From Rangjung Yeshe Wiki - Dharma Dictionary
< Dictionaries | Monlam Grand(diff) ← Older revision | Latest revision (diff) | Newer revision → (diff)
Jump to navigation
Jump to search
སྣང་ཡུལ་ (1)
| Part of speech
|
མིང་ཚིག
|
| Definition
|
ས་སྐྱ། སྣང་ཡུལ་གྱི་མཚན་ཉིད་ནི། དེས་རྣམ་པར་གཏད་པའི་སྒོ་ནས་སྣང་བའམ། རྣམ་མེད་དུ་དངོས་སུ་སྣང་བ་གང་རུང་དུ་གྱུར་པའི་ཡུལ་ལོ། །དབྱེ་བ་ནི། རྟོག་མེད་ཤེས་པའི་སྣང་ཡུལ་དང་། རྟོག་པའི་སྣང་ཡུལ་གཉིས། དང་པོ་ལ་རྣམ་པ་གཏད་པའི་སྒོ་ནས་སྣང་ཡུལ་དུ་འགྱུར་བ་དང་། རྣམ་པ་མ་གཏད་པའི་སྒོ་ནས་སྣང་ཡུལ་དུ་འགྱུར་བ་གཉིས། དང་པོ་ནི། དོན་རིག་མངོན་སུམ་གྱིས་གཟུང་དོན་ལྟ་བུ། གཉིས་པ་ནི། རང་རིག་མངོན་སུམ་གྱིས་མྱང་བྱ་ལྟ་བུའོ། །རྟོག་པའི་སྣང་ཡུལ་ནི་དོན་སྤྱི་ལྟ་བུའོ། །ཡང་ན་ཡུལ་བཞིའི་ནང་ཚན་དུ་གྱུར་པའི་སྣང་ཡུལ་ནི་ཡུལ་ཅན་གྱི་ཤེས་པ་ལས་རྫས་གཞན་དུ་མེད་ཅིང་། རང་དུས་སུ་སྣང་བ་ལ་འཇོག་པ་རང་རིག་མངོན་སུམ་གྱིས་མྱང་བྱ་དང་། རྟོག་མེད་ལོག་ཤེས་ལ་དངོས་སུ་སྣང་བའི་མེད་པ་གསལ་བ་དང་། རྟོག་པ་ལ་དངོས་སུ་སྣང་བའི་དོན་སྤྱི་གསུམ་པོ་ཁོ་ན་ལ་འཇོག་ཅིང་། བར་པ་ནི་ཤེས་པ་དེའི་སྣང་ཡུལ་ཡིན་ཀྱང་སྤྱིར་སྣང་ཡུལ་མ་ཡིན་ཞེས་པ་རིགས་གཏེར་གྱི་དགོངས་པ་ཡིན་ནམ་སྙམ། རྟོག་མེད་མ་འཁྲུལ་པའི་ཤེས་པ་ཐམས་ཅད་ལ་སྣང་ཡུལ་ཡོད་ཅིང་། རྟོག་མེད་འཁྲུལ་ཤེས་རྣམས་ལ་སྣང་ཡུལ་མེད། རྟོག་པ་ཐམས་ཅད་ལ་སྣང་ཡུལ་ཡོད་དོ། །ཞེས་ཀུན་མཁྱེན་གོ་རམས་པའི་རིགས་གཏེར་གསལ་བྱེད་ལས་སོ། ། སྣང་ཡུལ་གྱི་མཚན་ཉིད་ནི། སྣང་ནས་རིག་པར་བྱ་བའོ། །སྣང་ཚུལ་ལ་གཉིས་ཏེ། འཇིག་རྟེན་དང་མཐུན་པ་རགས་པའི་རྣམ་གཞག་དང་། མདོ་སྡེ་པ་རང་གི་གྲུབ་མཐའ་ལ་གནས་ནས་ཞིབ་མོའི་རྣམ་པར་གཞག་པའོ། །དང་པོ་ནི། རྟོག་མེད་ཤེས་པའི་སྣང་ཡུལ་དོན་རང་མཚན་དང་། རྟོག་པའི་སྣང་ཡུལ་དོན་སྤྱི་མཚན་དང་། བྱེ་བྲག་ཏུ་རྣལ་འབྱོར་མངོན་སུམ་གྱི་སྣང་ཡུལ་བདག་མེད་པ་ཉིད་སོགས་དང་། རང་རིག་མངོན་སུམ་ལ་སྣང་ཡུལ་མེད་པ་སོགས་ཁས་བླང་བར་བྱའོ། །གཉིས་པ་ལ། སྣང་བའི་མིང་ཅན་གསུམ་སྟེ། དངོས་སུ་སྣང་བ་དང་། ལྐོག་ཏུ་སྣང་བ་དང། སྣང་བ་མེད་པའི་ཚུལ་གྱི་སྣང་བ་ཞེས་བྱ་བ་རྣམས་སོ། །དེ་ལྟར་གསུམ་ལས་ཕྱི་མ་གཉིས་ནི་སྣང་བ་མཚན་ཉིད་པ་མ་ཡིན་ཏེ། དེ་ལ་མི་སྣང་བའི་དོན་མ་གཏོགས། སྣང་བའི་མཚན་ཉིད་ཅུང་ཟད་ཀྱང་མ་ཚང་བའི་ཕྱིར། སྣང་ཚུལ་དང་པོ་ནི། དོན་རང་མཚན་ཁོ་ནའི་སྟེང་ནས་འཆད་དགོས་པ་ཡིན་ཏེ། ཇི་སྐད་དུ། སྣང་བ་དངོས་པོའི་ཡུལ་ཅན་ཡིན། །ཞེས་གསུངས་པས་སོ། །ཞེས་པཎ་ཆེན་ཤཱཀ་མཆོག་གི་རྟོག་གེ་འཁྲུལ་འཇོམས་ལས་སོ། །
|
| Domain
|
ཚད་མ།
|
སྣང་ཡུལ་ (2)
| Part of speech
|
མིང་ཚིག
|
| Definition
|
ཡུལ་དེ་སྣང་ནས་མཐོང་བར་བྱ་བ་ཙམ་ལ་སྣང་ཡུལ་ཞེས་བྱ་སྟེ། རྗེ་བདག་ཉིད་ཆེན་པོས་མཛད་པའི་སྡེ་བདུན་ལ་འཇུག་པའི་སྒོ་དོན་གཉེར་ཡིད་ཀྱི་མུན་སེལ་ལས། ཡུལ་ལ་ཡུལ་དུ་བྱས་ཚུལ་མི་འདྲ་བའི་སྒོ་ནས་དབྱེ་ན། སྣང་ཡུལ་ལམ་གཟུང་ཡུལ། ཞེན་ཡུལ། འཇུག་ཡུལ་དང་གསུམ། གཟུང་ཡུལ་གྱི་མཚན་ཉིད། སྣང་ནས་རིག་པར་བྱ་བ། དབྱེ་ན་མངོན་སུམ་གྱི་གཟུང་ཡུལ། རྟོག་པའི་གཟུང་ཡུལ། རྟོག་མེད་འཁྲུལ་ཤེས་ཀྱི་གཟུང་ཡུལ་དང་གསུམ། ཞེས་གསུངས་པའི་ཕྱིར།
|