103208

སྲུང་འཁོར་ཡོངས་རྫོགས་གདུག་པ་ཀུན་འདུལ་ (1)

Part of speech

མིང་ཚིག

Definition

རྙིང་མ། བླ་མ་དྲག་པོའི་ལས་ཚོགས་ལས། སྲུང་འཁོར་ཡོངས་རྫོགས་གདུག་པ་ཀུན་འདུལ། ཞེས་བྱ་བ་སྟེ། གཏེར་གཞུང་ལས། རྗེ་བཙུན་ཨོ་རྒྱན་པདྨ་ཡིས༔ བདག་འདྲ་ཡེ་ཤེས་མཚོ་རྒྱལ་དང༔ ནམ་སྙིང་རྒྱལ་བ་མཆོག་དབྱངས་དང༔ ལང་འགྲོ་ཨ་ཙར་ས་ལེ་ལ༔ དྲག་པོའི་བཀའ་ལུང་གནང་ནས་ཀྱང༔ དེ་དུས་སྤེལ་བའི་དུས་མིན་པས༔ ཕྱོགས་བཞི་དབུས་ཀྱི་གཏེར་ཁ་རུ༔ སྲོག་ལྟར་གཅེས་པས་གཏེར་དུ་སྦས༔ མ་འོངས་ཕྱི་མར་གྱུར་པའི་ཚེ༔ དུས་ངན་བཅུ་གསུམ་དར་དུས་སུ༔ ཐུགས་ཀྱི་ཡང་གཏེར་འདི་ལྟར་ནས༔ བསྒྲུབས་པས་རྒྱུད་ལ་བྱིན་རླབས་འཇུག༔ གནས་སྐབས་བར་ཆད་སེལ་བ་དང༔ མཐར་ཐུག་རིག་འཛིན་འཐོབ་པར་འགྱུར༔ ཕྱི་མའི་དུས་ན་སྙིང་སྟོབས་ཅན༔ ཕྲིན་ལས་གདུལ་བྱའི་བཀའ་བབས་པའི༔ ཐུགས་ཀྱི་སྲས་དང་ཕྲད་ནས་ཀྱང༔ འགྲོ་དོན་བསྟན་པ་མཐའ་རྒྱས་ཤོག༔ ཅེས་གསུངས་པ་ལྟར། གཏེར་ཆེན་རཏྣ་གླིང་པས་གཏེར་ནས་དྲངས། འདིའི་ནང་དོན་ལ། མ་འོངས་དུས་ཀྱི་ཕྱི་མར་གྱུར་པའི་ཚེ་དུས་ངན་བཅུ་གསུམ་དར་བས་དེ་དག་བསྲུང་བ་དང་། བཟློག་པ། གསད་པ། གནན་པ། བསྐྲད་པ། བཅིང་བ་སོགས་ཕྲིན་ལས་ཀྱི་འདོད་པ་ཐམས་ཅད་འགྲུབ་པར་བྱ་བའི་ཕྱིར། སྲུང་བའི་འཁོར་ལོའི་རིམ་པ་རྣམས་བསྟན།