102591

སྨྲ་བ་ལ་དགའ་བའི་ཉེས་དམིགས་ཉི་ཤུ་ (1)

Part of speech	མིང་ཚིག
Definition	དཀོན་བརྩེགས་འཕགས་པ་ལྷག་པའི་བསམ་པའི་བསྐུལ་བའི་མདོ་ལས་བྱུང་བ་སྟེ། ༡ འདི་ལ་དགེ་སློང་སྨྲ་བ་ལ་དགའ་བ་ནི་མང་དུ་ཐོས་པས་རྒྱགས་ཤིང་དྲེགས་པས་གུས་པ་མེད་པར་འགྱུར་བ། ༢ རྩོད་པའི་སྨྲ་བ་ལྷུར་ལེན་པས་ཕྱོགས་ལ་མངོན་པར་ཞེན་པར་འགྱུར་བ། ༣ ནང་དུ་ཚུལ་བཞིན་ཡིད་ལ་བྱེད་པ་དང་བྲལ་བས་དྲན་པ་བརྗེད་པར་འགྱུར་བ། ༤ ལུས་དང་སེམས་ཤིན་ཏུ་མ་སྦྱངས་པས་ཤེས་བཞིན་མེད་པར་སྤྱོད་པར་འགྱུར་བ། ༥ ཆོས་ལ་བཟོད་པ་ལས་ཉམས་པས་ཁེངས་པ་དང་འདུད་པར་འགྱུར་བ། ༦ ཞི་གནས་དང་ལྷག་མཐོང་ཡོངས་སུ་སྤངས་པས་སེམས་ཅན་གྱི་རྒྱུད་དམུ་རྒོད་དུ་འགྱུར་བ། ༧ སྨྲ་བའི་སྤགས་པས་དུས་མ་ཡིན་པར་སྨྲ་བར་འགྱུར་བ། ༨ འཕགས་པའི་ཤེས་པ་མ་ཐོབ་པས་མ་བསྡམས་པར་འགྱུར་བ། ༩ ལྷ་དང་ཀླུ་རྣམས་ཀྱིས་མི་བཀུར་བར་འགྱུར་བ། ༡༠ སོ་སོ་ཡང་དག་པར་རིག་པ་ཐོབ་པ་རྣམས་ཀྱིས་བརྙས་པར་འགྱུར་བ། ༡༡ ལུས་མངོན་སུམ་དུ་གྱུར་པ་རྣམས་ཀྱིས་སྤྱོ་བར་འགྱུར་བ། ༡༢ བསྒྲུབ་པ་ལ་མི་གནས་པས་ཡིད་ལ་གཅགས་པར་འགྱུར་བ། ༡༣ ཐེ་ཚོམ་མ་སྤངས་པས་རབ་ཏུ་མི་བརྟན་པར་འགྱུར་བ། ༡༤ སྒྲ་ལྷུན་ལེན་པས་ཐོས་པ་དང་བྱེ་བྲག་ཕྱེད་པ་ཉམས་པར་འགྱུར་བ། ༡༥ རྣམ་པར་ཤེས་པའི་སྤྱོད་ཡུལ་ཅན་ཡིན་པས་འདོད་པའི་ཡོན་ཏན་ལ་ཆགས་པར་འགྱུར་བ། ༡༦ ཡང་དག་པ་ཇི་ལྟ་བ་བཞིན་དུ་རྟོག་པར་མི་བྱེད་པས་མྱུར་དུ་ཆོས་སྤོང་བར་བྱེད་པ། ༡༧ གཞན་དང་གཞན་རྩོམ་པས་མི་བརྟན་ཅིང་རྟེན་མེད་པར་འགྱུར་བ། ༡༨ སེམས་ཡོངས་སུ་མ་དུལ་བས་བཀུར་སྟི་མེད་པར་ཐོབ་པར་འགྱུར་བ། ༡༩ ཆོས་ཀྱི་དབྱིངས་ཁོང་དུ་མ་ཆུད་པས་གཞན་གྱི་དྲིང་འཇོག་པར་འགྱུར་བ། ༢༠ དབང་པོ་རྣམས་ཡོངས་སུ་མ་ཤེས་པས་ཉོན་མོངས་པའི་དབང་དུ་འགྱུར་བ་བཅས་སོ། །
Domain	ཆོས་ལུགས།