100396

སྤོས་དཀར་ཤིང་ (1)

Part of speech

མིང་ཚིག

Definition

ཤིང་སཱ་ལའི་མིང་སྟེ། ལོ་མང་སྐྱེ་བའི་ཚི་བ་ཐང་ཆུའི་རིགས་ཀྱི་སྐྱེ་དངོས་ཤིག སྤོས་དཀར་ཞེས་པའི་ཐང་ཆུའི་ཚི་བ་འདི་ལ་རིགས་མི་འདྲ་བ་ཁ་ཤས་མཆིས་པའི་མཆོག་ནི་རྒྱ་གར་སོགས་ནས་ཐོན་པའི་ཁ་དོག་རྟ་སོ་འདྲ་བ་དེ་སྤོས་དཀར་ཤིང་ཞེས་པའི་ཐང་ཆུ་ཡིན་ཞིང༌། གནའ་རབས་ཀྱི་ཧིན་རྡུའི་སྐད་དུ་གུ་གུལ་དཀར་ནག་གཉིས་ལ་གུ་གུལ་དང༌། གུ་གུ་ལུ། གུ་གུ་ལ་ཟེར། ཤིང་སྡོང་པོ་སེར་སྨུག་མཁྲེགས་ཉམས་ལྡན་པར་ཡལ་ག་དང་ཡལ་ཕྲན་མང་ལ་སྐྱེ་དབྱིབས་སྟར་སྡོང་དང་ཧ་ལམ་མཚུངས་པ་དབྱར་དུས་དང་སྟོན་དཔྱིད་ལ་ཐང་ཆུ་འཛག་པ་དེ་རྒྱུན་རིང་སོང་རྗེས་ཁ་དོག་དཀར་པོ་རྟ་སོ་ལྟར་གྱུར་ཞིང༌། ལོ་མ་ལྗང་སེར་ཅུང་ཆེ་བ་སྒོང་དབྱིབས་ཀྱི་མཐའ་མཉམ་ལ་རྩ་རིས་གསལ་པོར་མངོན་ཞིང་སྤུ་དཀར་ཐུང་ངུ་ཡོད་པ་ཕན་ཚུན་ཁ་སྤྲོད་སྐྱེ་བ། མེ་ཏོག་སེར་པོ་འདབ་མ་ལྔ་དང་ལྡན་པ་ཡལ་གའི་མཚམས་ནས་འཆར་བ། སྨན་དུ་དགོས་པ་ནི་ཤིང་སྡོང་དེ་ཉིད་ལས་འཛགས་འཛག་པའི་ཚི་བ་ཐང་ཆུ་དེ་ཡིན་ཏེ། རྒྱ་གར་སོགས་ཀྱི་ནགས་རི་ཚ་བ་ཆེ་བའི་ཡུལ་དུ་སྐྱེ་བ། སྨན་ལ་ཤིང་སྡོང་ལས་འཛགས་འཛག་པའི་ཚི་བ་དེ་སྟོན་མཚམས་སུ་ས་རྡོ་དང་རྩྭ་སྙིགས་སོགས་མ་འདྲེས་པར་གཙང་མ་བཟོས་རྗེས་བསྐམས་ནས་སྤྱོད་རྒྱུ། རོ་ཁ་ལ་བསྐ་བ། ཞུ་རྗེས་ཁ་བ། ནུས་པ་བསིལ་ལ་རྟུལ་བས་ཆུ་སེར་གྱི་ནད་སེལ་ཞིང་སྐེམ་པར་བྱེད་པ་དང༌། རླུང་ནད་དང༌། པགས་པའི་ནད། རླིག་རླུགས་སྐྲངས་པ་སོགས་སེལ་བ་ཡིན།

{{#arraymap:སྤོས་དཀར་ཤིང་

|; |@@@ | | }}