102056

སྨད་མདོ་ཁམས་སྒང་དྲུག་ (1)

Part of speech

མིང་ཚིག

Definition

བོད་ཡུལ་སྟོད་སྨད་བར་གསུམ་དུ་ཕྱེ་བའི་སྨད་མདོ་ཁམས་སྒང་དྲུག་ཅེས་པའི་སྒང་དྲུག་ནི། ཟལ་མོ་སྒང་དང༌། ཚ་བ་སྒང༌། སྨར་ཁམས་སྒང༌། སྤོ་འབོར་སྒང༌། དམར་རྫ་སྒང༌། མི་ཉག་རབ་སྒང་བཅས་དྲུག་སྟེ། དེ་རྣམས་རི་ཆུའི་རྒྱུག་ཕྱོགས་ལ་བསྟུན་ནས་ཞིབ་ཙམ་བཤད་ན་འབྲི་ཆུ་དང་ཉག་ཆུའི་བྱང་རྒྱུད་བར་གྱི་ས་ཁུལ་ལ་ཟལ་མོ་སྒང་དང༌། རྒྱལ་མོ་རྔུལ་ཆུ་དང་རྫ་ཆུའི་བར་ལ་ཚ་བ་སྒང༌། རྫ་ཆུ་དང་འབྲི་ཆུའི་བྱང་རྒྱུད་བར་གྱི་ས་ཁུལ་ལ་སྨར་ཁམས་སྒང༌། འབྲི་ཆུ་དང་ཉག་ཆུའི་ལྷོ་རྒྱུད་བར་གྱི་ས་ཁུལ་ལ་སྤོ་འབོར་སྒང༌། རྨ་ཆུའི་ལྷོ་ནས་ཉག་ཆུའི་སྟོད་ཀྱི་ཤར་བར་ལ་དམར་རྫ་སྒང༌། ཉག་ཆུའི་ཆུ་སྐེད་ཀྱི་ཤར་རྒྱུད་ལ་མི་ཉག་རབ་སྒང་བཅས་ཟེར།