8691

Tibetan	སྐྱོན་མེད་པའི་ཆོས་ཀྱི་བཟོད་པ་ཐོབ་པར་འགྱུར་བ་བཅུ།
Tibetan Alternate
Tibetan Definition	དེ་ཡང་། འདུས་པ་ཆེན་པོ་ལས་སའི་སྙིང་པོའི་འཁོར་ལོ་བཅུ་པའི་མདོ་ལས་བྱུང་བ་བྱང་ཆུབ་སེམས་དཔའ་སྐྱོན་མེད་པའི་ཆོས་ཀྱི་བཟོད་པ་ཐོབ་པར་འགྱུར་བ་བཅུ་སྟེ། 1. བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་ནང་གི་ལུས་ལ་མི་གནས། ཕྱི་རོལ་གྱི་ལུས་ལ་མི་གནས། ཕྱི་ནང་གི་ལུས་ལ་མི་གནས། འདས་པའི་ལུས་ལ་མི་གནས། མ་འོངས་པའི་ལུས་ལ་མི་གནས། ད་ལྟར་གྱི་ལུས་ལ་མི་གནས་པ་སྟེ། ཆོས་དང་པོ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་བོ། ། 2. གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གུང་ནང་གི་ཚོར་བ་ལ་མི་གནས། ཕྱི་རོལ་གྱི་ཚོར་བ་ལ་མི་གནས། ཕྱི་ནང་གཉིས་ཀའི་ཚོར་བ་ལ་མི་གནས། འདས་པའི་ཚོར་བ་ལ་མི་གནས། མ་འོངས་པའི་ཚོར་བ་ལ་མི་གནས། ད་ལྟར་གྱི་ཚོར་བ་ལ་མི་གནས་པ་སྟེ། ཆོས་གཉིས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 3. གཞན་ཡང་། བྱང་ཆུབ་སེམས་དཔའ་སེམས་དཔའི་ཆེན་པོ་རྣམས་གང་ནང་གི་འདུ་ཤེས་ལ་མི་གནས། ཕྱི་རོལ་གྱི་འདུ་ཤེས་ལ་མི་གནས། ཕྱི་ནང་གཉི་གའི་འདུ་ཤེས་ལ་མི་གནས། འདས་པའི་འདུ་ཤེས་ལ་མི་གནས། མ་འོངས་པའི་འདུ་ཤེས་ལ་མི་གནས། ད་ལྟར་གྱི་འདུ་ཤེས་ལ་མི་གནས་པ་སྟེ། ཆོས་གསུམ་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 4. གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་ནང་གི་འདུ་བྱེད་ལ་མི་གནས། ཕྱི་རོལ་གྱི་འདུ་བྱེད་ལ་མི་གནས། ཕྱི་ནང་གཉི་གའི་འདུ་བྱེད་ལ་མི་གནས། འདས་པའི་འདུ་བྱེད་ལ་མི་གནས། མ་འོངས་པའི་འདུ་བྱེད་ལ་མི་གནས། ད་ལྟར་གྱི་འདུ་བྱེད་ལ་མི་གནས་པ་སྟེ། ཆོས་བཞི་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་བོ། ། 5. གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་ནང་གི་རྣམ་པར་ཤེས་པ་ལ་མི་གནས། ཕྱི་རོལ་གྱི་རྣམ་པར་ཤེས་པ་ལ་མི་གནས། ཕྱི་ནང་གཉིས་ཀའི་རྣམ་པར་ཤེས་པ་ལ་མི་གནས། འདས་པའི་རྣམ་པར་ཤེས་པ་ལ་མི་གནས། མ་འོངས་པའི་རྣམ་པར་ཤེས་པ་ལ་མི་གནས། ད་ལྟར་གྱི་རྣམ་པར་ཤེས་པ་ལ་མི་གནས་པ་སྟེ། ཆོས་ལྔ་པོ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 6. གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་འཇིག་རྟེན་འདི་ལ་མི་གནས་པ་སྟེ་ཆོས་དྲུག་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 7. གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་འཇིག་རྟེན་ཕ་རོལ་ལ་མི་གནས་པ་སྟེ། ཆོས་བདུན་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 8. བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གང་འདོད་པའི་ཁམས་ལ་མི་གནས་པ་སྟེ། ཆོས་བརྒྱད་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 9. བྱང་ཆུབ་སེམས་དཔའ་སེམས་དཔའ་ཆེན་པོ་གང་གཟུགས་ཡོད་པའི་ཁམས་ལ་མི་གནས་པ་སྟེ། ཆོས་དགུ་པ་འདིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། ། 10 .གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་གང་གཟུགས་མེད་པའི་ཁམས་ལ་མི་གནས་པ་སྟེ། ཆོས་བཅུ་པ་འདིས་ན་བྱང་ཆུབ་སེམས་དཔའ་སེམས་ དཔའ་ཆེན་པོ་རྣམས་ཡང་དག་པའི་ལམ་སྐྱོན་མེད་པའི་ཆོས་ཀྱི་བཟོད་པ་འཐོབ་པར་འགྱུར་རོ། །
Tibetan Source	《མདོ་ཛ་པ་》ཤ་305ན་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number