From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| དབང༌
|
| Tibetan Definition
|
<ཨ་བྷི་ཥིཉྩ> (གསང་སྔགས) 1 (དགེ་ལུགས) སྔགས་བཟླ་བ་དང་ལྷ་བསྒོམ་པ་སོགས་ལ་དབང་བར་བྱེད་ཅིང་སྔགས་ཀྱི་འཇུག་སྒོར་གྱུར་པའི་རྒྱུད་སྨིན་བྱེད་ཅིག་ལ་དབང་ཟེར། མདོར་ན་དབང་ཞེས་པ་དབང་ཆ་སྤྲད་པ་ལ་ཟེར། རྒྱལ་མཆོག་བསྐལ་བཟང་རྒྱ་མཚོའི་དབང་དོན་དེ་ཉིད་ཡང་གསལ་༢༥བ༢ལས། སློབ་མའི་རྒྱུད་ལ་སྒོ་གསུམ་གྱི་དྲི་མ་འཁྲུད་ཅིང་བསྐྱེད་རིམ་སོགས་སྔགས་ཀྱི་ལམ་བསྒོམ་པར་དབང་བ་དང་། འབྲས་བུ་སྤྲུལ་སྐུ་སོགས་འགྲུབ་པའི་ནུས་པ་དང་བག་ཆགས་འཇོག་ངེས་པའི་བུམ་དབང་སོགས་བཞི་ཡིན་ལ། ཞེས་གསུངས། དབང་ལ་སྨིན་བྱེད་རྒྱུའི་དབང༌། (བུམ་དབང་སོགས་བཞི་ལ་ཟེར) གྲོལ་བྱེད་ལམ་གྱི་དབང༌། (བསྐྱེད་རྫོགས་ཀྱི་ལམ་ལ་བཤད) གྲོལ་བ་འབྲས་བུའི་དབང་དང་གསུམ་ཡོད། (དེ་ནི་ཟུང་འཇུག་གི་གོ་འཕང་ལ་བཤད་དོ) (བཀའ་བརྒྱུད) ཆོ་ག་རྣམ་པར་དག་པ་ལ་བརྟེན་ཏེ་ཕུང་ཁམས་སྐྱེ་མཆེད་ལ་འབྲས་བུ་སྐུ་བཞིའི་ས་བོན་ཁྱད་པར་ཅན་གདབ་པའི་སྒོ་ནས་རྒྱུད་ཡོངས་སུ་སྨིན་པར་བྱེད་པ་ཞིག་ལ་དབང་ཟེར། དེའི་སྐོར་རྒྱས་པ་ཤེས་བྱ་མཛོད་འགྲེལ་བར་ཆ་༦༥༧ན་གསལ། (རྙིང་མ) དབང་གི་ངོ་བོ་ནི། ཐོབ་བྱ་རང་གནས་ཀྱི་ཡེ་ཤེས་མངོན་དུ་སྐྱེས་སམ་སྐྱེ་ངེས་ཀྱི་སྣོད་རུང་དུ་སྨིན་པར་བྱེད་པའོ། །སྒྲ་བཤད་ནི། ཨ་བྷི་ཥིཉྩའི་སྒྲ་ལས་མངོན་པར་གཏོར་བའམ་བླུགས་པས་ན་དབང་སྟེ། སྦྱང་བྱའི་དྲི་མ་འཁྲུད་པའམ་གཏོར་ཞིང་ལམ་སྒོམ་རུང་དང་འབྲས་བུ་ཐོབ་རུང་གི་ནུས་པ་ཁྱད་པར་ཅན་འཇོག་པའི་ཕྱིར་རོ། །ཞེས་གསལ་བ་ལྟར་རོ། །2 སྟོབས་ཤུགས། ནུས་ཤུགས། ཐོབ་ཐང་བཅས་ལ་འཇུག 3 རག་ལས་པ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༣༡བ༡ལས། དབང་ཞེས་བྱ་བ་ནི་རག་ལས་པའོ། །ཞེས་གསུངས།
|