་དེ། སྐྱེ་བ་ཟབ་པ་དང། དེ་བཞིན་དུ་འགག་པ་དང། དེ་བཞིན་ཉིད་དང། ཤེས་བྱ་དང། ཤེས་པ་དང། སྤྱོད་པ་དང། གཉིས་སུ་མེད་པ་དང། ཐབས་ལ་མཁས་པ་ཟབ་པ་རྣམས་སོ། ། འདི་དག་ལ་ཡང་རྗེས་ཐོབ་ལུས་ངག་གི་སྤྱོད་པ་དང། མཉམ་གཞག་གི་རྟོགས་པ་གཉིས་གཉིས་ཡོད་དོ་ཞེས་ཀུན་མཁྱེན་གོ་རམས་པའི་སྦས་དོན་རབ་གསལ་ལས་སོ། ། སྟོང་ཉིད་དང་མཚན་མ་མེད་པ་ལ་སོགས་པ་མངོན་སུམ་དུ་རྟོགས་པའི་སྒོམ་ལམ་མཉམ་བཞག་གིས་དྲངས་པའི་སྒྲོ་སྐུར་གྱི་མཐའ་གཉིས་ལས་གྲོལ་བའི་དོན་རྟོགས་པར་བྱེད་པའི་རྗེས་ཐོབ་ལུས་ངག་གི་སྤྱོད་པ་ཁྱད་པར་ཅན་རྣམས་ཕྱིར་མི་ལྡོག་པའི་གཏན་ཚིགས་ཡིན་ནོ། །གཏན་ཚིགས་འགོད་ན། སྒོམ་ལམ་རྗེས་ཐོབ་ལ་གནས་པའི་སེམས་དཔའ་ཕ་རོལ་པོ་འདི་ཆོས་ཅན། གནས་སྐབས་རྫོགས་བྱང་ལས་ཕྱིར་མི་ལྡོག་སྟེ། སྐྱེ་བ་ཟབ་པའི་ཆོས་ཉིད་མངོན་སུམ་དུ་རྟོགས་པའི་སྒོམ་ལམ་མཉམ་བཞག་གིས་དྲངས་པས་རྗེས་ཐོབ་ལུས་ངག་གི་སྤྱོད་པ་ཁྱད་པར་ཅན་དང་ལྡན་པའི་ཕྱིར་ཞེས་པ་ནི་འདིར་བསྟན་གྱི་གཏན་ཚིགས་དང་པོ་ཡིན་ཞིང། དེས་ཕྱི་མ་བདུན་ལའང་རིགས་འགྲེའོ་ཞེས་པཎ་ཆེན་ངག་ཆོས་ཀྱི་ཀུན་མཁྱེན་བླ་མའི་དགོངས་དོན་རབ་གསལ་ལས་སོ། །
Domain	ཆོས་ལུགས།