792

Tibetan	ཀུན་ཏུ་སྦྱོར་བ་གསུམ།
Tibetan Alternate
Tibetan Definition	དེ་ཡང་། ལང་གཤེགས་མདོ་ལས་སངས་རྒྱས་ཐམས་ཅད་ཀྱི་གསུང་གི་སྙིང་པོའི་མདོ་ལས་བྱུང་བ་སྟེ། འཇིག་ཚོགས་ལ་ལྟ་བ། ཐེ་ཚོམ། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་དང་གསུམ་སྟེ། ཀུན་ཏུ་སྦྱོར་བ་དེ་གསུམ་གྱི་བྱེ་བྲག་གིས་གོང་ནས་གོང་དུ་ཁྱད་པར་ཅན་དུ་གྱུར་ནས་དགྲ་བཅོམ་པའི་འབྲས་བུ་འཐོབ་པར་འགྱུར་རོ། ། དེ་ལས། ། 1.འཇིག་ཚོགས་ལ་ལྟ་བའང་རྣམ་པ་གཉིས་ཡོད་དེ་ལྷན་ཅིག་སྐྱེས་པ་དང་། ཀུན་ཏུ་བརྟགས་པ་ལྟར་གཞན་གྱི་དབང་ལ་ཀུན་བརྟགས་པའི་རང་བཞིན་གྱི་རྣམ་པར་རྟོག་པ་བཞིན་ནོ ། དཔེར་ན། གཞན་གྱི་དབང་གི་རང་བཞིན་ལ་བརྟེན་ནས་ཀུན་ཏུ་བརྟགས་པའི་རང་བཞིན་ལ་མངོན་པར་ཞེན་པ་སྣ་ཚོགས་འབྱུང་སྟེ། དེ་ཡོད་པའང་མ་ཡིན་། མེད་པའང་མ་ཡིན། དེ་གཉིས་ཀའང་མ་ཡིན་ཏེ། ཡང་དག་པ་མ་ཡིན་པ་ཀུན་བརྟགས་པའི་མཚན་ཉིད་ཀྱི་ཕྱིར་ཏེ། བྱིས་པ་སོ་སོའི་སྐྱེ་བོ་རྣམས་ཀྱི་རྣམ་པར་རྟོག་པས། སྣ་ཚོགས་ཀྱི་རང་བཞིན་གྱི་མཚན་ཉིད་ལ་མངོན་པར་ཞེན་པ་ནི། དཔེར་ན། སྨིག་རྒྱུ་ལ་རི་དྭགས་སྐོམ་པ་རྣམས་ཀྱི་ཆུའི་འདུ་ཤེས་འབྱུང་བ་ལྟ་བུ་སྟེ། དེ་ནི་རྒྱུན་དུ་ཞུགས་པའི་ཀུན་ཏུ་བརྟགས་པའི་འཇིག་ཚོགས་ལ་ལྟ་བའོ། ། དེའང་གང་ཟག་ལ་བདག་མེད་པས་དངོས་པོ་མེད་པར་གཟུང་བའི་ཕྱིར་ཡུན་རིང་པོ་ནས་མི་ཤེས་པ་དང་། མངོན་པར་ཤེས་པ་རྣམས་སྤོང་བར་འགྱུར་རོ། ། ལྷན་ཅིག་སྐྱེས་པ་ནི་རྒྱུན་དུ་ཞུགས་པས་བདག་དང་། གཞན་གྱི་ལུས་མཉམ་པ་ཉིད་དུ་མཐོང་བ་དང་། ཕུང་པོ་བཞི་ལ་གཟུགས་ཀྱི་མཚན་ཉིད་མེད་པའི་ཕྱིར་དང་། གཟུགས་སྐྱེ་བ་འབྱུང་བ་དང་། འབྱུང་བ་ལས་གྱུར་པའི་ཕྱིར་དང་། ཕན་ཚུན་རྒྱུ་བའི་མཚན་ཉིད་ཀྱི་ཕྱིར་དང་། འབྱུང་བ་དང་། གཟུགས་རྣམས་བསགས་པ་མ་ཡིན་པའི་ཕྱིར་དང་། རྒྱུན་དུ་ཞུགས་པས་ཡོད་པ་དང་མེད་པའི་ཕྱོགས་བརྟགས་ན་མི་སྣང་བས་འཇིག་ཚོགས་ལ་ལྟ་བ་སྤངས་པར་འགྱུར་རོ། ། དེ་ལྟར་འཇིག་ཚོགས་ལ་ལྟ་བ་སྤངས་པས་འདོད་ཆགས་མི་འབྱུང་སྟེ། འདི་ནི་འཇིག་ཚོགས་ལ་ལྟ་བའི་མཚན་ཉིད་དོ། ། 2.