5456

Tibetan	བག་མེད་པ་སྐྱེས་པའི་གཉེན་པོར་གྱུར་པ་ལྔ།
Tibetan Alternate
Tibetan Definition	དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། 1.འདི་ན་བག་མེད་པའི་སྐྱེས་བུ་རྣམས་ནི། ཐམས་ཅད་ལས་ཁྱད་པར་དུ་སྡུག་བསྔལ་བར་འགྱུར་རོ། ། དེ་བག་མེད་པའི་སྐྱོན་རྣམས་གང་དང་གང་གིས་སྡུག་བསྔལ་དང་ལྡན་པར་འགྱུར་རོ། ། དེ་སྐྱོན་དང་བཅས་པ་ཡིན་པར་ཤེས་པར་གྱུར་ནས་ཡོངས་སུ་སྤང་བར་བྱ་སྟེ། ཡོན་ཏན་དང་སྐྱོན་དག་ཤེས་པར་གྱུར་ཅིང་ཡོན་ཏན་དང་སྐྱོན་དག་མཐོང་བར་གྱུར་པ་རྣམས་ཀྱིས་དེ་ཡོངས་སུ་སྤུངས་པར་གྱུར་པ་ལས་ནི། འདི་དག་དོན་མ་ཡིན་པར་མི་འགྱུར་རོ། ། སྡུག་བསྔལ་བར་ཡང་མི་འགྱུར་རོ། ། མི་དགེ་བ་མངོན་པར་འཕེལ་བར་ཡང་མི་འགྱུར་རོ། ། ཤེས་བཞིན་དུའང་རྒྱུ་བར་འགྱུར་རོ། ། འདི་ནི། བག་མེད་པའི་གཉེན་པོར་གྱུར་པ་གཅིག་ཡིན་ནོ། ། 2.གཞན་ཡང་བག་མེད་པའི་གཉེན་པོར་གྱུར་པ་གཉིས་པ་ནི། ཡང་དག་པ་ཇི་ལྟ་བའི་དོན་མཐོང་བའོ། ། ཡང་དག་པ་མཐོང་བར་གྱུར་པས་ཀྱང་སྐྱེས་བུ་རྣམས་ཀྱིས་ཐམས་ཅད་ངེས་པར་ལེགས་པར་རྟོགས་པར་འགྱུར་ཏེ། དེ་ཁོ་ན་ཉིད་བཞིན་ཁོ་ནར་མཐོང་བར་འགྱུར་རོ། ། དེ་ཁོ་ན་ཉིད་རིག་པ་དེ་ནི། བག་མེད་པའི་སྐྱོན་རྣམས་ཤེས་པར་གྱུར་ནས་བག་མེད་པས་ཀུན་ཏུ་བཀྲི་བར་མི་ནུས་སོ། ། 3.གཞན་ཡང་བག་མེད་པའི་གཉེན་པོ་གསུམ་པར་གྱུར་པ་རྣམས་འདི་ལྟ་སྟེ། བག་ཡོད་པ་སྟེན་པར་བྱེད་པ་གང་ཡིན་པ་དེ་དག་རྣམས་ལ་བསྟེན་པར་བྱེད་དོ། ། དེ་དག་རྣམས་ཀྱི་དྲུང་ནས་ཚུལ་ཁྲིམས་སྲུང་བར་བྱེད་དོ། ། སྤྱོད་པ་རྣམས་རྣམ་པར་བགྲང་བར་བྱེད་དོ། ། ལུས་ངག་གི་བྱ་བ་རྣམས་ཀྱང་སློབ་པར་བྱེད་དོ། ། ཚུལ་ཁྲིམས་དེ་དང་མཉམ་པ་ཡོད་པ་རྣམས་དང་ལྷན་ཅིག་ཏུ་གནས་པར་བྱེད་དོ། ། བག་མེད་པ་དེ་དག་ཉིད་ཀྱི་སྐྱོན་རྣམས་ཤེས་པར་གྱུར་ནས་ཡོངས་སུ་སྤོང་བར་བྱེད་པ་རྣམས། མཐར་འབྲལ་བར་འགྱུར་རོ། ། 4.