103406

སྲོག་རྩོལ་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག རོ་རྐྱང་གི་རྒྱུ་བ་འགགས་ཤིང་སྲོག་དང་ཐུར་སེལ་དབུ་མར་གོང་བུ་གཅིག་ཏུ་བྱེད་པའི་རྣལ་འབྱོར་ནི་སྲོག་རྩོལ་གྱི་རིམ་པ་སྟེ། དེ་ཡང་སྟོང་གཟུགས་ལ་བརྟན་པ་ཐོབ་པའི་རྣལ་འབྱོར་བས་བུམ་པ་ཅན་གྱི་སྦྱོར་བ་ལ་རྩེ་གཅིག་ཏུ་བརྩོན་པར་བྱ་ལ། བུམ་པ་ཅན་དང་སྟོང་གཟུགས་རོ་གཅིག་ཏུ་བསྒོམས་པས་སྟོང་གཟུགས་དང་ལྡང་འཇུག་གནས་གསུམ་བྱེད་པའི་རླུང་གཅིག་ཏུ་འདྲེས་པའི་སྣང་བ་ཅུང་ཟད་ཤར་བ་ནས་གཡས་གཡོན་གྱི་དཀྱིལ་འཁོར་བཅུའི་རླུང་རྣམས་དངོས་སུ་དབུ་མར་འགག་པའི་མགོ་རྩོམ་སྟེ། ནམ་ཞིག་ན་རྣལ་འབྱོར་བའི་སེམས་ཀྱི་རང་སྣང་ལ་སྲོག་ཐུར་གྱི་རླུང་གང་ཡིན་པ་དེ་ཉིད་སྟོང་གཟུགས་སུ་ཤར་ཞིང། སྟོང་གཟུགས་དེ་ཁོ་ན་རླུང་གི་རང་བཞིན་དུ་སྣང་བ་སྟེ། མཉམ་གཞག་གི་དུས་སུ་གཟུགས་དང་རླུང་དབྱེ་བ་མེད་པར་མྱོང་བ་ནི། སྲོག་གཟུགས་གྲུབ་པ་ཅེས་བྱ་སྟེ། འདིས་གཡས་གཡོན་རོ་རྐྱང་གི་རླུང་དང། སྟེང་འོག་སྲོག་ཐུར་གྱི་རླུང་རྫོགས་པར་དབུ་མར་དགག་ནུས་པ་ཡིན་ལ། འོན་ཀྱང་དམིགས་པ་ལ་མཉམ་པར་མ་བཞག་པའི་དུས་སུ་ནི་ཐ་དད་པར་སྣང་བ་ཉིད་ཡིན་ནོ། །དེ་ཡང་རླུང་གི་རང་བཞིན་ཆོས་ཉིད་སྟོང་གཟུགས་ཕྱག་རྒྱ་ཆེན་པོའི་ངོ་བོར་གདོད་མ་ནས་གནས་པ་ཡིན་ཀྱང། སྲོག་གཟུགས་མ་གྲུབ་གོང་དུ་སོར་བསམ་གྱི་རིམ་པའི་སྐབས་ཙམ་ན་སྟོང་གཟུགས་ཀྱི་ཆ་ནས་ཅུང་ཟད་མཐོང་ཡང་རླུང་གི་ཆོས་ཉིད་ཡིན་པའི་ཕྱོགས་ནས་མ་མཐོང་ལ། སྲོག་གཟུགས་གྲུབ་པ་ནས་བཟུང་སྟེ། དེའི་ཆ་ནས་ཀྱང་ཅུང་ཟད་མཐོང་བ་ཡིན་ལ། འོན་ཀྱང་རྣལ་འབྱོར་པ་རང་ཉིད་ཀྱི་བློ་སྟོབས་ཀྱིས་སྟོང་གཟུགས་དེ་རླུང་གི་ཆོས་ཉིད་ཡིན་པར་མི་ཤེས་ཏེ། ཐ་མལ་གྱི་རླུང་ཉིད་སྟོང་གཟུགས་ཡིན་པ་ལྟར་སྣང་བའི་ཉམས་སྣང་བར་འགྱུར་རོ། །སྟོང་གཟུགས་འདི་ནི་དོན་དམ་པ་རྫོགས་རིམ་གྱི་སྔགས་ཡིན་པས་རླུང་སྔགས་དབྱེར་མེད་ཀྱི་བཟླས་པ་ཞེས་ཕྱོགས་གཞན་ལས་བཤད་པའི་ངེས་དོན་ཡང་འདི་ཁོ་ནའོ། །
Domain	ཆོས་ལུགས།

