From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
| རྣམ་བདུན་གྱི་རིགས་པ
|
| Tibetan Definition
|
ཤིང་རྟ་རང་གི་ཡན་ལག་དང་གཅིག་དང༌། ཐ་དད། རྟེན་དང༌། བརྟེན་པ། ལྡན་པ། ཚོགས་པ། དབྱིབས་དང་བདུན་དུ་བཙལ་བས་མི་རྙེད་ཀྱང་བཏགས་ཙམ་དུ་ཡོད་པར་སྒྲུབ་པའི་རིགས་པའོ། །འདི་གང་ཟག་གི་བདག་འགོག་པའི་རིགས་པའི་གཙོ་བོར་རྗེའི་ལམ་རིམ་ཆེན་མོ་དང་དྲང་ངེས་ལེགས་བཤད་སྙིང་པོ་སོགས་སུ་གསུངས། རིགས་པ་དང་པོ་བཞི། མདོ་ལས་ཕྱི་རོལ་མུ་སྟེགས་པ་འགོག་བྱེད་དུ་གསུངས། ལྡན་པའི་རིགས་པ་ནི། མགོན་པོ་ཀླུ་སྒྲུབ་ཀྱིས་བྱེ་མདོ་སོགས་འགོག་བྱེད་དུ་རྩ་བ་ཤེས་རབ་ལས་གསུངས། ཚོགས་པ་དང་དབྱིབས་སུ་མེད་ཚུལ་གྱི་རིགས་པ་ནི། དཔལ་ལྡན་ཟླ་བས་སེམས་ཙམ་པ་དང་རང་རྒྱུད་པ་འགོག་བྱེད་དུ་དབུ་ལ་འཇུག་པར་གསུངས་ཞེས་ཀློང་རྡོལ་བླ་མ་གསུང༌། ཅོ་ནེ་བླ་མ་གྲགས་པ་བཤད་སྒྲུབ་ཀྱི་༼ གཞུང་ལུགས་དུ་མའི་བརྗོད་བྱ་སྣ་ཚོགས་པ་མིང་གི་སྒོ་ནས་གསལ་བར་བསྟན་པ ༽ལས། དགག་བྱའི་བདག་ནི་ཕུང་དང་གཅིག་ཉིད་༡མིན། །རང་བཞིན་གྱིས་ཀྱང་ཐ་དད་ཡོད་མིན་༢ཞིང༌། །ཕུང་པོ་རྣམས་དང་རང་བཞིན་གྱིས་༣མི་ལྡན། །ཕུང་པོར་རང་བཞིན་གྱིས་ནི་བརྟེན་༤མ་ཡིན། །ཕུང་རྣམས་དེ་ལའང་དེ་ལྟར་བརྟེན་༥པ་མིན། །ཕུང་པོའི་ཚོགས་༦པ་བདག་མིན་དབྱིབས་མ་༧ཡིན། །རྣམ་བདུན་རིགས་པར་དབུ་མའི་གཞུང་ནས་བཤད། །ཅེས་གསུངས་སོ། །
|