98764

སྡིག་པའི་ལས་ཀྱི་ལྷག་མ་ཟད་ནས་འདྲེ་རུ་སྐྱེ་བའི་འདྲེ་བཅུ་ (1)

Part of speech	མིང་ཚིག
Definition	སངས་རྒྱས་གཙུག་ཏོར་དཔའ་བར་འགྲོ་བ་ཞེས་བྱ་བའི་མདོ་ལས་བྱུང་བ་སྟེ། ༡ མི་སྡུག་པའི་འདྲེ་ནི། རྩ་བའི་རྒྱུ་དངོས་པོ་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་དངོས་པོ་དང་འཕྲད་ནས་གཟུགས་སུ་གྱུར་པ་རྣམས་ལ་མི་སྡུག་པའི་འདྲེ་ཞེས་བྱའོ། །༢ ཐན་པ་གཏོང་བའི་འདྲེ་ནི། གཟུགས་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་རླུང་དང་འཕྲད་ནས་གཟུགས་སུ་གྱུར་པ་རྣམས་ལ་ཐན་པ་གཏོང་བའི་འདྲེ་ཞེས་བྱའོ། །༣ རྨོངས་བྱེད་ཀྱི་འདྲེ་ནི། གཡོ་སྒྱུ་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་སྲོག་ཆགས་སུ་གྱུར་པ་རྣམས་ལ་རྨོངས་བྱེད་ཀྱི་འདྲེ་ཞེས་བྱའོ། །༤ སྲོག་ཆགས་གདུག་པའི་འདྲེ་ནི། ཞེ་སྡང་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་སྲིན་བུ་དང་འཕྲད་ནས་གཟུགས་སུ་གྱུར་པ་རྣམས་ལ་སྲོག་ཆགས་གདུག་པའི་འདྲེ་ཞེས་བྱའོ། །༥ རིམས་གཏོང་བའི་འདྲེ་ནི། འཁོན་འཛིན་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་སྟོབས་ཉམས་པ་དང་འཕྲད་ནས་གཟུགས་སུ་གྱུར་པ་རྣམས་ལ་རིམས་གཏོང་བའི་འདྲེ་ཞེས་བྱའོ། །༦ ཡི་དྭགས་ཀྱི་འདྲེ་ནི། ང་རྒྱལ་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་རླངས་པ་དང་འཕྲད་ནས་གཟུགས་སུ་གྱུར་པ་རྣམས་ལ་ཡི་དྭགས་ཀྱི་འདྲེ་ཞེས་བྱའོ། །༧ གྲིབ་གནོན་གྱི་འདྲེ་ནི། བསྙོན་གཏོང་བ་ལ་ཞེན་པས་སྐྱེ་བོ་སྡིག་པའི་འབྲས་བུ་ཆེ་བ་ཟད་ནས་མུན་པ་དང་འཕྲད་ནས་གཟུགས་སུ་གྱུར་པ་རྣམས་ལ་གྲིབ་གནོན་གྱི་འདྲེ་ཞེས་བྱའོ། །༨ ཐེའུ་རང་གི་འདྲེ་ནི། ལྟ་བ་ལོག་པ་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་གདོན་དང་འཕྲད་ནས་གཟུགས་སུ་གྱུར་པ་རྣམས་ལ་ཐེའུ་རང་གི་འདྲེ་ཞེས་བྱའོ། །༩ ཕོ་ཉའི་འདྲེ་ནི། དམོད་པ་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་སྣང་བ་དང་འཕྲད་ནས་གཟུགས་སུ་གྱུར་པ་རྣམས་ལ་ཕོ་ཉའི་འདྲེ་ཞེས་བྱའོ། །༡༠ ཁོག་ཏུ་བརླམས་པའི་འདྲེ་ནི། རྩུབ་སྤྱོད་ལ་ཞེན་པས་སྐྱེ་བོ་འདི་སྡིག་པའི་འབྲས་བུ་ཆེ་བ་ཟད་ནས་མི་དང་འཕྲད་ནས་གཟུགས་སུ་གྱུར་པ་རྣམས་ལ་ཁོག་ཏུ་བརླམས་པའི་འདྲེ་ཞེས་བྱ་བ་དང་བཅུའོ། །
Domain	ཆོས་ལུགས།