98860

སྡུག་བསྔལ་གྱི་སྡུག་བསྔལ་ (1)

Part of speech	མིང་ཚིག
Definition	མདོ། མངོན་པ། སྡུག་བསྔལ་གསུམ་གྱི་ཡ་གྱལ་ཞིག་སྟེ། ནམ་སྐྱེས་ཙམ་ནས་ལུས་སེམས་གདུང་བར་བྱེད་པའི་རིགས་ཅན་གྱི་ཟག་བཅས་ཤིག་སྟེ། དཔེར་ན་ཚོར་བ་སྡུག་བསྔལ་དང། དེ་དང་མཚུངས་ལྡན་གྱི་སེམས་སེམས་བྱུང་། དེའི་བདག་རྐྱེན། དེ་གང་ལ་དམིགས་ནས་སྐྱེ་བའི་ཡུལ་ཟག་བཅས་རྣམས་སྡུག་བསྔལ་གྱི་སྡུག་བསྔལ་ཡིན་ཏེ། མཆིམས་མཛོད་ལས། འགྲེལ་པ་ལས་དེའི་དབང་གིས་བདེ་བ་མྱོང་བར་འགྱུར་བ་ལ་སོགས་པའི་འདུ་བྱེད་རྣམས་ཀྱང་ཡིད་དུ་འོང་བ་ལ་སོགས་པའི་མིང་འཐོབ་བོ་ཞེས་འབྱུང་བས་ཚོར་བ་དེ་དག་གི་དབང་གིས་དེ་དག་དང་མཚུངས་ལྡན་གྱི་སེམས་དང་སེམས་བྱུང་གཞན་རྣམས་དང༌། མཚུངས་ལྡན་མ་ཡིན་པ་བདག་རྐྱེན་དང༌། དམིགས་རྐྱེན་རྣམས་ཀྱང་ཡིད་དུ་འོང་བ་ལ་སོགས་པའི་མིང་དུ་བརྗོད་དོ། །ཞེས་གསུངས།
Domain	ཆོས་ལུགས།