{{#arraymap:སྲོག་རྩོལ་

|; |@@@ | | }}

སྲོག་རྩོལ་ (2)

Part of speech

མིང་ཚིག

Definition

སྲོག་ནི་རླུང་ལ་ཟེར་བ་ཡིན། རྩོལ་བ་ལས་ལ་སྦྱོར་བའོ། །ཞེས་གསུངས་པ་བཞིན་ལྟར་རླུང་ནི་སྲོག་གི་རྩ་བར་གྱུར་ཅིང་འཇིག་རྟེན་པའི་སྐབས་སུ་རྣམ་ཤེས་ལས་རླུང་གི་རྟ་ཞོན་ནས། དབང་ཚོགས་ལ་རྒྱུག་ཅིང་གཟུང་འཛིན་གྱི་རྟོག་པས་ཡུལ་བཟང་ངན་བར་མའི་རྟོག་པ་ཉམས་སུ་མྱོང་བས་འདོད་ཁྲོ་གཏི་མུག་གི་ལས་ཀྱི་སྒྲིབ་པ་ཀུན་གཞིར་མཚམས་སྦྱོར་བ་བག་ཆགས་ཀྱི་རྟེན་དུ་གྱུར་པ་འཁོར་བའི་ཆོས་སུ་སྣང་བ་དང་། རྣམ་ཤེས་ཀྱི་གཞོན་པ་ལས་རླུང་གི་རྟ་ཉིད་ཁ་ཕྲལ་ནས་དབུ་མར་འཆིང་བས་རླུང་སེམས་ཁ་བྲལ་ཏེ་མནལ་དུ་གནས་པར་འགྱུར་བ་ཡིན་ལ། འདིའི་སྐོར་རྣམས་ཆོས་དྲུག་གཞུང་ལས་རྒྱས་པར་འབྱུང་བས་གསལ་ཆ་མི་དགོས་ཀྱང་། འདིར་འདྲ་མིན་ཅུང་ཟད་འབྱུང་རྣམས་ཟུར་རྒྱན་དུ་འབྲི་བར་བྱ་སྟེ། དེ་ཡང་འབུད་པའི་སྐབས་ཐོག་མར་རླུང་སྐྱོན་སེལ་བའི་ཕྱིར་རླུང་སྣ་བུག་གཉིས་ཀ་ནས་རྒྱུ་ན་ལེགས། མི་རྒྱུ་ན་གང་མི་རྒྱུ་བའི་ཕྱོགས་ཀྱི་གློ་སྟེང་དུ་བསྟན་ལ་འདུག་སྟེ་གཉིས་ཀ་ནས་རྒྱུ་བ་བྱས་ལ། སྣ་བུག་གཡས་ནས་རླུང་དྲག་ལ་རིང་བ་གཅིག་དྲག་ལ་ཐུང་བ་གཅིག་འཇམ་ལ་རིང་བ་གཅིག་སྟེ་གསུམ། དེ་བཞིན་དུ་གཡོན་ནས་གསུམ་དང་གཉིས་ཀ་ནས་གསུམ་སྟེ་དགུ་འབུད་ཅིང་ནད་གདོན་སྡིག་སྒྲིབ་རྣམས་སངས་ཀྱིས་སོང་བར་བསམ། དགུ་ཕྲུག་འདི་ཉིན་རེ་ཐུན་དང་པོ་ལ་བྱ་བ་ལས་མང་ན་རླུང་ལངས་ཏེ་མགོ་ན་བ་སོགས་འོང་བས་ཐུན་གཞན་རྣམས་ལ་རྒྱུ་བ་སྙོམས་པ་ཙམ་གྱིས་ཆོག་ལ། གལ་ཏེ་འབུད་མ་གོམས་ནའང་གཡས་གཡོན་དབུས་གསུམ་ནས་ཅུང་ཟད་རྒྱབ་ཏུ་སྦྱར་ཏེ་ཕྱིར་འབུད་པ་བྱེད་དོ། །

{{#arraymap:སྲོག་རྩོལ་

|; |@@@ | | }}