100816

སྤྱོད་པའི་གོལ་ས་བཞི་ (1)

Part of speech	མིང་ཚིག
Definition	གྲུབ་ཆེན་མར་པའི་ལུགས་ཀྱི་ཕྱག་ཆེན་ཁྲིད་ཀྱི་མན་ངག་གནད་ཀྱི་ལྡེ་མིག་ལས་བྱུང་བ་སྟེ། ༡ བྱར་མེད་ཐ་མལ་དུ་གོལ་བ་ནི། འཁོར་འདས་ཀྱི་ཆོས་ཐམས་ཅད་ཡེ་ནས་སྟོང་པ་ཆོས་སྐུ་ཡིན་པས་དེ་ངོ་ཤེས་པས་ཆོག ཆེད་དུ་བྱ་རྒྱུ་ཅིའང་མེད་སྙམ་ནས་ཐབས་ཀྱི་ཆོས་སྤྱོད་ཐམས་ཅད་ཁྱད་དུ་བསད་ནས་ཐ་མལ་དུ་སྡོད་པ་ནི་ཚོགས་མ་བསགས་པའི་དབང་གིས་ཇེ་ངན་དུ་མི་ཁོམ་པར་སྐྱེའོ། །༢ ངག་ཐོ་ཅོར་གོལ་བ་ནི། སྟོང་པ་བདག་མེད་ཀྱི་དོན་ཅུང་ཟད་རྟོགས་པས་ཡིན་མིན་ལེགས་ཉེས་དགའ་མི་དགའ་ངོ་ཚ་གང་ཡང་མེད་སྙམ་ནས་ལུས་ངག་གི་སྤྱོད་པ་བག་མེད་ཅིང་ཅི་ཐོད་ཐོད་གཞན་མི་དད་པའི་སྤྱོད་པ་སྣ་ཚོགས་བྱེད་པ་སྟེ། དེ་ནི་གཞན་མི་དད་པའི་སྤྱོད་པ་མ་སྤངས་པས་གཅིག་པུར་གནས་པའི་ཀླུར་སྐྱེའོ། །༣ མུ་སྟེགས་ཆད་པར་གོལ་བ་ནི། སྟོང་པ་ཉིད་ཀྱི་དོན་ཕྱོགས་ཙམ་གོ་ནས་ཚེ་སྔ་ཕྱི་དང་ལས་དགེ་སྡིག་གི་རྒྱུ་འབྲས་ཐམས་ཅད་མིང་ཙམ་ཡིན། དོན་ལ་གྲུབ་པ་མེད་སྙམ་ནས་སྡིག་པ་མི་དགེ་བ་དང་ཉེས་ལྟུང་ཐམས་ཅད་ཁྱད་དུ་བསད་ནས་སྤྱོད་པ་ཅི་ཐོད་ཐོད་བྱེད་པ་ནི་ཤི་མ་ཐག་དུ་མནར་མེད་དུ་སྐྱེའོ། །༤ ཉན་ཐོས་རང་རྒྱལ་དུ་གོལ་བ་གང་ཞེ་ན། བདག་མེད་ཀྱི་དོན་ཕྱོགས་ཙམ་རྟོགས་པས། བདག་ཀྱང་མེད་ལ་སེམས་ཅན་ཡང་མེད་པས་སེམས་ཅན་གྱི་དོན་བྱ་རྒྱུ་མེད་སྙམ་ནས་ཁྱད་དུ་གསོད་པ་དང་། དངོས་སམ་བརྒྱུད་ནས་སྒྱུ་མ་ཙམ་གྱི་གཞན་ཕན་བྱང་ཆུབ་ཀྱི་སེམས་ཁྱད་དུ་གསོད་པ་དང་། སངས་རྒྱས་རང་སེམས་སུ་འདུག་པས་བླ་མ་རག་ལས་པ་ཅི་ཡང་མི་འདུག་སྙམ་ནས་བླ་མའི་མོས་གུས་གཡེལ་དུ་སོང་བ་ཡིན་ནོ། །
Domain	ཆོས་ལུགས།

{{#arraymap:སྤྱོད་པའི་གོལ་ས་བཞི་

|; |@@@ | | }}