100860

སྤྱོད་ཡུལ་ལ་རྣམ་པར་འཕྲུལ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྱོད་ཡུལ་ལ་རྣམ་པར་འཕྲུལ་བ་བཅུ་སྟེ། ༡ བྱང་ཆུབ་སེམས་དཔའ་རྣམས་ནི་ཆོས་ཀྱི་དབྱིངས་ཀྱི་སྤྱོད་ཡུལ་དང་ཡང་ལྡན་ལ་སེམས་ཅན་གྱི་ཁམས་ཀྱི་སྤྱོད་ཡུལ་དུའང་སྣང་ངོ༌། །༢ བྱང་ཆུབ་སེམས་དཔའ་རྣམས་ནི་སངས་རྒྱས་ཀྱི་སྤྱོད་ཡུལ་ལ་མངོན་པར་དགའ་བའང་ཡིན་ལ། བདུད་ཀྱི་སྤྱོད་ཡུལ་ལ་གནས་པར་ཡང་སྣང་ངོ༌། །༣ བྱང་ཆུབ་སེམས་དཔའ་རྣམས་ནི། མྱ་ངན་ལས་འདས་པའི་སྤྱོད་ཡུལ་དང་ཡང་ལྡན་ལ། འཁོར་བའི་སྤྱོད་ཡུལ་ལས་ཀྱང་མི་གཡོའོ། །༤ བྱང་ཆུབ་སེམས་དཔའ་རྣམས་ནི། ཐམས་ཅད་མཁྱེན་པ་ཉིད་ཀྱི་སྤྱོད་ཡུལ་དང་ལྡན་ལ་བྱང་ཆུབ་སེམས་དཔའི་སྤྱོད་ཡུལ་གྱི་རྒྱུད་ཀྱང་རྒྱུན་མི་གཅོད་དོ། །༥ བྱང་ཆུབ་སེམས་དཔའ་རྣམས་ནི་ཞི་བ་དང༌། རབ་ཏུ་ཞི་བ་དང༌། ཉེ་བར་ཞི་བའི་སྤྱོད་ཡུལ་དང་ཡང་ལྡན་ལ། སེམས་ཅན་མ་ཞི་བ། རབ་ཏུ་མ་ཞི་བ། ཉེ་བར་མ་ཞི་བའི་སྤྱོད་ཡུལ་ཅན་རྣམས་ཀྱང་རྣམ་པར་མི་སྤོང་ངོ༌། །༦ བྱང་ཆུབ་སེམས་དཔའ་རྣམས་ནི་བླང་བ་མེད་པ་དང༌། དོར་བ་མེད་པ་དང༌། སྤྲོ་བ་མེད་པ་དང༌། མི་འགྲོ་བ་དང༌། མཚན་མ་མེད་པ་དང༌། དངོས་པོ་མེད་པ་དང༌། རྣམ་པར་མི་དམིགས་པ་དང༌། བར་སྣང་དང་མཉམ་པའི་སྤྱོད་ཡུལ་དང་ཡང་ལྡན་ལ། སེམས་ཅན་སྤྲོས་པ་དང༌། མཚན་མ་ཐམས་ཅད་དུ་དམིགས་པའི་སྤྱོད་ཡུལ་ཅན་རྣམས་ཀྱི་གནས་ན་ཡང་སྣང་ངོ༌། །༧ བྱང་ཆུབ་སེམས་དཔའ་རྣམས་ནི་སྟོབས་དང། རྣམ་པར་ཐར་བའི་སྤྱོད་ཡུལ་དང་ཡང་ལྡན་ལ། ཕྱོགས་གཅིག་པའི་སྤྱོད་ཡུལ་ཐམས་ཅད་དུ་ཡང་སྣང་ངོ༌། །༨ བྱང་ཆུབ་སེམས་དཔའ་རྣམས་ནི་སེམས་ཅན་མེད་པའི་མཐའི་སྤྱོད་ཡུལ་དང་ཡང་ལྡན་ལ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ཡང་རྣམ་པར་མི་སྤོང་ངོ༌། །༩ བྱང་ཆུབ་སེམས་དཔའ་རྣམས་ནི་བསམ་གཏན་དང༌། རྣམ་པར་ཐར་པ་དང༌། རྟོགས་པ་དང༌། ཡེ་ཤེས་དབེན་པའི་སྤྱོད་ཡུལ་དང་ཡང་ལྡན་ལ་འཇིག་རྟེན་གྱི་ཁམས་ཐམས་ཅད་དུ་སྐྱེ་བར་ཡང་སྣང་ངོ༌། །༡༠ བྱང་ཆུབ་སེམས་དཔའ་རྣམས་ནི་དེ་བཞིན་གཤེགས་དཔའི་སྤྱོད་པ་དང༌། མངོན་པར་འཚང་རྒྱ་བ་དང༌། སངས་རྒྱས་ཀྱི་རྒྱན་དང༌། སྤྱོད་ཡུལ་ཐམས་ཅད་ཀྱང་ཐོབ་ལ། ཉན་ཐོས་དང་རང་སངས་རྒྱས་ཐམས་ཅད་ཀྱི་སྤྱོད་ལམ་དང༌། ཆོ་ག་ཡང་ཡོངས་སུ་སྟོན་པའོ། །
Domain	ཆོས་ལུགས།