8694

Tibetan	ཁ་ན་མ་ཐོ་བ་མེད་པ་ཤིན་ཏུ་རྣམ་པར་དག་པ་བཅུ།
Tibetan Alternate
Tibetan Definition	དེ་ཡང་། ཕལ་ཆེན་ལས་བྱུང་བ་སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་རྣམ་པ་ཐམས་ཅད་དུ་ཁ་ན་མ་ཐོ་བ་མེད་པ་ཤིན་ཏུ་རྣམ་པར་དག་པ་བཅུ་སྟེ། 1. སངས་རྒྱས་བཅོམ་ལྡན་འདས་རྣམས་ཀྱི་ཡང་དག་པར་བསྒྲུབས་པ་བདག་ཉིད་ཆེ་བ་ནི། སྔོན་གྱི་མཐའ་ནས་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་རྣམ་པར་དག་པའོ། ། 2. སངས་རྒྱས་བཅོམ་ལྡན་འདས་རྣམས་ཀྱི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཀྱི་རྒྱུད་དུ་རིགས་དང་ལྡན་པར་འབྱུང་བའི་བདག་ཉིད་ཆེ་བ་ནི། དེ་བཞིན་གཤེགས་པའི་རིགས་རྣམ་པར་དག་པས། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 3. སངས་རྒྱས་བཅོམ་ལྡན་འདས་རྣམས་ནི་རྣམ་པར་ཤེས་པ་ལ་མི་གནས་པ་སྟེ། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། ཕྱི་མའི་མཐའི་མུར་ཐུག་པར་གནས་པས། རྣམ་པ་ཐམས་ཅད་དུ་ཁ་ན་མ་ཐོ་པ་མེད་ཅིང་ཤིན་ཏུ་རྣམ་པར་དག་པའོ། ། 4. སངས་རྒྱས་བཅོམ་ལྡན་འདས་རྣམས་ནི་དུས་གསུམ་ལ་མི་གནས་པར་རྣམ་པར་སྤྱོད་ཅིང་ཆོས་ཐམས་ཅད་ལ་རྟེན་པ་ཡང་དག་པར་བརྩོན་པས། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 5. སངས་རྒྱས་བཅོམ་ལྡན་འདས་རྣམས་ནི་དངོས་པོ་རྣམ་པ་ཐ་དད་པ་ལ་རྣམ་པར་གཞག་པ་གཅིག་གིས་ལེན་པ་མེད་པས། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 6. སངས་རྒྱས་བཅོམ་ལྡན་འདས་རྣམས་ནི་སྔོན་གྱི་མཐའ་དང་། ཕྱི་མའི་མཐར་ཆོས་ཀྱི་དབྱིངས་ལ་གནས་པས་མཉམ་པའི་བསོད་ནམས་མི་ཟད་པ་དང་ལྡན་པས། མི་ཟད་པའི་བསོད་ནམས་མངའ་བ་སྟེ། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 7. སངས་རྒྱས་བཅོམ་ལྡན་འདས་རྣམས་ནི་སྐུ་གཟུགས་དང་། ཁ་དོག་མཐའ་ཡས་པས་འཇིག་རྟེན་གྱི་ཁམས་ཐམས་ཅད་ན་སེམས་ཅན་འདུལ་བའི་དུས་དང་དབང་གིས་ཆགས་པ་མེད་པར་བཞུགས་པས། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 8. སངས་རྒྱས་བཅོམ་ལྡན་འདས་རྣམས་ནི་མི་འཇིགས་པ་བཞི་བརྙེས་པས་བག་ཚ་བ་མི་མངའ་བར་བཞུགས་ཤིང་ཁྱུ་མཆོག་དང་། སེང་གེའི་ང་རོ་འབྱིན་ཏེ། རྒོལ་བའི་ནང་ན་སྟག་ལྟ་བུའི་མཐུ་དང་ལྡན་ལ། ཆོས་ཐམས་ཅད་བསྟན་པ་ལ་ཐུགས་སྒྲོན་མ་ལྟ་བུ་མངའ་བས། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 9. སངས་རྒྱས་བཅོམ་ལྡན་འདས་རྣམས་ནི་ཡོངས་སུ་མྱ་ངན་ལས་འདས་ནས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་ཞིག་ལོན་ཡང་མཚན་གྱི་ཚིག་ཐོས་པ་ཙམ་གྱིས་བཞུགས་པ ་དང་འདྲ་བར་སེམས་ཅན་རྣམས་ཀྱི་ཡོན་ཤིན་ཏུ་སྦྱོང་ཞིང་། མྱ་ངན་ལས་འདས་ནས་དེ་སྲིད་ཀྱི་ཡུན་རིང་པོ་འདས་ཀྱང་། སངས་རྒྱས་ལ་བསྐྱེད་པའི་ཡོན་ཏན་ཟད་པར་མི་འགྱུར་བས། སངས་རྒྱས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། ། 10 .སངས་རྒྱས་བཅོམ་ལྡན་རྣམས་ནི་འཇིག་རྟེན་གྱི་ཁམས་བརྗོད་དུ་མེད་པའི་ཡང་བརྗོད་དུ་མེད་པ་དག་ན་བཞུགས་ཤིང་། འཇིག་རྟེན་གྱི་ཁམས་རྒྱང་རིང་པོ་ན་བཞུགས་ཀྱང་། འཇིག་རྟེན་གྱི་ཁམས་འདི་ན་གནས་པའི་སེམས་ཅན་རྣམས་ཀྱིས་རྗེས་སུ་དྲན་པར་བྱས་ན། སྐུ་མངོན་པར་སྟོན་པ་མཛད་པས། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །
Tibetan Source	《ཕལ་ཆེན་ང་པ་》ཤ་9བ་6ལས་བཏུས།
Wylie
Wylie Definition
Wylie Synonym
Sanskrit
English
English Definition
English Synonyms
Chinese
Chinese (Simplified)
Chinese (Traditional)
Chinese Definition
Page Number