གཞན་ཡང་བག་མེད་པའི་གཉེན་པོར་གྱུར་པ་བཞི་པ་འདི་དག་ཀྱང་གང་ཞེ་ན། འདི་ལྟ་སྟེ། ཡེ་ཤེས་དང་ཚུལ་ཁྲིམས་དང་ལྡན་པར་གྱུར་པའི་སྐྱེས་བུ་རྣམས་ནི། རྟག་ཏུའང་དེ་ཉིད་ལ་མངོན་པར་དགའ་བར་གྱུར་པས་བག་མེད་པ་རབ་ཏུ་འཇོམས་སོ། ། བག་ཡོད་པ་རབ་ཏུ་སྟེན་པར་བྱེད་དོ། ། བག་མེད་པ་རབ་ཏུ་བཅོམ་པ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པར་བྱེད་དོ། ། དེའི་གར་དང་གླུ་དང་རྒོད་པ་དང་འགྱིང་བག་དང་རྒྱུན་ཆས་ཀྱང་ཀུན་ནས་འཁྲིད་པར་བྱེད་དོ། ། བག་ཡོད་པ་དང་བག་ཡོད་པར་གྱུར་པའི་སྐྱེས་བུ་དེ་རྣམས་ཀྱིས་ཀྱང་གཞན་རྣམ་པ་དེ་ལྟ་བུའི་བག་མེད་པའི་གནས་རྣམས་མི་བྱེད་དོ། ། དེའི་འཁོར་ཡང་བསྲབས་པར་འགྱུར་ཏེ། གང་དག་བུད་མེད་ཀྱི་བག་མེད་པས་ཀུན་ཏུ་ཁྲིད་མི་འགྱུར་བ་རྣམས་སོ། ། དེའང་དེས་སྤོང་དུ་འཇུག་ལ་བག་ཡོད་པའང། རྗོད་པར་བྱེད་དོ། ། 4.གཞན་ཡང་བག་ཡོད་པའི་ཡོན་ཏན་བཞི་པ་ཡོད་དེ། འདིའང་གང་ཞེ་ན། འདི་ལྟ་སྟེ། བག་ཡོད་པ་ནི། ལོངས་སྤྱོད་རྣམས་ལ་མ་ཡིན། འདོད་པ་རྣམས་ལ་མ་ཡིན་ནོ། ། བརྒྱ་ལ་ན་དབུགས་འབྱིན་པར་བྱེད་ཀྱི་རྟག་ཏུ་བློ་ལ་མི་བྱེད་དོ། ། སེམས་ཀྱིས་རབ་ཏུ་རྟོག་པར་མི་བྱེད་དོ། ། ཇི་ལྟར་འདོད་པ་དེ་དག་རྣམས་ནི། རྟོག་པ་དང་བརྟན་པ་དང་ཡིད་ཆེས་པའི་ས་ཡང་མ་ཡིན་ལ་འདི་དག་རྣམས་ནི། རྒུད་པའི་མཐར་ཐུག་པར་འགྱུར་བ་དང་། ཤིན་ཏུ་མྱུར་བར་རབ་ཏུ་འཇིག་པར་འགྱུར་བའི་ཆོས་ཅན་ནོ། ། དེ་བཞིན་དུ་ནད་མེད་པ་ལའང་བག་ཡོད་པ་རྣམས་ཀྱིས་ནམ་ཡང་ཡིད་ཆེས་པ་སྐྱེད་པར་ནི། མི་བྱེད་སྟེ། ནད་མེད་པ་རྣམས་ཐམས་ཅད་ཀྱང་ནད་ཀྱིས་ཟིལ་གྱིས་གནོན་ནོ། ། དེ་བཞིན་དུ་ལང་ཚོ་ལ་ནམ་ཡང་ཡིད་ཆེས་བསྐྱེད་པར་མི་བྱེད་དོ། ། ལང་ཚོ་འདི་དག་རྣམས་ཐམས་ཅད་ཀྱང་རྒ་བས་ཉེ་བར་ཟིལ་གྱིས་གནོན་པར་འགྱུར་པས་དེ་ལང་ཚོས་སྒྲུབ་པར་མི