102566

སྨྱོ་འབོག་བྱེད་པའི་ཡིད་ཀྱི་ལས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་སྣང་བའི་མདོ་ཡིད་ཀྱི་རྣམ་ཤེས་འཆད་སྐབས་ཡིད་ཤེས་ཐུན་མིན་གྱི་བྱེད་ལས་བཅོ་ལྔ་བསྟན་པའི་ནང་གསེས་ཤིག་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། སྨྱོ་འབོག་བྱེད་པའི་ཡིད་ཀྱི་ལས་ནི། བླ་འཁྱལ་བའམ་འཆལ་ཞིང་སྨྱོ་བར་བྱེད་པ་དང༌། སྙིང་ཁྲིན་ནམ་སྙིང་སྲན་དུ་གྱུར་པའི་སྔོན་གྱི་མཁོན་རྙིང་ལྡང་བ་ཞེ་ལ་བྱེད་པ་དང༌། ལུས་ཀྱི་ཁམས་གང་ཡིན་པ་མ་སྙོམས་པ་དང༌། ཤིན་ཏུ་འཇིགས་ཤིང་སྐྲག་པ་ཡིད་ལ་བྱེད་པའི་སེམས་ཀྱི་ལས་དང༌། ལུས་ཀྱི་གནད་དུ་ཡུལ་བས་སྟེ་བརྒྱབ་པས་གཟེར་ནད་ལ་སོགས་པ་ཚོར་བ་དྲག་པོའི་སྡུག་བསྔལ་དུ་གྱུར་པ་དང༌། གདོན་བགེགས་དང་འབྱུང་པོ་ལ་སོགས་པ་གཞན་གྱིས་ཡིད་བརླམས་པས་འབོགས་པ་སྟེ། དྲུག་པོ་དེ་རྣམས་ཀྱང་ཡིད་ཀྱི་ལས་ཡིན་ནོ། །ཞེས་གསུངས་སོ། །
Domain	ཆོས་ལུགས།