ཐེ་ཚོམ་གྱི་མཚན་ཉིད་ནི། ཆོས་ཐོས་པ་ལེགས་པར་མཐོང་བའི་མཚན་ཉིད་ཀྱི་ཕྱིར་དང་། སྔ་མའི་འཇིག་ཚོགས་ལ་ལྟ་བ་རྣམ་པ་གཉིས་ཀྱི་རྣམ་པར་རྟོག་པ་སྤངས་པའི་ཕྱིར་ཆོས་རྣམས་ལ་ཐེ་ཚོམ་མི་སྐྱེ་བས་གཞན་ལ་སྟོན་པའམ། དག་པའམ། མ་དག་པའི་ལྟ་བ་སྐྱེད་པར་མི་བྱེད་དེ། འདི་ནི་རྒྱུན་དུ་ཞུགས་པའི་ཐེ་ཚོམ་སྤངས་པའི་མཚན་ཉིད་དོ། ། 3.ཅིའི་ཕྱིར་རྒྱུན་དུ་ཞུགས་པའི་ཚུལ་ཁྲིམས་མི་སྙེམས་ཤེ་ན། སྐྱེ་བའི་གནས་ཀྱི་སྡུག་བསྔལ་གྱི་མཚན་ཉིད་རབ་ཏུ་མཐོང་བས་ན་དེའི་ཕྱིར་མི་སྙེམས་སོ། ། སྙེམས་པ་ནི་འདི་ལྟ་སྟེ། བྱིས་པ་སོ་སོའི་སྐྱེ་བོ་དག་མི་འགྱུར་བར་དཀའ་ཐུབ་ལེན་ཅིང་སྦྱོར་བ་དག་གི་ལོངས་སྤྱོད་དང་། བདེ་བ་སྤྱོད་པའི་ཕྱིར་སྐྱེ་བ་གཉེར་བར་བྱེད་དོ། ། དེ་དེ་ལྟར་མི་སྙེམས་པའང་གཞན་དུ་ན་འདི་ལྟར་ཡོངས་སུ་བསྔོ་བར་བྱེད་དེ། སོ་སོ་རང་གིས་རིག་པའི་ཁྱད་པར་རྣམ་པར་རྟོག་པ་དང་བྲལ་བ་ཟག་པ་མེད་པའི་ཆོས་ཀྱི་མཚན་ཉིད་ལ་རབ་ཏུ་སྦྱོར་བའི་ཚུལ་ཁྲིམས་ཀྱི་ཡན་ལག་ཡང་དག་པར་ལེན་ཅིང་སྲུང་བར་བྱེད་དེ། འདི་ནི་རྒྱུན་དུ་ཞུགས་པའི་ཚུལ་ཁྲིམས་དང་། བརྟུལ་ཞུགས་སྤངས་པའི་མཚན་ཉིད་ཡིན་ནོ། ། རྒྱུན་དུ་ཞུགས་པས་ཀུན་ཏུ་སྦྱོར་བ་གསུམ་སྤངས་པ་ནི་འདོད་ཆགས་དང་། གཏི་མུག་མི་འབྱུང་སྟེ། གལ་ཏེ་རྒྱུན་དུ་ཞུགས་པ་འདི་སྙམ་དུ་ཀུན་ཏུ་སྦྱོར་བ་འདི་རྣམས་ནི་བདག་ལ་མངོན་པར་མ་གྲུབ་བོ་སྙམ་དུ་སེམས་པ་ནི་ཉེས་པ་རྣམ་གཉིས་ཡོད་པར་འགྱུར་ཏེ། འཇིག་ཚོགས་ལ་ལྟ་བར་སོང་བ་དང་། ཀུན་ཏུ་སྦྱོར་བ་རྣམས་མ་སྤངས་པའོ། །
Tibetan Source	《མདོ་ཅ་པ་》ཤ་373བ་5ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number