From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| བཅིང་བ
|
| Tibetan Definition
|
2 (མིང་ཚིག) འཆིང་བའི་འབྲི་ཚུལ་གཞན། འཆིང་བྱེད་ལ་འཆིང་བ་ཞེས་པ་བྱ་ཚིག་ད་ལྟ་བས་གྲུབ་པ་ཡོངས་གྲགས་ཡིན་མོད། འོན་ཀྱང་བྱ་ཚིག་མ་འོངས་པས་གྲུབ་པའི་ལུགས་ཀྱང་ཡོད་དེ། མགོན་པོ་ཀླུ་སྒྲུབ་ཀྱི་མདོ་ཀུན་ལས་བཏུས་པ་ལས། འཆིང་བའི་ཚབ་ཏུ་བཅིང་བ་ཞེས་བྱ་ཚིག་མ་འོངས་པས་གྲུབ་པའི་མིང་ཚིག་ཀྱང་བཞག་ཡོད་དེ། དེ་ཉིད་ལས། ༡༽ ཀྱེ་མ་སེམས་ཅན་འདི་དག་ནི་བདུད་ཀྱི་ཞགས་པའི་༼ བཅིང ༽བས་བཅིངས་པ་གཡོ་བ་དང༌། ༢༽གཤེད་མས་༼ བཅིང ༽ བ་ལྔས་དམ་པོར་བཅིངས་ནས་དུར་ཁྲོད་ཆེན་པོ། ཞེས་གསུངས་པའི་ཕྱིར་རོ། །དོགས་གཅོད། བྱ་ཚིག་གིས་གྲུབ་པའི་མིང་ལ་དུས་ད་ལྟ་བས་གྲུབ་པ་དཔེར་ན། འཆིང་བྱེད་ལ་༼ འཆིང་བ ༽ཟེར་བ་ལྟ་བུ། མ་འོངས་པས་གྲུབ་པ་དཔེར་ན། ༼ བཟའ་བ ༽དང་༼ བཏུང་བ ༽སོགས་ཤིན་ཏུ་མང་། འདས་པས་གྲུབ་པ་དཔེར་ན། ༼ བཟླས་པ ༽གསུམ་དང་རྣམ་གྲངས་བཅུ་གཉིས་ལྟ་བུ་དང་། ༼ བཟླས་བརྗོད ༽ ཅེས་པ་ལྟ་བུ། སྐུལ་ཚིག་གིས་གྲུབ་པ་དཔེར་ན། རྟ་སོགས་བཞོན་བྱ་ལ་༼ ཆིབས་པ ༽ཟེར་བ་ལྟ་བུ། ད་དུང་གྲུབ་ཚུལ་གཞན་ཡང་ཡོད་སྣང་། འདུལ་བ་ལུང་གཞི་ལས་ཀྱང་། གང་གིས་འདོད་ཆགས་བཅིང་བས་བཅིངས། །འདོད་ཆགས་ཞེ་སྡང་གིས་གདུངས་པའི། །སེམས་ཅན་མང་པོ་གྲོལ་མཛད་པའི། །དེ་ལ་ཐལ་སྦྱར་ཕྱག་འཚལ་ལོ། །ཞེས་གསུངས་སོ། །
|