From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| བྱ་འདུལ་བ་འཛིན་པ་ཆེན་པོ་བརྩོན་འགྲུས་འབར
|
| Tibetan Definition
|
(འདུལ་བ) གཙང་རོང་གི་གཡུང་དུ་ལྕགས་ལུགས་ལ་འཁྲུངས། འབྲེ་ཤེས་རབ་འབར་ལས་རབ་ཏུ་བྱུང་ཞིང་བསྙེན་པར་རྫོགས། སོག་ཚུལ་ཁྲིམས་བླ་མ་ལས་འདུལ་བ་གསན། ཁོང་གཤེགས་རྟིང་རྒྱ་འདུལ་བ་དང་རྨ་ཚོ་བླ་ཟུར་དུ་བྱས་པའི་དྲུང་དུ་སྦྱངས་པས་མཁས་པར་མཁྱེན་ཏེ། འདུལ་བ་བྱ་ལ་ཐུག་ཅེས་པའི་ཁ་སྐད་ཀྱང་བྱུང༌། རྒྱལ་ཚ་ཞང་ཡེ་ཤེས་ལ་དབུ་ཚད། ཟངས་དཀར་ལོ་ཙཱ་བ་ལ་ལོ་ཙཱ་ལ་ཡོ་ག སྟོང་ལུང་པ་ལ་བཀའ་གདམས་གསན། ཟུལ་ཕུར་འདུལ་གྲྭ་བསྐྱངས། པེ་ཀར་གྱིས་བཙུན་ཆུང་དུ་སྤྲུལ་ནས་ཞབས་ཏོག་བྱས་པས་འདུལ་བ་དང་འགལ་བ་ན་བཟའི་སྤུ་ཕྱིར་བསྟན་པ་གཅིག་ལས་མ་མཐོང་བས་དད་དེ་བྱ་ཊཱིཀ་འཛིན་པ་རྣམས་ལ་གྲོགས་བྱེད་པར་ཞུས། ཕག་གྲུའི་དགེ་སློང་གི་མཁན་པོ་མཛད། ལོ་དགུར་ཚོགས་པ་བསྐྱངས་ནས་མཐར་སྒྲུབ་པ་སྙིང་པོར་མཛད་དེ་དོན་དྲུག་པ་ལ་ཟུལ་ཕུར་གཤེགས། ཞེས་ཀོང་སྤྲུལ་ཡོན་ཏན་རྒྱ་མཚོ་དང་། ཆོས་འབྱུང་མཁས་པའི་དགའ་སྟོན་སྟོད་ཆ་༤༨༦ན་གསལ་བ་ལྟར་རོ། །
|