98867

སྡུག་བསྔལ་དང་ལེན་གྱི་བཟོད་པ་ (1)

Part of speech	མིང་ཚིག
Definition	མདོ། ཕར་ཕྱིན། བདག་གཞན་གྱི་ལུས་ངག་གི་ལས་ཕྱིན་ཅི་ལོག་ཐམས་ཅད་སྤོང་བ་དང། དགེ་བའི་ཕྱོགས་ཐམས་ཅད་བསྒྲུབ་པའི་དོན་དུ་ལུས་ངག་ཡིད་གསུམ་གྱི་དཀའ་སྤྱོད་ཐམས་ཅད་དང། ཚ་གྲང་བཀྲེས་སྐོམ་དང་། ནད་དང་གདོན་ལ་སོགས་པའི་སྡུག་བསྔལ་རྣམས་ཁྱད་དུ་བསད་ནས། སྔོན་གྱི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཀྱང་བྱ་དཀའ་བ་འདི་ལྟ་བུ་སྤྱད་ནས་སངས་རྒྱས་པ་ཡིན་པས། བདག་ཀྱང་སངས་རྒྱས་ཐོབ་པར་བྱ་བའི་ཕྱིར་གཞན་དོན་དུ་དམྱལ་བའང་བཟོད་དགོས་ན་འདི་ལྟ་བུའི་སྡུག་བསྔལ་བཟོད་དགོས་པ་སྨོས་ཅི་དགོས་ཞེས་སྡུག་བསྔལ་དྭང་དུ་བླངས་ནས་བཟོད་པ་བསྒོམ་པ་སྟེ། མདོ་ལས། ཆོས་བྱེད་པ་འབྲོག་དགོན་པར་སྡོད་པའི་ཚེ་གཅན་གཟན་ཁྲོ་བོས་ཟ་བ་འམ་ཆོམ་རྐུན་གྱིས་གནོད་པ་བྱས་པ་ལ། བདག་གི་ལས་ཀྱི་སྒྲིབ་པ་ཐམས་ཅད་འདིས་དག་པར་གྱུར་ཅིག བདག་སངས་རྒྱས་པའི་སངས་རྒྱས་ཀྱི་ཞིང་དེར་འདི་ལྟ་བུའི་གནོད་པ་མི་འབྱུང་བར་གྱུར་ཅིག ཞེས་སོགས་གསུངས་སོ། །ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས་སོ། །
Domain	ཆོས་ལུགས།