97630

སྙིང་པོ་བྱང་ཆུབ་ལ་འདུག་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་བཞི་པ་ལས་བྱུང་བ་སྟེ། ༡ འདི་ལྟར་འཇིག་རྟེན་གྱི་ཁམས་ཐམས་ཅད་རབ་ཏུ་བསྐྱོད་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༢ འཇིག་རྟེན་གྱི་ཁམས་ཐམས་ཅད་སྣང་བར་བྱེད་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༣ ངན་སོང་ཐམས་ཅད་རབ་ཏུ་ཞི་བར་བྱེད་ཅིང་། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༤ འཇིག་རྟེན་གྱི་ཁམས་ཐམས་ཅད་རྡོ་རྗེའི་རང་བཞིན་དུ་བྱིན་གྱིས་རློབ་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༥ དེ་བཞིན་གཤེགས་པའི་གདན་སེང་གེའི་ཁྲི་ལ་རྣམ་པར་ལྟ་ཞིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༦ ཡིད་ནམ་མཁའ་དང་མཉམ་པ་ལ་རྣམ་པར་མི་རྟོག་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༧ ཇི་ལྟར་མཐུན་པའི་ལུས་དང་སྤྱོད་ལམ་ཡོངས་སུ་སྟོན་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༨ རྡོ་རྗེའི་སྙིང་པོའི་ཏིང་ངེ་འཛིན་རྗེས་སུ་རྟོགས་པར་བྱེད་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། །༩ དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་རྣམ་པར་དག་པའི་གནས་ཡང་དག་པར་ལེན་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པ། ༡༠ བདག་གི་དགེ་བའི་རྩ་བའི་མཐུས་འགྲོ་བ་ཐམས་ཅད་བྱིན་གྱིས་རློབ་ཅིང༌། བྱང་ཆུབ་སེམས་དཔའ་རྣམས་སྙིང་པོ་བྱང་ཆུབ་ལ་འཁོད་པའོ། །
Domain	ཆོས་ལུགས།