1775

Tibetan	དབང་གི་རྒྱལ་རབས་གསུམ།
Tibetan Alternate
Tibetan Definition	དེ་ཡང་། རྒྱའི་ལོ་རྒྱུས་རྒྱ་ནག་ཆོས་འབྱུང་གཞི་བཟུང་སྟེ་བཀོད་པ་སྟེ། 1.དབང་དང་པོ། བྷི་ཡ་ཡུའི་དབང་། འདི་ཀའུ་ཡང་ཞིའི་ཚ་བོ་ཧུ་ཝང་དྷིའི་ཡང་ཚ་མི་རབས་གཉིས་པ། འདིས་ཞུན་གྱི་རྒྱལ་ཚབ་ལོ་ཉེར་བརྒྱུད། རྒྱལ་པོ་ལོ་བཅུ་བདུན་བྱས། དེ་ནས་རྒྱལ་རབས་ལྔ་པ་དྷི་ཥང་གི་སྐབས་རྒྱལ་ཕྲན་ཧན་ཁྲུ་ཞེས་པས་རྒྱལ་སྲིད་ཕྲོགས་པ་ནི། འབངས་ཀྱིས་རྒྱལ་པོར་རྒོལ་ནས་རྒྱལ་སྲིད་འཕྲོག་པའི་ཐོག་མ་ཡིན། དེ་ནས་བློན་ཆེན་རྙིང་པ་ལི་ཞེས་པས་རྒྱལ་སྲིད་ཚུར་བླངས་ནས། དྷི་ཥྱང་གི་བུ་ཞོའུ་ཥང་རྒྱལ་སྲིད་ལ་བཞག 2.དབང་གཉིས་པ། དབང་གཉིས་པ་ཆེང་ཐང། དེ་ནས་བརྩིས་པའི་རབས་བཅུ་གཉིས་པ་ཀི་ཡི་ཡེ་ཟེར་བའི་རྒྱལ་པོ་དེས་རྒྱལ་སྲིད་ལུགས་དང་མཐུན་པར་མ་བསྐྱངས་ཤིང་། རྒྱལ་ཕྲན་རྣམས་ཀྱང་རྒྱལ་པོ་དེ་དང་མཐུན་པར་ཧ་ཅང་གདུག་རྩུབ་ཆེ་བའི་རྐྱེན་གྱིས། ཧུའང་དྷིའི་གདུང་བརྒྱུད་རྒྱལ་ཕྲན་ཆེང་ཐང་གིས་འགོ་འཁྲིད་པའི་དམག་གི་མི་དམངས་ལ་གྲོགས་བྱས་ཏེ། རྒྱལ་པོ་དེ་དང་རྒྱལ་ཕྲན་མ་རུང་བ་རྣམས་ཚར་བཅད། རང་ཉིད་ཀྱིས་རྒྱལ་སྲིད་བཟུང་། རྒྱལ་སྲིད་ཀྱི་མིང་ཤང་ཡིན་ཀྱང་དེ་ནས་རྒྱལ་རབས་བཅུ་བདུན་པ་ཕན་ཀེང་རྒྱལ་པོས་ཡེན་དུ་བསྒྱུར། ཕན་ཀེང་ནས་རབས་བཅུ་གཉིས་པ་རྒྱལ་པོ་ཅིའུ་ཞེས་པ་རྒྱལ་སྲིད་སྐྱོང་ལུགས་རྒྱལ་ངན་ཀི་སི་དང་མཚུངས་པར་བརྟེན་རྒྱལ་ས་ཤོར་རོ། ། 3.དབང་གསུམ་པ། ཝེན་ཨུ། ཅིའུ་རྒྱལ་པོའི་དུས་ཀྱི་རྒྱལ་ཕྲན་ཟི་པེ་ཟེར་བ་དེའི་བུ། མིང་དངོས་ཨུ་དབང་ཟེར། ཀའུ་ཟིན་ཞིའེ་ཡང་ཚ་མི་རབས་བཅུ་དྲུག་པ་ཡིན། རྒྱལ་སྲིད་ཀྱི་མིང་ཊེའུ་ཟེར།(ལོ་རྒྱུས་རྣམས་སུ་ཅེའུ་འམ་ཅེའུ་ཞེས་སྣང་)འདི་ནས་ཊེའུའི་རྒྱལ་རབས་འགོ་ཚུགས་ཞེས་སོ། །
Tibetan Source	《དུང་དཀར་ཚིག་མཛོད་ཆེན་མོ་》ཤ་532.2ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number