From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| བླ་མ་གསེར་གླིང་པ
|
| Tibetan Definition
|
མཉམ་མེད་ཇོ་བོ་ཆེན་པོས་བྱང་ཆུབ་ཀྱི་སེམས་ཀྱི་གདམས་པ་གསན་ཅིང་འགྲན་ཟླ་མེད་པའི་བླ་མའི་གཙོ་བོར་རྩི་བར་མཛད་པའི་བླ་མ་ཞིག བླ་མ་གསེར་གླིང་པ་འཁྲུངས་པའི་ཡུལ་ནི། ཕྱི་ལོ་༢༠༠༧།༣།༥ཉིན་༸གོང་ས་༸རྒྱལ་དབང་བསྟན་འཛིན་རྒྱ་མཚོ་མཆོག་གིས་བྱང་ཆུབ་སེམས་འགྲེལ་གྱི་གསུང་ཆོས་བཀའ་དྲིན་ཆེ་སྐབས། གསེར་གླིང་ཞེས་པ་ཨིན་ཌོ་ནི་ཤི་ཡ་Indonesiaཞེས་པའི་ཡུལ་ལ་ངོས་འཛིན་མཛད་སོང༌། ཡང་འགའ་ཞིག་གིས། སུ་ཝརྞ་དྭཱི་པ་སྟེ་རྒྱ་གར་ལྷོ་ཕྱོགས་མི་མེད་པའི་གསེར་གླིང་ཞིག་སྟེ་གསེར་གླིང་རྒྱལ་པོའི་གླིང་ཆུང་ཞིག་ལ་བཞེད། ཡང་གཞན་དག་གིས། ཕེ་གུ་ཞེས་པའི་བྷར་མའི་Pegu, Burmaརྒྱལ་ས་དེ་ཡིན་པའི་འོལ་ཚོད་བྱེད་མཁན་ཡང་འདུག ཁམ་ལུང་པའི་བློ་སྦྱོང་ཐུན་བརྒྱད་མ་ལས། སྤྱིར་ཇོ་བོ་ལ་སྔགས་དང་ཕ་རོལ་ཏུ་ཕྱིན་པ་གསན་པའི་བླ་མ་བདུན་ཅུ་རྩ་གཉིས་ཡོད། ཁྱད་པར་གྱིས་ཀྱང་བྱང་ཆུབ་ཀྱི་སེམས་སྟོན་པའི་བླ་མ་གསུམ་ཡོད། བྱམས་པའི་རྣལ་འབྱོར་པ། དྷརྨ་རཀྵི་ཏ། གསེར་གླིང་པ་གསུམ་ཡིན་གསུངས། དེ་རྣམས་ཀྱི་ནང་ནས་ཀྱང་བླ་མ་གསེར་གླིང་པ་ལ་གསུང་བའི་གུས་པའི་རྒྱུ་མཚན་བླ་མ་གཞན་ལ་གདུང་ཁང་མེད་དེ། གསེར་གླིང་པ་ལ་གདུང་ཁང་དངུལ་གདུགས་ཅན་ཡོད། བླ་མ་གཞན་ལ་ཟླ་མཆོད་མེད་དེ། གསེར་གླིང་པ་ལ་ཟླ་མཆོད་ཡོད། བླ་མ་གཞན་གྱི་མཚན་ཐོས་ཙམ་གྱིས་ཐལ་མོ་ཐུགས་ཀར་སྦྱོར་ཏེ། མཉམ་མེད་གསེར་གླིང་པའི་མཚན་ཐོས་པ་ཙམ་ན་ཐལ་མོ་སྤྱི་བོར་སྦྱོར། བླ་མ་གཞན་དྲན་ཀྱང་སྤྱན་ཆབ་མི་འོང་སྟེ། བླ་མ་གསེར་གླིང་པ་དྲན་ཙམ་ནས་སྤྱན་ཆབ་ཡོང་སྐད། ཨ་ཏི་ཤ་ལ་བླ་མ་མང་དུ་ཡོད་པ་ལ་གསེར་གླིང་པ་ལ་དེ་ཙམ་གུས་པའི་རྒྱུ་མཚན་ཅི་ལགས་ཞུས་པས། ཇོ་བོའི་ཞལ་ནས། བདག་གཞན་བརྗེ་བའི་བྱང་ཆུབ་ཀྱི་སེམས་འདི་བླ་མ་གསེར་གླིང་པ་མིན་པ་ལ་མ་བྱུང་བ་ཡིན་གསུངས། ཞེས་གསུངས།
|