98311

སྟོང་པ་ཉིད་ (1)

Part of speech	མིང་ཚིག
Definition	མདོ། རང་བཞིན་གྱིས་མ་གྲུབ་པ་སྟེ། སྟོང་པ་ཉིད་ཀྱང་གཉིས་ཏེ། བདེན་སྟོང་སྒྱུ་མ་ལྟ་བུ་དང་། སྣང་སྟོང་ནམ་མཁའ་ལྟ་བུའོ། །ལས་འབྲས་ཀྱི་རྣམ་པར་གཞག་པ་ཐམས་ཅད་ཀྱང་བདེན་སྟོང་ཁས་ལེན་པ་ལ་རུང་གི རང་བཞིན་གྱིས་ཡོད་ན་སྐྱེ་འགག་མི་རུང་བས་ལས་འབྲས་ཀྱི་རྣམ་པར་གཞག་པ་མི་འཐད་ཅེས་གསུངས་པ་ཡང་བདེན་སྟོང་གི་དབང་དུ་བྱས་པ་ཡིན་ལ། སྣང་སྟོང་ནམ་མཁའ་ལྟར་ཀུན་ཏུ་རོ་གཅིག་པས་རྒྱུ་འབྲས་སོ་སོར་གཟུང་དུ་མེད་པའི་ཕྱིར་དང་། སྣང་བའི་མཚན་མ་ཙམ་ཡང་མི་མངའ་བའི་ཕྱིར་དེ་ལ་ནི་ལས་འབྲས་ཀྱི་རྣམ་པར་གཞག་པ་མི་རུང་ངོ་། །མདོ་ལས་ཀྱང་། ནམ་མཁའི་ངང་ཚུལ་ཅན་ཞེས་བྱ་བར་ཆོས་བསྟན་ཏོ་ཞེས་གསུངས་སོ། །སྟོང་པ་ཉིད་འདི་གཉིས་ཀྱི་ཁྱད་པར་ནི། སྣང་བས་ཁྱད་པར་དུ་བྱས་པ་དང་། སྣང་བའི་མཚན་མ་ཙམ་ཡང་མི་མངའ་བ་འཕགས་པའི་མཉམ་གཞག་གི་གཟིགས་པ་གང་ཡིན་པའོ། །ཞེས་ཀུན་མཁྱེན་རོང་སྟོན་གྱི་དབུ་མ་རིགས་ཚོགས་དཀའ་གནད་ལས་གསུངས་སོ། ། དབུ་མ་པ་རྣམས་ཀྱིས། བདེན་པས་སྟོང་པ་ཙམ་ལ་སྟོང་ཉིད་ཀྱི་ཐ་སྙད་མཛད་པ་དང་། མཐའ་བཞི་ཆར་གྱི་སྤྲོས་པས་སྟོང་པ་ལ་སྟོང་ཉིད་ཀྱི་ཐ་སྙད་མཛད་པ་གཉིས་ཡོད་དེ། དང་པོ་ནི། ཐེག་པ་གསུམ་ཆར་གྱི་ཐུན་མོང་དུ་རྟོགས་པར་བྱ་བ་ཡིན་ལ། ཕྱི་མ་ནི་ཐེག་ཆེན་ཁོ་ནའི་ཐུན་མོང་མིན་པའི་རྟོགས་བྱ་ཡིན་ནོ། །ཞེས་ཀུན་མཁྱེན་གོ་རམས་པའི་ལྟ་བའི་ཤན་འབྱེད་ལས་གསུངས་སོ། །
Domain	[ཆོས་ལུགས།, ལྟ་གྲུབ།]