100004

སྤང་སྐོང་ཕྱག་བརྒྱ་པའི་མདོ་ (1)

Part of speech

མིང་ཚིག

Definition

བོད་རྗེ་ལྷ་ཐོ་ཐོ་རི་གཉན་བཙན་གྱི་དུས་སུ་པཎ་ཌི་ཏ་བློ་སེམས་འཚོ་དང་ལོ་ཙཱ་བ་ལི་ཐི་ཤེས་བོད་དུ་བསྣམས་ནས་ཕེབས་པའི་སངས་རྒྱས་ཀྱི་ཆོས་ཚན་ཞིག་སྟེ། འདི་ལ་ཤོག་ལྡེབས་དཔེ་རིང་ལྔ་ལྷག་ཙམ་དང་ཤོག་ངོས་བཅུ་ལྷག་ཙམ་ཞིག་ཡོད། འདི་ལ་མདོ་སྡེ་གཞན་དག་ལྟར་འགོར་རྒྱ་སྐད་སྨོས་པ་དང་། མཇུག་ཏུ་འགྱུར་བྱང་སོགས་མི་སྣང་། འོན་ཀྱང་འདི་ཐུ་མི་སཾ་བྷོ་ཊའི་འགྱུར་ཡིན་པར་བཀའ་འགྱུར་དཀར་ཆག་ཏུ་གསལ་ལོ། །འདིའི་བརྗོད་བྱ་ནི། དཀོན་མཆོག་གསུམ་ལ་ཕྱག་འཚལ་བ་དེ་ཡིན། དེ་ཡང་ཕྱོགས་བཅུའི་དེ་བཞིན་གཤེགས་པ་ལ་ཕྱག་འཚལ་བ་དང་། དམ་པའི་ཆོས་ལ་ཕྱག་འཚལ་བ། བྱང་ཆུབ་སེམས་དཔའི་དགེ་འདུན་དང་། ཉན་ཐོས་ཀྱི་དགེ་འདུན་རྣམས་ལ་ཕྱག་འཚལ་བ། སྡིག་པ་བཤགས་པ། བསྔོ་བ་དང་སྨོན་ལམ་བཅས་ནི་འདིའི་བརྗོད་བྱའོ། །འདི་སྡེ་དགེ་སྤར་མའི་མདོ་སྡེ་༼ ཡ་པ ༽ཤོག་ལྡེབས་དང་པོ་ནས་དྲུག་པའི་བར་བཞུགས་ཤིང་། གཟུངས་བསྡུས་ཀྱི་ནང་དུའང་བཞུགས་སོ། །འདི་ལ་དཔང་སྐོང་ཕྱག་བརྒྱ་པ་ཞེས་བྲིས་པའང་སྣང་།

{{#arraymap:སྤང་སྐོང་ཕྱག་བརྒྱ་པའི་མདོ་

|; |@@@ | | }}