97629

སྙིང་པོ་བྱང་ཆུབ་མཚོན་པའི་མཚན་བཅུ་དྲུག་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པའི་ལེའུ་བཅོ་ལྔ་པར་གསལ་བའི་སྙིང་པོ་བྱང་ཆུབ་མཚོན་པའི་མིང་གི་རྣམ་གྲངས་བཅུ་དྲུག་བསྟན་པ་སྟེ། མཐའ་དབུས་མེད་པས་སྙིང་པོ་བྱང་ཆུབ་དང། གཞན་དུ་མེད་པས་དེ་ཉིད་དང། མ་ནོར་བས་དེ་ཁོ་ན་ཉིད་དང། མ་བཅོས་པས་དེ་བཞིན་ཉིད་དང། རྣལ་མར་ངེས་པས་ཇི་བཞིན་པ་དང། མ་འཁྲུལ་བས་མ་ནོར་བ་དང། ཡེ་ནས་གནས་པས་མ་བཅོས་པ་དང། བྱ་རྩོལ་གྱིས་མི་རྙེད་པས་གཞན་མ་ཡིན་པ་དང། སྤྲོས་པ་བྲལ་བས་ཆོས་ཉིད་དང། མུ་མཐའ་མེད་པས་ཆོས་ཀྱི་དབྱིངས་དང། རྟོག་གེ་བས་མི་རྟོགས་པས་བསམ་གྱིས་མི་ཁྱབ་པ་དང། སངས་རྒྱས་རྣམས་ཀྱི་དགོངས་པའི་ཞེ་ཕུགས་ཡིན་པས་ཡང་དག་པའི་མཐའ་དང། ཟབ་ཅིང་རྟོགས་པར་དཀའ་བའི་ཡོན་ཏན་དང་ལྡན་པས་གསང་སྔགས་དང། དོན་དང་མི་འབྲལ་བའི་ཡོན་ཏན་དང་ལྡན་པས་གཟུངས་སྔགས་དང། དོན་རིག་པའི་ཡོན་ཏན་དང་ལྡན་པས་རིག་སྔགས་དང། མ་ཤོང་བ་མེད་པས་ཐེག་པ་ཆེན་པོ་བཅས་བཅུ་དྲུག་གོ །
Domain	[ཆོས་ལུགས།, ལྟ་གྲུབ།]