From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| བུད་མེད་ཀྱི་ཡོན་ཏན་སུམ་ཅུ་རྩ་གཉིས
|
| Tibetan Definition
|
རྒྱ་ཆེར་རོལ་པའི་མདོ་ལས་གསུངས་པའི་བུད་མེད་ཀྱི་ཡོན་ཏན་སུམ་ཅུ་རྩ་གཉིས་ནི། དེ་ཉིད་ལས། སྲིད་པ་ཐ་མ་པའི་བྱང་ཆུབ་སེམས་དཔའ་བུད་མེད་གང་གི་མངལ་དུ་འཇུག་པར་འགྱུར་བའི་བུད་མེད་དེ་ནི་ཡོན་ཏན་གྱི་རྣམ་པ་སུམ་ཅུ་རྩ་གཉིས་དང་ལྡན་པ་ཡིན་ཏེ། སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་སྲིད་པ་ཐ་མ་པ་ནི་ཀུན་གྱིས་མངོན་པར་ཤེས་པའི་བུད་མེད་ཀྱི་མངལ་དུ་འཇུག་གོ། ཀུན་གྱིས་མངོན་པར་རིག་པ་དང༌། སྤྱོད་པ་ལ་གླགས་མི་ཐོད་པ་དང༌། རིགས་ཕུན་སུམ་ཚོགས་པ་དང༌། ཆོ་འབྲང་ཕུན་སུམ་ཚོགས་པ་དང༌། གཟུགས་ཕུན་སུམ་ཚོགས་པ་དང༌། མིང་ཕུན་སུམ་ཚོགས་པ་དང༌། ཆུ་ཞེང་ཕུན་སུམ་ཚོགས་པ་དང༌། སྔོན་ཆད་མ་བཙས་པ་དང༌། ཚུལ་ཁྲིམས་ཕུན་སུམ་ཚོགས་པ་དང༌། གཏོང་བ་ཕུན་སུམ་ཚོགས་པ་དང༌། བཞིན་འཛུམ་པ་དང༌། མཐུན་པར་འཛིན་པ་དང༌། གསལ་བ་དང༌། དུལ་བ་དང༌། འཇིགས་པ་མེད་པ་དང༌། མང་དུ་ཐོས་པ་དང༌། མཁས་པ་དང༌། སྒྱུ་མེད་པ་དང༌། གཡོ་མེད་པ་དང༌། མི་ཁྲོ་བ་དང༌། ཕྲག་དོག་མེད་པ་དང༌། སེར་སྣ་མེད་པ་དང༌། མི་རྒོད་པ་དང༌། མི་གཡེང་བ་དང༌། ཅ་ཅོ་མེད་པ་དང༌། བཟོད་ཅིང་དེས་པ་དང་ལྡན་པ་དང༌། ངོ་ཚ་ཤེས་ཤིང་ཁྲེལ་ཡོད་པ་དང༌། འདོད་ཆགས་དང༌། ཞེ་སྡང་དང༌། གཏི་མུག་གི་ཤས་ཆུང་བ་དང༌། བུད་མེད་ཀྱི་སྐྱོན་དང་བྲལ་བ་དང༌། ཁྱིམ་ཐབ་ཀྱི་བརྟུལ་ཞུགས་དང་ལྡན་པ་དང༌། ཡོན་ཏན་ཐམས་ཅད་ཕུན་སུམ་ཚོགས་པའི་བུད་མེད་ཀྱི་མངལ་དུ་བྱང་ཆུབ་སེམས་དཔའ་སྲིད་པ་ཐ་མ་པ་འཇུག་གོ། ཞེས་གསུངས་པ་ལྟར་རོ། །
|