་བྱེད་དོ། ། ཁེངས་པར་མི་འགྱུར་རོ། ། ཇི་ལྟར་གསོན་པས་ཀྱང་སྒྲུབ་པར་མི་བྱེད་དོ། ། རངས་པར་མི་བྱེད་དོ། ། དཀའ་ལས་རྣམས་ཀྱང་མི་བྱེད་དོ། ། དེ་ཅིའི་ཕྱིར་ཞེ་ན། ནམ་ཡང་འཆི་བདག་གི་རྒྱལ་པོས་འཕྲོག་པར་བྱེད་པར་འགྱུར་བའི་ཕྱིར་རོ། ། དེ་ལྟར་བག་ཡོད་པར་སྤྱོད་པ་རྣམས་ཡིད་ཆེས་པར་མི་བྱེད་དོ། ། འདུས་བྱས་ཀྱི་ཆོས་རྣམས་ལ་བག་མེད་པར་སྤྱད་པར་གྱུར་ཏ་རེ། ། 5.བག་ཡོད་པར་འགྱུར་བས་བག་ཡོད་པ་སྤྱད་པ་ལ་ཡོན་ཏན་གཞན་ཡང་ལྔ་པ་ཡོད་པ་ནི། འདི་ལྟ་སྟེ། ཐོས་པ་དང་ལྡན་པར་འགྱུར་རོ། ། འཕགས་པ་རྣམས་ལ་རྗེས་སུ་སྟེན་པར་བྱེད་དོ། ། ཡེ་ཤེས་ལ་མངོན་པར་དགའ་བར་འགྱུར་རོ། ། དཀོན་མཆོག་གསུམ་ཁྱད་པར་དུ་བྱེད་པའི་རང་བཞིན་ཅན་དུ་འགྱུར་རོ། ། མ་ཐོས་པ་དང་ལྡན་པའི་དོན་རྣམས་རྣམ་པར་དཔྱད་པ་ལ་མཁས་པར་འགྱུར་རོ། ། དེས་འཆི་བདག་གི་དུས་ཀུན་ཏུ་ཤེས་སོ། ། སྡུག་བསྔལ་དང་འཆི་བའི་རྒྱུ་མཚན་རྣམས་རྣམ་པར་ཤེས་སོ། ། དེ་ལ་ལྷ་རྣམས་ཀྱི་འཆི་འཕོ་བའི་རྒྱུ་མཚན་རྣམས་ནི། ཐོས་པའི་དོན་གྱིས་ཤེས་སོ། ། སྐྱེས་བུ་འཆི་བའི་རྒྱུ་མཚན་དང་། དེ་ངན་སོང་དུ་འགྲོ་བའི་རྒྱུ་མཚན་རབ་ཏུ་འོང་བ་རྣམས་ཀྱང་ཤེས་ཏེ། ཇི་ལྟར་བདག་ངན་སོང་དུ་འགྲོ་བར་འགྱུར་རོ། ། དེའི་རབ་ཏུ་བྱ་བ་རྣམས་ཀྱང་ཀུན་ཏུ་རིག་གོ ། དེ་ལའང་སེམས་རབ་ཏུ་དང་ངོ་། ། དེའི་སེམས་བསྐྱེད་པར་འགྱུར་བ་ཙམ་གྱིས་ངན་སོང་དུ་འགྲོ་བའི་རྒྱུ་མཚན་དེ་དག་ནུབ་པར་འགྱུར་རོ། ། བདེ་འགྲོའི་རྒྱུ་མཚན་ཡང་རབ་ཏུ་འབྱུང་བར་འགྱུར་རོ། ། མཆོག་ཏུ་གྱུར་པའི་འབྲས་བུ་དེ་དག་རྣམས་ནི། བག་ཡོད་པ་ཡིན་ནོ། ། མཆོག་ཏུ་སྡུག་བསྔལ་བར་གྱུར་པའི་འཆིང་བ་རྣམས་ཐམས་ཅད་ཀྱི་དྲུང་ནའང་ལྷག་པར་གྱུར་པའི་འབྲས་བུ་ཡིན་ནོ། །
Tibetan Source	《མདོ་ཡ་པ་》ཤ་362བ་1ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number