From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| ཕ་མའི་མདོ
|
| Tibetan Definition
|
རྒྱ་གར་སྐད་དུ། པི་ཏྲ་མཱ་ཏྲ་སཱུ་ཏྲ། བོད་སྐད་དུ། ཕ་མའི་མདོ། མདོ་སྡེ་༼ས་པ༽ ༡༦༩ན༤ན་བཞུགས་སོ། །མདོ་དེ་ཉིད་ལས། ཕ་མ་གཉིས་ནི་ཚངས་པ་སྟེ། །དེ་བཞིན་དང་པོ་སློབ་དཔོན་ཡིན། །བུ་ཡི་ཀུན་སྦྱིན་འོས་གྱུར་པ། །མི་ཡང་ཡིན་ལ་ལྷ་ཡང་ཡིན། །དེ་ཕྱིར་དེ་གཉིས་ཕྱག་གི་གནས། །དྲིལ་བ་དང་ནི་ཁྲུས་རྣམས་དང་། །རྐང་པ་དག་ཀྱང་ (སྣུམ་སོགས་ཀྱིས) བསྐུ་བ་དང་། །ཡང་ན་ཟས་དང་སྐོམ་རྣམས་དང་། །གོས་དང་མལ་ཆ་སྙན་རྣམས་ཀྱིས། །མཁས་པ་དག་གིས་བཀུར་སྟི་བྱ། །ཕ་མ་དག་ལ་བཀུར་བྱས་པ། །དེས་ན་མཁས་པ་དེ་དག་ནི། །འདིར་ཡང་སྨད་པ་མེད་འགྱུར་ལ། །ཤི་ནའང་མཐོ་རིས་ (ལྷའི་ཡུལ་དུ) འགྲོ་བར་འགྱུར།། ཞེས་སོགས་གསུངས་སོ། །ཀླུ་སྒྲུབ་ཀྱི་བཤེས་སྤྲིང་༼ངེ༽ ༤༡ན༣ལས། གང་ལ་ཕ་དང་མ་དག་མཆོད་བྱེད་པའི། །རིགས་དེ་ཚངས་བཅས་སློབ་དཔོན་བཅས་པའང་ལགས།།དེ་དག་ལ་མཆོད་གྲགས་པར་འགྱུར་བ་དང་། །སླད་མ་ལ་ཡང་མཐོ་རིས་འགྱུར་བ་ལགས། །ཞེས་གསུངས་སོ། །
|