97627

སྙིང་པོ་བྱང་ཆུབ་ཏུ་འགྲོ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་འཇིག་རྟེན་གྱི་ཁམས་ཐམས་ཅད་སྣང་བར་བྱ་བའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༢ འཇིག་རྟེན་གྱི་ཁམས་ཐམས་ཅད་རབ་ཏུ་བསྐྱོད་པའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༣ འཇིག་རྟེན་གྱི་ཁམས་ཐམས་ཅད་དུ་བདག་གི་ལུས་རྣམ་པར་ཕྱེ་བ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༤ སྔོན་ལྷན་ཅིག་ཏུ་སྤྱོད་པའི་གྲོགས་ཀྱི་བྱང་ཆུབ་སེམས་དཔའ་རྣམས་བསྐུལ་བའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༥ སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༦ སེམས་ཅན་ཇི་ལྟར་མོས་པ་རྣམས་ལ་ལུས་དང༌། སྤྱོད་ལམ་དང༌། བྱང་ཆུབ་ཀྱི་ཤིང་གི་རྒྱན་རྣམ་པར་ཕྱེ་བ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༧ འཇིག་རྟེན་གྱི་ཁམས་ཐམས་ཅད་ན་བཞུགས་པའི་དེ་བཞིན་གཤེགས་པ་ཐམས་ཅད་མངོན་དུ་བལྟ་བའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༨ གོམ་པ་འདོར་བ་དང་། གདེག་པ་ཐམས་ཅད་དུ་ཏིང་ངེ་འཛིན་གྱི་སྒོ་ལ་སྙོམས་པར་འཇུག་ཅིང༌། སྐད་ཅིག་སྐད་ཅིག་ཏུ་རྣམ་པར་འཚང་རྒྱ་བ་ལས་མི་འདའ་བའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༩ ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མིའམ་ཅི་དང༌། ལྟོ་འཕྱེ་ཆེན་པོ་དང༌། བརྒྱ་བྱིན་དང༌། ཚངས་པ་དང༌། འཇིག་རྟེན་གྱི་མགོན་པོ་ཐམས་ཅད་ཀྱི་མཆོད་པ་བླང་བའི་ཕྱིར། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ཏུ་འདོང་བ། ༡༠ ཆགས་པ་མེད་པའི་ཡེ་ཤེས་ཆེན་པོས་རྣམ་པར་ཕྱེ་བའི་བྱང་ཆུབ་སེམས་དཔའི་སྤྱོད་པ་སྤྱད་པས། འཇིག་རྟེན་གྱི་ཁམས་ཐམས་ཅད་རྣམ་པར་བལྟ་བའི་ཕྱིར། དེ་བཞིན་གཤེགས་པ་ཐམས་ཅད་ཡིད་ལ་བྱེད་ཅིང༌། ཕྱོགས་ཐམས་ཅད་དུ་རྣམ་པར་ཕྱེ་བའི་མངོན་པར་རྫོགས་པའི་བྱང་ཆུབ་ཡོངས་སུ་བསྟན་པའི་ཕྱིར། བྱང་ཆུབ་སེམས་དཔའ་རྣམས་ཀྱི་སྙིང་པོ་བྱང་ཆུབ་ཏུ་འདོང་བའོ། །
Domain	ཆོས་ལུགས།