100305

སྤོང་བ་པའི་ཞལ་ཏ་བ་ (1)

Part of speech	མིང་ཚིག
Definition	མདོ། འདུལ་བ། སྤོང་བ་བསམ་གཏན་གྱི་ཉམས་ལེན་ལ་གནས་པ་ཞི་གནས་སྒོམ་པ་པོའི་མཚམས་གཡོག་གི་མིང་། དེའི་ཚུལ་ཞིབ་པར་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། འོ་ན། སྤོང་བ་པའི་ཞལ་ཏ་བ་བསྐོ་བའི་ཚུལ་ཇི་ལྟ་བུ་ཞེ་ན། འདི་ལ་གཉིས་སུ་ཡོད་དེ། དགོས་དོན་དང་། བསྡུས་དོན་གཉིས་སུ་ཡོད་པའི་ཕྱིར། དང་པོ་ཡོད་དེ། སྤོང་བ་པ་རྣམས་བདེ་བ་ལ་རེག་པར་གནས་པར་བྱ་བའི་ཆེད་ཡིན་པའི་ཕྱིར། གཉིས་པ་ཡོད་དེ། ཡུལ་གང་བསྐོ་བ། བསྐོ་བ་པོ་ཇི་ལྟ་བུ་ཞིག་གིས་བསྐོ་བ། ཚུལ་ཇི་ལྟར་དུ་བསྐོ་བ། བསྐོས་པའི་བསླབ་བྱ་བཤད་པ་རྣམས་སུ་ཡོད་པའི་ཕྱིར། དང་པོ་ཡོད་དེ། བསྐོ་ཡུལ་ཆོས་བཅུ་གཅིག་དང་ལྡན་པ་ཞིག་བསྐོ་བར་བྱ་བ་ཡིན་པའི་ཕྱིར། ཆོས་བཅུ་གཅིག་ཡོད་དེ། དགེ་སློང་ཆོས་དྲུག་ལྡན་གྱི་སྟེང་དུ། མཚམས་ཀྱི་ནང་ན་གནས་པ། འགྲོ་བ་བཞི་དང༌བྲལ་བ། སྤྲོ་འམ་ཞེས་དྲི་པ་ན་སྤྲོ་བ་དང་ལྡན་པ། ཚོགས་སུ་མ་ལོངས་པ། སྔར་བསྐོས་པ་དང་མ་འབྲེལ་བ་རྣམས་ཡིན་པའི་ཕྱིར། འགྲོ་བ་བཞི་ཡོད་དེ། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། འཇིགས་པས་འགྲོ་བ་དང། གཏི་མུག་གིས་འགྲོ་བ་རྣམས་ཡིན་པའི་ཕྱིར། དེ་ཡང་འགྲོ་བ་ཞེས་པ་ནི་བརྗོད་པའམ་སྨྲ་བ་ལ་བྱ་བ་ཡིན་ཏེ། བརྗོད་པ་དང་འགྲོ་བ་སྐད་དོད་གཅིག་ཡིན་པས་སོ། །གསུམ་པ་ཡོད་དེ། སྦྱོར་བའི་ཚེ་སྤྲོ་བ་དྲི་བ། དངོས་གཞིའི་ཚེ་གསོལ་གཉིས་ཀྱི་ལས་ཀྱིས་བསྐོ་བ། མཇུག་ཏུ་ལས་ཀྱི་མཇུག་སྡུད་བརྗོད་པ་རྣམས་ཡིན་པའི་ཕྱིར། བཞི་པ་ཡོད་དེ། མདོར། དེའི་བྱ་བ་ནི་ལངས་མ་ཐག་ཁོ་ནར་ཆག་ཆག་གདབ་པ་དང་། ཕྱག་དར་བྱ་བ་དང་། ཞེས་སོགས་འབྱུང་བ་ལྟར་ཡིན་པའི་ཕྱིར། ཞེས་གསུངས།
Domain	ཆོས་ལུགས།

{{#arraymap:སྤོང་བ་པའི་ཞལ་ཏ་བ་

|; |@@@ | | }}